Levitikosy 19:28 - Baiboly Protestanta Malagasy

²⁸ Ary aza mitetika ny tenanareo noho ny maty, na manao tombo-kavatsa amin’ny tenanareo: Izaho no Jehovah.

Baiboly Protestanta Malagasy 2011

²⁸ Aza mitetika ny tenanareo ho an’ny maty na manao tombo-kavatsa amin’ny tenanareo. Izaho no TOMPO.

DIEM PROTESTANTA

²⁸ Aza ratraratraina ny tenanareo ho fisaonana ny maty, ary aza asiana tombokavatsa ny hoditrareo. Izaho no TOMPO.

Dikateny Iombonana Eto Madagasikara

²⁸ Aza ratraratraina ny tenanareo ho fisaonana ny maty, ary aza asiana tombokavatsa ny hoditrareo. Izaho no TOMPO.

Baiboly Katolika

²⁸ Aza mitetika ny tenanareo raha misy maty, na manao sary tombo-kavatsa amin’ny tenanareo. Izaho no Iaveh.

Malagasy Bible

²⁸ Ary aza mitetika ny tenanareo noho ny maty, na manao tombo-kavatsa amin'ny tenanareo: Izaho no Jehovah.

La Bible en Malgache

²⁸ Aza mitetika ny tenanareo ho an’ny maty na manao tombo-kavatsa amin’ny tenanareo. Izaho no TOMPO.

Levitikosy 19:28 Rohy Ifampitohizana

1Mpanjaka 18:28

Dia niantso mafy indray ireo sady nitetika ny tenany araka ny fanaony amin’ny sabatra sy ny lefona mandra-paha-loa-dra tamin’ny tenany.

Jeremia 16:6

Ho faty na ny lehibe na ny kely amin’ity tany ity; Samy tsy halevina na hisaonana izy, Na hitetehan’ny sasany tena, na hiboriany;

Jeremia 48:37

Fa mibory ny loha rehetra. Ary voaharatra ny somotra rehetra, Misy tetika amin’ny tanàna rehetra Sy lamba fisaonana amin’ny valahana.

Levitikosy 19:27

Aza manety ny sisim-bolon-dohanareo, ary aza manaratra ny vaokanao.

Levitikosy 19:29

Aza mampijangajanga ny zanakao-vavy hampahaloto azy, fandrao hijanganjanga ny tany ka ho feno fahavetavetana.

Levitikosy 21:1

ARY Jehovah niteny tamin’i Mosesy ka nanao hoe: Mitenena amin’ireo mpisorona, zanak’i Arona, hoe: Aoka hianareo tsy hisy hiditra am-paty eo amin’ny fireneny,

Levitikosy 21:11

Ary aoka tsy hiditra am-paty akory izy, ka tsy handoto ny tenany na dia amin’ny rainy amandreniny aza.

Levitikosy 21:5

Tsy hanasola ny lohany izy, na hanàratra ny vaokany, na hitetika ny tenany.

Marka 5:5

Ary mandrakariva, na andro na alina, dia nitoetra teny amin’ny fasana sy teny an-tendrombohitra izy ka ninananana sady niteti-tena tamin’ny vato.

Jaona 20:25

Dia hoy ny mpianatra sasany taminy: Efa nahita ny Tompo izahay. Fa hoy kosa izy taminy: Raha tsy hitako eo amin’ny tànany ny holatry ny nohomboana, ka ataoko eo amin ny holatry ny nohomboana ny rantsan-tànako, ary ataoko eo amin’ny lanivoany koa ny tànako, dia tsy mba hino aho.

Deoteronomia 14:1

ZANAK’i Jehovah Andriamanitrareo hianareo, koa aza mitetika ny tenanareo, na manaratra ny eo ambonin’ny handrinareo noho ny amin’ny maty.

Apokalipsy 14:11

ary ny setroky ny fijaliany dia miakatra mandrakizay mandrakizay; ary tsy manam-pitsaharana na andro na alina izay miankohoka eo anoloan’ny bibi-dia sy ny sariny, na izay mandray ny mariky ny anarany.

Apokalipsy 14:9

Ary nisy iray koa, dia anjely fahatelo, nanaraka ireny ka nanao tamin’ny feo mahery hoe: Raha misy miankohoka eo anoloan’ny bibi-dia sy ny sariny ka mandray ny marika eo amin’ny handriny na amin’ny tànany,

Apokalipsy 15:2

Ary nahita aho fa, indro, toa ranomasina fitaratra miharo afo, ary izay naharesy ka afaka tamin’ny bibi-dia sy ny sariny ary ny isan’ny anarany dia nitsangana teo amoron’ ny ranomasina fitaratra, nitana lokangan’Andriamanitra.

Apokalipsy 16:2

Ary ny voalohany nandeha, dia nampidina ny tao an-doviany tamin’ny tany; dia nisy vay ratsy sady mampahory tamin’ny olona izay nanana ny mariky ny bibi-dia sy niankohoka teo anatrehan’ny sariny.

Apokalipsy 19:20

Ary nosamborina ilay bibi-dia mbamin’ny mpaminany sandoka, dia ilay nanao ny famantarana teo anatrehany, izay nentiny namitaka ny efa nandray ny mariky ny bibi-dia sady miankohoka eo anoloan’ny sariny; ary dia natsipy velona ho any amin’ny farihy afo mirehitra solifara izy roroa.

Apokalipsy 20:4

Ary nahita seza fiandrianana maro aho, ary nisy nipetraka teo amboniny, ary nomena fahefana hitsara izy; ary hitako koa ny fanahin’izay notapahin-doha noho ny filazana an’i Jesosy sy ny tenin’Andriamanitra sy izay rehetra tsy niankohoka teo anoloan’ny bibi-dia na teo anoloan’ny sariny ary tsy nandray ny marika ho eo amin’ny handriny na ho eo amin’ny tànany; ary velona izy ka niara-nanjaka tamin’i Kristy arivo taona.