Nehemia 9:14 - Baiboly Protestanta Malagasy

¹⁴ Ary nampahalala azy ny Sabatanao masina Hianao, ary Mosesy mpanomponao nampilazainao didy sy fomba ary lalàna taminy;

Baiboly Protestanta Malagasy 2011

¹⁴ Nampahalala azy ny Sabatanao masina Ianao ary i Mosesy mpanomponao dia nampilazainao didy sy fomba ary lalàna taminy;

DIEM PROTESTANTA

¹⁴ Tamin’ny alalan’i Mosesy mpanomponao no nampahalalanao azy ny Sabata izay andro voatokana ho Anao sy nanoloranao azy didy sy fepetra ary lalàna.

Dikateny Iombonana Eto Madagasikara

¹⁴ Tamin’ny alalan’i Mosesy mpanomponao no nampahalalanao azy ny Sabata izay andro voatokana ho Anao sy nanoloranao azy didy sy fepetra ary lalàna.

Baiboly Katolika

¹⁴ Nampahalalainao ny sabatanao masina izy, ary nomenao didy, fitsipika aman-dalàna hotandremana izy, tamin’ny alalan’i Môizy mpanomponao.

Malagasy Bible

¹⁴ Ary nampahalala azy ny Sabatanao masina Hianao, ary Mosesy mpanomponao nampilazainao didy sy fomba ary lalàna taminy;

La Bible en Malgache

¹⁴ Nampahalala azy ny Sabatanao masina Ianao ary i Mosesy mpanomponao dia nampilazainao didy sy fomba ary lalàna taminy;

Nehemia 9:14 Rohy Ifampitohizana

Genesisy 2:3

Ary Andriamanitra nitahy ny andro fahafito sy nanamasina azy, satria tamin’izany no nitsaharan’Andriamanitra tamin’ny asany rehetra izay noforoniny tamin’ny nanaovany azy.

Nehemia 1:8

Hotsarovanao anie ilay teny nandidianao an’i Mosesy mpanomponao hoe: Raha manao izay mahadiso hianareo, dia hampiely anareo any amin’ny firenena maro Aho;

Nehemia 10:32

ary tsy hividy zavatra amin’ny andro Sabata, na amin’izay andro masina, raha misy entana na vary entin’ny tompon-tany hamidy amin’ny andro Sabata, ary tsy hamboly zavatra amin’ny taona fahafito sady hamoy izay trosa rehetra.

Eksodosy 16:23

Ary hoy Mosesy taminy: Izao no lazain’i Jehovah: Rahampitso dia tena andro fitsaharana masina ho an’i Jehovah; koa manendasa izay hendasinareo, ary mahandroa izay handrahoinareo, ary izay sisa rehetra dia avelao ho anareo, hotehirizina ho tra-maraina.

Eksodosy 16:29

Saino fa Jehovah no nanome anareo ny Sabata, koa izany no anomezany anareo mofo ampy ho indroa andro amin’ny andro fahenina; samia mitoetra eo amin’ny fitoerany avy hianareo, ka aoka tsy hisy hiala amin’ny fitoerany amin’ny andro fahafito.

Eksodosy 24:12

Ary hoy Jehovah tamin’i Mosesy: Miakara eto amiko eto an-tendrombohitra ka mitoera eto, dia homeko anao ny vato fisaka izay misy ny làlana sy ny didy, izay nosoratako hampianarina azy.

Ezekiela 20:11

Dia nomeko azy ny didiko, ary nampahafantariko azy ny fitsipiko, izay mahavelona ny olona manaraka izany.

Ezekiela 20:12

Ary nomeko azy koa ny Sabatako ho famantarana ho amiko sy ho aminy, mba ho fantany fa Izaho Jehovah no manamasina azy.

Ezekiela 20:20

Ary manamasìna sy Sabatako, mba ho famantarana ho amiko sy ho aminareo, ka dia ho fantatrareo fa Izaho no Jehovah Andriamanitrareo.

Levitikosy 19:3

Samia matahotra ny reninareo sy ny rainareo, ary tandremo ny Sabatako: Izaho no Jehovah Andriamanitrareo.

Levitikosy 27:34

Ireo no didy izay nandidian’i Jehovah an’i Mosesy ho amin’ny Zanak’Isiraely teo an-tendrombohitra Sinay.

Jaona 1:17

Fa ny lalàna dia nomena tamin’ny alalan’i Mosesy; fa ny fahasoavana sy ny fahamarinana kosa dia tonga tamin’ny alalan’i Jesosy Kristy.

Deoteronomia 4:45

Izao no teni-vavolombelona sy didy ary fitsipika, izay nambaran’i Mosesy tamin’ny Zanak’Isiraely, rehefa nivoaka avy tany Egypta izy,

Deoteronomia 4:5

Indro, efa nampianariko didy sy fitsipika hianareo, araka izay nandidian’i Jehovah Andriamanitro ahy, mba harahinareo any amin’ny tany izay efa hidiranareo holovana.