1Tantara 11:22 - DIEM PROTESTANTA

²² I Benaià, avy any Kabitseela, dia zanakalahin’i Jôiadà sady zafikelin’ny miaramila anankiray maherifo. Nahavita asa goavana maro i Benaià: izy no nahafaty ireo Ariela roa lahy avy any Môaba; izy koa ilay nidina tanaty lavaka iray ka nahafaty liona tao tamin’ny indray andro nisy oram-panala.

Baiboly Protestanta Malagasy 2011

²² Ary i Benaia, zanak’i Jehoiada, zanaky ny lehilahy mahay tany Kabzela, izay nahavita asa be, izy no nahafaty ny roa lahy mahery tany Moaba. Izy koa no nidina namono ny liona tao anatin’ny lavaka fantsakana tamin’ilay andro nisy orampanala iny.

Dikateny Iombonana Eto Madagasikara

²² I Benaià, avy any Kabitseela, dia zanakalahin’i Jôiadà sady zafikelin’ny miaramila anankiray maherifo. Nahavita asa goavana maro i Benaià: izy no nahafaty ireo Ariela roa lahy avy any Môaba; izy koa ilay nidina tanaty lavaka iray ka nahafaty liona tao tamin’ny indray andro nisy oram-panala.

Baiboly Katolika

²² I Banaiasa zanak’i Jôiadà zanaky ny lehilahy anankiray mahery sy naneho herim-po lehibe matetika, avy any Kabseela. Izy no namely ireo Ariela roalahy avy any Moaba. Indray andro nisy oram-panala izay, dia nidina izy ka namely ilay liona tao amin’ny lavaka famorian-drano.

Baiboly Protestanta Malagasy

²² Ary Benaia, zanak’i Joiada, zanaky ny lehilahy mahay tany Kabzela, izay nahavita asa be, izy no nahafaty ny roa lahy mahery tany Moaba; ary izy koa no nidina namono ny liona tao anatin’ny lavaka fantsakana tamin’ilay andro nisy orampanala iny.

Malagasy Bible

²² Ary Benaia, zanak'i Joiada, zanaky ny lehilahy mahay tany Kabzela, izay nahavita asa be, izy no nahafaty ny roa lahy mahery tany Moaba; ary izy koa no nidina namono ny liona tao anatin'ny lavaka fantsakana tamin'ilay andro nisy oram-panala iny.

La Bible en Malgache

²² Ary i Benaia, zanak’i Jehoiada, zanaky ny lehilahy mahay tany Kabzela, izay nahavita asa be, izy no nahafaty ny roa lahy mahery tany Moaba. Izy koa no nidina namono ny liona tao anatin’ny lavaka fantsakana tamin’ilay andro nisy orampanala iny.

1Tantara 11:22 Rohy Ifampitohizana

2Samoela 1:23

I Saoly sy i Jônatàna dia nifankatia tokoa fahavelony, ary tsy nosarahina na dia tamin’ny nahafatesany aza; mailaka noho ny voromahery izy mianaka ary mahery fo mihoatra noho ny liona.

2Samoela 20:23

I Jôaba no filohan’ny tafika manontolo tamin’i Israely; i Benaià zanakalahin’i Joiadà no lehiben’ny Keretita sy Peletita mpiambina an’i Davida;

2Samoela 8:18

i Benaià, zanakalahin’i Jôiadà, no lehiben’ny mpiambina andriamanjaka; ary ireo zanakalahin’i Davida kosa dia mpanolotsaina.

1Mpanjaka 1:38

Dia nidina nankany amin’i Salômôna i Tsadôka mpisorona sy i Natàna mpaminany ary i Benaià zanakalahin’i Jôiadà, niaraka tamin’ny Keretita sy ny Peletita mpiambina andriana ka nampitaingina azy ny borikivavin’i Davida, ary nitondra azy nankany Gihôna.

1Mpanjaka 1:8

Fa i Tsadôka mpisorona sy i Benaià zanakalahin’i Jôiadà sy i Natàna mpaminany mbamin’i Simehỳ sy i Rehỳ ary ireo kalazan’i Davida kosa tsy mba niandany tamin’i Adônià.

1Mpanjaka 2:30

Dia nankany amin’ny Tranolain’ny TOMPO i Benaià ka niteny tamin’i Jôaba hoe: –Izao no lazain’ny mpanjaka: Mivoaha tao ianao! Hoy kosa izy: –Tsia, fa eto no hahafatesako. Dia nankany amin’ny mpanjaka indray i Benaià nitondra ny valin-tenin’i Jôaba.

1Tantara 11:21

Nomen-kaja avo roa heny kosa i Abisay teo amin’ny «andian’ny telopolo lahy» ka lasa lehibeny; saingy tsy afaka nifaninana tamin’ny «Tariky ny telo lahy» izy.

1Tantara 12:28

niampy an’i Jôiadà, filohan’ny taranak’i Aharôna, niaraka tamin’ny 3 700 lahy,

1Tantara 12:8

ary i Jôhelà sy i Zebadià, samy zanakalahin’i Jerôhama, avy any Gedôra.

Josoa 15:21

Teo amin’ny foko taranak’i Joda dia ireto avy ireo tanàna tamin’ny ilany atsimo nanakaiky ny sisin-tanin’i Edôma: i Kabitseela, i Hedera, i Jagora,