1Tantara 15:3 - DIEM PROTESTANTA

³ Dia novorin’i Davida tao Jerosalema i Israely lafy valo mba hampakatra ny Vatamasin’ny TOMPO ho eo amin’ny toerana izay efa namboarina ho azy.

Baiboly Protestanta Malagasy 2011

³ Dia novorin’i Davida tany Jerosalema ny Israely rehetra hampiakatra ny vata misy ny faneken’NY TOMPO ho any amin’ny toerana izay namboariny ho azy.

Dikateny Iombonana Eto Madagasikara

³ Dia novorin’i Davida tao Jerosalema i Israely lafy valo mba hampakatra ny Vatamasin’ny TOMPO ho eo amin’ny toerana izay efa namboarina ho azy.

Baiboly Katolika

³ Dia novorin’i Davida tao Jerosalema i Israely rehetra hampiakatra ny Fiaran’i Iaveh ho ao amin’ny fitoerany, izay efa nomaniny ho azy.

Baiboly Protestanta Malagasy

³ Dia novorin’i Davida tany Jerosalema ny Isiraely rehetra hampakatra ny fiaran’i Jehovah ho any amin’ny fitoerana izay namboariny ho azy.

Malagasy Bible

³ Dia novorin'i Davida tany Jerosalema ny Isiraely rehetra hampakatra ny fiaran'i Jehovah ho any amin'ny fitoerana izay namboariny ho azy.

La Bible en Malgache

³ Dia novorin’i Davida tany Jerosalema ny Israely rehetra hampiakatra ny vata misy ny faneken’NY TOMPO ho any amin’ny toerana izay namboariny ho azy.

1Tantara 15:3 Rohy Ifampitohizana

2Samoela 6:12

Nisy nilaza tamin’i Davida mpanjaka fa ny TOMPO efa nitahy ny ankohonan’i Hôbeda-Edôma sy izay nananany rehetra noho ny amin’ny Vatamasin’Andriamanitra. Dia niainga i Davida nampakatra ny Vatamasin’Andriamanitra avy tao an-tranon’i Hôbeda-Edôma ho any an-tanànan’i Davida.

2Samoela 6:17

Dia nampidirina ny Vatamasin’ny TOMPO ka napetraka teo amin’ny toerana voatokana tao anatin’ny tranolay izay efa natsangan’i Davida ho azy. Ary i Davida avy eo nanolotra sorona dorana manontolo sy sorom-pihavanana teo anatrehan’ny TOMPO.

1Mpanjaka 8:1

Tamin’izay fotoana izay dia novorin’i Salômôna mpanjaka teo aminy tao Jerosalema ny loholon’i Israely sy ny lehibem-poko rehetra ary ny filoham-pianakaviana israelita mba hampakatra ny Vatamasina mirakitra ny fanekempihavanan’ny TOMPO, avy ao Tsiôna Tanànan’i Davida hankao an-tempoly.

1Tantara 13:2

ka taorian’izany, dia hoy i Davida tamin’ny Israelita rehetra tafangona teo: –Raha sitraky ny TOMPO Andriamanitsika, sady heverinareo fa tsara, dia andeha isika haniraka faingana ho any amin’ny mpiray firenena havantsika tavela manerana ny tanin’i Israely, indrindra amin’ny mpisorona sy ny levita any amin’ny tanànany sy ny kijanany avy, mba hitaona azy hikambana amintsika.

1Tantara 13:5

Dia novorin’i Davida i Israely lafy valo, manomboka amin’ny sisin-tanin’i Ejipta ka hatrany Lebô-Hamàta, mba handeha haka ny Vatamasina, any Kiriata-Jeharima.

1Tantara 15:1

I Davida dia nanao trano ho an’ny tenany tao «an-tanànan’i Davida», sady nanomana toerana sy nanorina tranolay teo ho an’ny Vatamasina mirakitra ny fanekempihavanan’Andriamanitra.

1Tantara 15:12

ka nilazany hoe: –Ianareo loham-pianakaviana levita, manaova ny fomba fidiovana ianareo sy ny namanareo, dia ampakaro ilay Vatamasin’ny TOMPO Andriamanitr’i Israely, ho eo amin’ny toerana izay efa namboariko ho azy.

1Tantara 16:1

Dia nentina ny Vatamasina ka napetraka tao afovoan’ny tranolay izay efa namboarin’i Davida ho azy. Avy eo dia nisy sorona dorana manontolo sy sorom-pihavanana natolotra teo anatrehan’Andriamanitra.

2Tantara 1:2

Novorîn’i Salômôna ny Israelita rehetra, dia ny mpifehy vondro-miaramila sy mpifehy andia-miaramila ary ny mpitsara sy ireo tompon’andraikitra rehetra teo amin’i Israely, izany hoe ireo filoham-pianakaviana.

2Tantara 1:4

Ny Vatamasin’Andriamanitra moa dia efa nampakarin’i Davida avy tany Kiriata-Jeharîma ho ao amin’ny toerana izay nomaniny hasiana azy; fa efa nanangana lay ho azy tao Jerosalema izy.

2Tantara 5:2

Tamin’izay fotoana izay dia novorîn’i Salômôna tao Jerosalema ny loholon’i Israely sy ny lehibem-poko rehetra ary ireo filoham-pianakaviana israelita mba hampakatra ny Vatamasina mirakitra ny fanekempihavanan’ny TOMPO, avy ao Tsiôna Tanànan’i Davida hankao an-tempoly.

Eksodosy 40:20

Nalain’i Mosesy ny vatofisaka misy ny didy folo ka napetrany tao amin’ny Vatamasina; dia natsofoka ny baon’ny Vatamasina sady narakotra azy ny sarony.

Levitikosy 9:5

Rehefa nentina teo anoloan’ny Tranolay fihaonana ny zavatra nandidian’i Mosesy, dia nanatona ny Fiangonan’ny Israelita tsivakivolo ka nijanona teo anatrehan’ny Toeramasin’ny TOMPO.