1Tantara 11:5 - DIEM PROTESTANTA

⁵ Dia hoy ireo mponina tao Jebosa tamin’i Davida: –Tsy ho tafiditra ato an-tanànanay ianao! Kanjo azon’i Davida ihany ny tanànamimanda, dia i Tsiôna izay hatao hoe «Tanànan’i Davida».

Baiboly Protestanta Malagasy 2011

⁵ Hoy ny mponina tao Jebosa tamin’i Davida: Tsy ho tafiditra ato ianao. Kanjo azon’i Davida ihany ny manda fiarovana, dia i Ziona izay Tanànan’i Davida.

Dikateny Iombonana Eto Madagasikara

⁵ Dia hoy ireo mponina tao Jebosa tamin’i Davida: –Tsy ho tafiditra ato an-tanànanay ianao! Kanjo azon’i Davida ihany ny tanànamimanda, dia i Tsiôna izay hatao hoe «Tanànan’i Davida».

Baiboly Katolika

⁵ Fa hoy ny mponina tao Jebosa tamin’i Davida: «Tsy ho tafiditra eto ianao.» Afak’i Davida ihany anefa ny trano mimandan’i Siôna: izany no tanànan’i Davida.

Baiboly Protestanta Malagasy

⁵ Ary hoy ny mponina tao Jebosa tamin’i Davida: Tsy ho tafiditra eto hianao. Kanjo afak’i Davida ihany ny batery fiarovana, dia Ziona (Tanànan’i Davida izany).

Malagasy Bible

⁵ Ary hoy ny mponina tao Jebosa tamin'i Davida: Tsy ho tafiditra eto ianao. Kanjo afak'i Davida ihany ny batery fiarovana, dia Ziona (Tanànan'i Davida izany).

La Bible en Malgache

⁵ Hoy ny mponina tao Jebosa tamin’i Davida: Tsy ho tafiditra ato ianao. Kanjo azon’i Davida ihany ny manda fiarovana, dia i Ziona* izay Tanànan’i Davida.

1Tantara 11:5 Rohy Ifampitohizana

2Samoela 5:9

Nipetraka tao an-tanàna mimanda i Davida, ary niantso azy hoe «Tanànan’i Davida». Dia narafitr’i Davida ny manodidina, nanomboka hatreo Milao ka mifarana amin’ny trano fonenany.

2Samoela 6:10

Nolavin’i Davida ny hamindra ny Vatamasin’ny TOMPO ho any aminy, any an-tanànan’i Davida; fa naviliny kosa izany ho ao an-tranon’i Hôbeda-Edôma, lehilahy avy any Gàta.

2Samoela 6:12

Nisy nilaza tamin’i Davida mpanjaka fa ny TOMPO efa nitahy ny ankohonan’i Hôbeda-Edôma sy izay nananany rehetra noho ny amin’ny Vatamasin’Andriamanitra. Dia niainga i Davida nampakatra ny Vatamasin’Andriamanitra avy tao an-tranon’i Hôbeda-Edôma ho any an-tanànan’i Davida.

1Mpanjaka 8:1

Tamin’izay fotoana izay dia novorin’i Salômôna mpanjaka teo aminy tao Jerosalema ny loholon’i Israely sy ny lehibem-poko rehetra ary ny filoham-pianakaviana israelita mba hampakatra ny Vatamasina mirakitra ny fanekempihavanan’ny TOMPO, avy ao Tsiôna Tanànan’i Davida hankao an-tempoly.

1Tantara 11:4

Ary nandeha i Davida sy ny Israelita rehetra hanao fahirano an’i Jerosalema, izay natao hoe Jebosa satria ny Jebosita, mponina tao amin’io faritany io, no nitoetra tao.

1Tantara 11:6

Dia hoy i Davida: «Izay hamely voalohany ny Jebosita dia hatao filohan’ny tafika». Ary i Jôaba, zanakalahin’i Tseroià, no nanafika voalohany; koa izy no nanjary filohan’ny tafika.

1Tantara 11:7

Ary nipetraka tao amin’ilay tanànamimanda i Davida, koa izany no niantsoana azy hoe «Tanànan’i Davida».

2Tantara 5:2

Tamin’izay fotoana izay dia novorîn’i Salômôna tao Jerosalema ny loholon’i Israely sy ny lehibem-poko rehetra ary ireo filoham-pianakaviana israelita mba hampakatra ny Vatamasina mirakitra ny fanekempihavanan’ny TOMPO, avy ao Tsiôna Tanànan’i Davida hankao an-tempoly.

Salamo 122:5

Ao no ijoroan’ny sezafiandrianam-pitsarana, dia ny sezafiandrianan’ny taranak’i Davida.

Salamo 132:13

Ny TOMPO efa nifidy an’i Tsiôna, izay tiany hatao fonenana.

Salamo 2:6

«Izaho no manendry Azy ho mpanjaka eo Tsiôna tendrombohitro masina!»

Salamo 48:2

Lehibe ny TOMPO Andriamanitsika, hany ka mendrika hoderaina fatratra ao an-tanànany, ao an-tendrombohiny masina.

Salamo 78:68

fa ny fokon’i Joda no voafidiny ary ny tendrombohitra Tsiôna no maminy;

Salamo 87:2

Tiany tokoa ny tanànan’i Tsiôna mihoatra noho ny toerana rehetra izay nonenan’ireo taranak’i Jakôba.

Salamo 87:5

Izao kosa no holazaiko momba an’i Tsiôna: Ny olona tsirairay dia samy teraka tao; Ilay Avo Indrindra mihitsy no manamafy orina azy.»

Salamo 9:11

Aoka hiantehitra aminao ireo mahalala tsara Anao, satria Ianao tsy mba mandao izay mitady Anao, TOMPO ô!

Romana 9:33

araka ny voalazan’ny Soratra Masina hoe: «Indro Aho mametraka vato mahasolafaka sy vatolampy mampianjera ao Tsiôna; kanefa izay mino Azy tsy mba hangaihay.»

Hebreo 12:22

Fa ny efa nohatoninareo kosa dia ny tendrombohitra Tsiôna misy ny tanànan’Andriamanitra velona, dia i Jerosalema any an-danitra. Ny efa nohatoninareo dia ny anjely marobe tsy hita isa

Apokalipsy 14:1

Dia indro hitako nijoro teo an-tendrombohitra Tsiôna ny Zanakondry; ary nisy olona 144 000 nomba Azy, samy manana ny anaran’ny Zanakondry sy ny anaran’ny Rainy voasoratra eo amin’ny handriny.

Mpitsara 19:10

Saingy tsy nanaiky hijanona intsony ralehilahy fa niainga ihany; ary nandeha niaraka taminy ny vadikeliny sy ireo boriky roa efa nisy lasely. Dia tonga teo amin’ny tandrifin’i Jebosa na hoe i Jerosalema izy.

1Samoela 17:26

Dia hoy i Davida tamin’ny miaramila iray teo akaikiny: –Hatao ahoana tsara hoe izay maharesy io Filistinina io ka mahafaka an’i Israely amin’izao fahafaham-baràkany izao? Fa iza moa io Filistinina mpanompo sampy io no sahy mihantsy ny tafik’ilay Andriamanitra velona?

1Samoela 17:36

Raha izany no nahafatesan’ny mpanomponao ny liona sy ny bera, dia ho tahaka izany koa no hanjo io Filistinina mpanompo sampy io, satria nihantsy ny tafik’ilay Andriamanitra velona izy.