Mpitoriteny 4:8 - Baiboly Protestanta Malagasy

⁸ Misy mitoetra irery ka tsy mana-namana, eny, tsy manan-janaka na rahalahy aza, nefa tsy misy farany ny fisasarany rehetra, ary ny masony tsy afa-po amin’ny harena, hanaovany hoe: Ho an’iza no isasarako sy tsy ampananako soa ny fanahiko? Zava-poana sy asa mahareraka koa izany.

Baiboly Protestanta Malagasy 2011

⁸ Misy olona mitoetra irery ka tsy mana-namana, tsy manan-janaka, tsy manana rahalahy aza, nefa tsy misy farany ny fisasarany samihafa ary ny masony dia tsy afa-po amin’ny harena ka ilazany hoe: Ho an’iza no isasarako sy tsy ananako fahasambarana? Zava-poana sy asa mahareraka koa izany.

DIEM PROTESTANTA

⁸ indro lehilahy iray mitoetra irery tokoa tsisy namana na rahalahy na zanaka ary nisasatra mafy. Naniry hanan-karena betsaka izy ka nanao anakampo hoe: «Ho an’iza no isasarako sy tsy ahatsiarovako fahasambarana?» Zava-poana sy raharaha ratsy koa izany.

Dikateny Iombonana Eto Madagasikara

⁸ indro lehilahy iray mitoetra irery tokoa tsisy namana na rahalahy na zanaka ary nisasatra mafy. Naniry hanan-karena betsaka izy ka nanao anakampo hoe: «Ho an’iza no isasarako sy tsy ahatsiarovako fahasambarana?» Zava-poana sy raharaha ratsy koa izany.

Baiboly Katolika

⁸ Misy olona mitoetra irery, ka tsy misy anankiray hafa miaraka aminy, tsy zanaka, tsy rahalahy, kanefa aza lava tsy misy farany ny azy, ary tsy afa-dian-karena ny masony: Ho an’iza àry ity iasako, sy tsy ampananako fiadanana ny fanahiko? Zava-poana koa izany, ary lahasa ratsy.

Malagasy Bible

⁸ Misy mitoetra irery ka tsy mana-namana, eny, tsy manan-janaka na rahalahy aza, nefa tsy misy farany ny fisasarany rehetra, ary ny masony tsy afa-po amin'ny harena, hanaovany hoe: Ho an'iza no isasarako sy tsy ampananako soa ny fanahiko? Zava-poana sy asa mahareraka koa izany.

La Bible en Malgache

⁸ Misy olona mitoetra irery ka tsy mana-namana, tsy manan-janaka, tsy manana rahalahy aza, nefa tsy misy farany ny fisasarany samihafa ary ny masony dia tsy afa-po amin’ny harena ka ilazany hoe: Ho an’iza no isasarako sy tsy ananako fahasambarana? Zava-poana sy asa mahareraka koa izany.

Mpitoriteny 4:8 Rohy Ifampitohizana

Genesisy 2:18

Ary Jehovah Andriamanitra nanao hoe: Tsy tsara raha irery ralehilahy; dia hanaovako vady sahaza ho azy izy.

Salamo 39:6

Aloka tokoa no fandehandehan’ny olona; Zava-poana tokoa no itabatabany; Mihary harena izy, nefa tsy fantany izay ho tompon’izany.

Salamo 39:7

Ary ankehitriny, inona no andrasako, Tompo ô? Hianao no antenaiko.

Ohabolana 27:20

Ny fiainan-tsi-hita sy ny fandringanana tsy mety voky, Dia toy izany no tsy ahamamoan’ny mason’ny olona.

Mpitoriteny 1:13

ary nampiasaiko ny foko mba hitady sy hikatsaka amim-pahendrena ny zavatra rehetra izay atao atỳ ambanin’ny lanitra; asa mahareraka omen’Andriamanitra hisasaran’ny zanak’olombelona izany.

Mpitoriteny 1:8

Maivana-ny teny rehetra, ka tsy misy olona mahalaza; ny maso tsy mamo mijery, ary ny sofina tsy mamo mihaino.

Mpitoriteny 2:21

Fa misy olona izay misasatra amin’ny fahendrena sy ny fahalalana ary ny fahaizana, nefa ny olona izay tsy nisasatra tamin’izany akory no tsy maintsy hamelany azy ho lovany. Zava-poana sy faharatsiana lehibe koa izany.

Mpitoriteny 2:23

Fa ny androny rehetra dia fanaintainana avokoa, ary ny fisasarany dia fahasorisorena; eny, na dia amin’ny alina aza dia tsy manam-pitsaharana ny fony. Zava-poana koa izany.

Mpitoriteny 4:7

Ary izao koa no zava-poana hitako atỳ ambanin’ny masoandro:

Mpitoriteny 5:10

Raha mitombo ny fananana, dia mitombo koa ny mpihinana azy; ary inona no soa azon’ny tompony, afa-tsy ny mijery maso azy fotsiny ihany?

Mpitoriteny 5:9

Izay tia vola tsy hety ho voky vola; ary izay fatra-pitia harena be tsy hety ho vokin’ny fitomboan-karena; fa zava-poana koa izany.

Isaia 5:8

Lozanareo izay mangorona trano lalandava Sady mampiharo vala ny saha amin’ny saha, Ambara-paha-tsy hisy hitoeran’ny sasany intsony, Mba ho tonga mponina manirery eo amin’ny tany hianareo!

Isaia 55:2

Nahoana hianareo no mandany vola amin’izay tsy hanina, Ary ny vokatry ny fisasaranareo amin’izay tsy mahavoky? Mihainoa dia mihainoa Ahy, ka hano izay tsara, Dia aoka hiravoravo amin’ny matavy ny fanahinareo.

Matio 11:28

Mankanesa atỳ amiko, hianareo rehetra izay miasa fatratra sy mavesatra entana, fa Izaho no hanome anareo fitsaharana.

Lioka 12:20

Fa Andriamanitra kosa nanao taminy hoe: Ry adala, anio alina no halaina aminao ny fanahinao, ka ho an’iza izay zavatra noharìnao?

1Jaona 2:16

Fa ny zavatra rehetra eo amin’izao tontolo izao, dia ny filan’ny nofo sy ny filan’ny maso ary ny rehaka momba izao fiainana izao, dia tsy avy amin’ny Ray, fa avy amin’izao tontolo izao ihany.