Malakia 3:1 - Baiboly Protestanta Malagasy

¹ Indro, haniraka ny irako Aho, ary izy hanamboatra làlana eo alohako; ary ny Tompo Izay tadiavinareo dia ho avy tampoka ho eo an-tempoliny; ary ny Anjelin’ ny fanekena Izay irinareo, dia, indro, tamy Izy, hoy Jehovah, Tompon’ny maro.

Baiboly Protestanta Malagasy 2011

¹ Indro, haniraka ny irako Aho ary izy no hanamboatra lalana eo alohako; ary ny Tompo izay tadiavinareo dia ho avy tampoka ho eo an-tempoliny; ary ny Anjelin’ny fanekena izay irinareo dia indro, tamy Izy, hoy Andriamanitra, Tompon’izao rehetra izao.

DIEM PROTESTANTA

¹ Ka hoy ny TOMPOn’izao rehetra izao aminareo: «Indro Aho handefa ny irako mba hanamboatra lalana eo alohako; ary ny Tompo izay tadiavinareo dia ho tonga tampoka ao an-tempoliny. Ho tonga hitondra ny fanekempihavanako ilay iraka izay irinareo; indro avy tokoa Izy!»

Dikateny Iombonana Eto Madagasikara

¹ Ka hoy ny TOMPOn’izao rehetra izao aminareo: «Indro Aho handefa ny irako mba hanamboatra lalana eo alohako; ary ny Tompo izay tadiavinareo dia ho tonga tampoka ao an-tempoliny. Ho tonga hitondra ny fanekempihavanako ilay iraka izay irinareo; indro avy tokoa Izy!»

Baiboly Katolika

¹ Indro Aho haniraka ny hirako, ka izy no hamboatra ny lalana eo alohako; dia ho tonga tampoka ao an-tempoliny ny Tompo tadiavinareo, ilay Anjelin’ny fanekena irinareo. Indro avy izy, hoy i Iavehn’ny tafika.

Malagasy Bible

¹ Indro, haniraka ny irako Aho, ary izy hanamboatra lalana eo alohako; ary ny Tompo Izay tadiavinareo dia ho avy tampoka ho eo an-tempoliny; ary ny Anjelin'ny fanekena Izay irinareo, dia, indro, tamy Izy, hoy Jehovah, Tompon'ny maro.

La Bible en Malgache

¹ Indro, haniraka ny irako Aho ary izy no hanamboatra lalana eo alohako; ary ny Tompo izay tadiavinareo dia ho avy tampoka ho eo an-tempoliny; ary ny Anjelin’ny fanekena izay irinareo dia indro, tamy Izy, hoy Andriamanitra, Tompon’izao rehetra izao.

Malakia 3:1 Rohy Ifampitohizana

Salamo 110:1

Salamo nataon’i Davida. IZAO no lazain’i Jehovah amin’ny Tompoko: Mipetraha eo an-tànako ankavanana Ambara-panaoko ny fahavalonao ho fitoeran-tongotrao.

Eksodosy 23:20

INDRO, Izaho maniraka Anjely eo alohanao hiaro anao any an-dàlana sy hitondra anao ho any amin’ny fitoerana izay namboariko.

Eksodosy 23:21

Mitandrema eo anatrehany, ka mihainoa ny feony, ary aza mampahatezitra Azy; fa tsy hamela ny fahotanareo Izy;

Isaia 40:10

Indro, Jehovah Tompo ho avy amin’ny heriny, Ka ny sandriny ihany no hanapaka; Indro, ny valim-pitia hatolony dia eny aminy, Ary ny valin’asa homeny dia eo anoloany.

Isaia 63:9

Tamin’ny fahoriany rehetra dia niory koa Izy, Ary Ilay Anjelin’ny tavany no namonjy ireo; Ny fitiavany sy ny famindrampony no nanavotany azy Sy nivimbinany azy ary nitondrany azy tamin’ny andro taloha ela rehetra.

Isaia 7:14

Ary noho izany dia ny Tompo no hanome famantarana ho anareo: Indro, hanan-anaka ny virijina ka hiteraka zazalahy; Ary ny anarany hataony hoe Imanoela.

Isaia 9:6

Ny handrosoan’ny fanapahana sy ny fiadanana dia tsy hanam-pahataperana Eo amin’ny seza fiandrianan’i Davida sy ny fanjakany, Mba hampiorenana sy hampitoerana azy Amin’ny rariny sy ny hitsiny Hatramin’izao ka ho mandrakizay; Ny fahasaro-piaron’i Jehovah, Tompon’ny maro, no hahatanteraka izany.

Hagay 1:13

Ary nambaran’i Hagay, irak’i Jehovah, ny teny nampitondrain’i Jehovah ho amin’ny olona nanao hoe: Izaho no momba anareo, hoy Jehovah.

Malakia 2:4

Dia ho fantatrareo fa nampitondra izany didy izany ho aminareo Aho, mba haharetan’ny fanekeko amin’i Levy, hoy Jehovah, Tompon’ny maro.

Malakia 2:7

Fa ny molotry ny mpisorona tokony hitahiry fahalalana, ary ny lalàna hotadiavina eo am-bavany, satria irak’i Jehovah, Tompon’ny maro, izy.

Matio 11:14

Ary raha mety mandray hianareo, dia izy no ilay Elia izay ho avy.

Lioka 1:76

Ary hianao, ry zaza, dia hatao hoe mpaminanin’ny Avo Indrindra; Fa hialoha eo anatrehan’ny Tompo hianao hamboatra ny làlany.

Lioka 19:47

Ary nampianatra isan-andro teo an-kianjan’ny tempoly Izy. Fa ny lohan’ny mpisorona sy ny mpanora-dalàna ary ny loholona nitady hahafaty Azy;

Lioka 2:11

fa Mpamonjy no teraka ho anareo anio ao an-tanànan’i Davida, dia Kristy Tompo.

Lioka 2:38

Ary nony niditra tamin’izany ora izany izy, dia nisaotra an’Andriamanitra ka nilaza Azy tamin’izay rehetra niandry ny fanavotana tao Jerosalema.

Lioka 2:46

Ary rehefa afaka hateloana, dia hitany teo an-kianjan’ny tempoly Izy nipetraka teo afovoan’ny mpampianatra ka nihaino sady nanontany azy.

Asan’ny Apostoly 19:4

Fa hoy Paoly: Jaona nanao ny batisan’ny fibebahana ka nilaza tamin’ny olona hino Izay ho avy manaraka azy, dia Jesosy.

Asan’ny Apostoly 7:38

Izy ilay teo amin’ny fiangonana tany an-efitra mbamin’ny Anjely izay niteny taminy tany an-tendrombohitra Sinay sy tamin’ny razantsika, ka izy no nandray teny velona mba homeny antsika.