Levitikosy 19:12 - Baiboly Protestanta Malagasy

¹² Aza mianian-tsy to amin’ny anarako, na manamavo ny anaran’Andriamanitrao: Izaho no Jehovah.

Baiboly Protestanta Malagasy 2011

¹² Aza manao fianianana mandainga amin’ny anarako ka hanamavo ny anaran’Andriamanitrao: Izaho no TOMPO.

DIEM PROTESTANTA

¹² Aza mianiana amin’ny anarako mba hamitahana satria manala baràka ny anarako izany. Izaho no TOMPO Andriamanitrareo.

Dikateny Iombonana Eto Madagasikara

¹² Aza mianiana amin’ny anarako mba hamitahana satria manala baràka ny anarako izany. Izaho no TOMPO Andriamanitrareo.

Baiboly Katolika

¹² Aza mianian-tsy tò amin’ny Anarako, fa fanamavoana ny Anaran’Andriamanitrao izany. Izaho no Iaveh.

Malagasy Bible

¹² Aza mianian-tsy tò amin'ny anarako, na manamavo ny anaran'Andriamanitrao: Izaho no Jehovah.

La Bible en Malgache

¹² Aza manao fianianana mandainga amin’ny anarako ka hanamavo ny anaran’Andriamanitrao: Izaho no TOMPO.

Levitikosy 19:12 Rohy Ifampitohizana

Salamo 15:4

Tsy manaja ny ratsy fanahy, Fa manome voninahitra ny matahotra an’i Jehovah, Tsy mivadika amin’ny fianianany, na dia maningotra ny tenany aza,

Eksodosy 20:7

Aza manonona foana ny anaran’i Jehovah Andriamanitrao; fa tsy hataon’i Jehovah ho tsy manan-tsiny izay manonona foana ny anarany.

Isaia 48:1

MIHAINOA, ry taranak’i Jakoba, Dia hianareo izay antsoina amin’ny anaran’Isiraely Sy avy amin’ny loharanon’i Joda, Hianareo izay mianiana amin’ny anaran’i Jehovah Ary mankalaza ny anaran’Andriamanitry ny Isiraely, Kanefa tsy araka ny marina, na araka ny hitsiny;

Jeremia 34:16

kanjo nivadika indray hianareo ka tsy nanamasina ny anarako, fa samy namerina ny ankizilahiny sy ny ankizivaviny, izay efa nalefanareo handeha araka izay tiany, dia nanandevo azy ho ankizilahiny sy ho ankizivaviny indray.

Jeremia 4:2

Fa hianiana amin’ny hitsiny sy ny rariny ary ny fahamarinana hoe: Raha velona koa Jehovah,– Dia Izy no holazain’ny firenena ho fahasambarany, Ary Izy no ho reharehany.

Jeremia 5:2

Ary na dia misy aza manao hoe: ,Raha velona koa Jehovah,’ Dia entiny mianian-tsy to izany.

Jeremia 7:9

Hay! hangalatra sy hamono olona sy hijangajanga va hianareo Ary hianian-tsy to sy handoro ditin-kazo manitra ho an’i Bala Sady hanaraka andriamani-kafa izay tsy fantatrareo?

Levitikosy 18:21

Ary aza misy ampandehaninao hamaky ny afo ho an’i Moloka ny zanakao; ary aza manamavo ny anaran’Andriamanitrao: Izaho no Jehovah.

Levitikosy 20:3

Ary ny Tavako hanandrina izany olona izany, ka hofongorana tsy ho amin’ny fireneny izy, satria nisy natolony ho an’i Moloka ny zanany, handotoany ny fitoerako masina sy hanamavoany ny anarako masina.

Levitikosy 24:11

Ary niteny ratsy ny Anarana ilay zanaky ny vehivavy Isiraelita ka nanozona dia nentina tany amin’i Mosesy izy (Selomita no anaran-dreniny, zanakavavin’i Dibry avy tamin’ny firenen’i Dana izy);

Levitikosy 6:3

Ary hiakanjoan’ny mpisorona ny akanjony rongony fotsy, ary ny kalisaoniny rongony fotsy dia hataony manolo-koditra, dia handraoka ny lavenona avy amin’ny fanatitra dorana izay nolevonin’ny afo teo ambonin’ny alitara izy ka hametraka azy eo anilan’ny alitara.

Zakaria 5:3

Dia hoy izy tamiko: Izany no ozona mivoaka ho eny amin’ny tany rehetra; fa izay rehetra mangalatra dia hosorohina araka izany, ary izay rehetra mianiana dia hosorohina araka izany koa.

Zakaria 5:4

Ho entiko mivoaka izany, hoy Jehovah, Tompon’ny maro, ka hiditra ao an-tranon’ny mpangalatra sy ao an-tranon’izay mianian-tsy to amin’ny anarako ary hitoetra ao amin’ny tranony ka handevona azy mbamin’ny hazony sy ny vatony.

Malakia 3:5

Ary hanatona anareo ho fitsarana Aho ka ho vavolombelona faingana hanameloka ny mpanana ody sy ny mpijangajanga sy ny mpianian-tsy to sy ny mpampahory ny mpikarama amin’ny karamany mbamin’ny mpitondratena sy ny kamboty ary izay mampahory ny vahiny; fa tsy matahotra Ahy izy, hoy Jehovah, Tompon’ny maro.

Deoteronomia 5:11

Aza manonona foana ny anaran’i Jehovah Andriamanitrao; fa tsy hataon’i Jehovah ho tsy manan-tsiny izay manonona foana ny anarany.

Jakoba 5:12

Fa mihoatra noho ny zavatra rehetra, ry rahalahiko, aza mianiana, na amin’ny lanitra, na amin’ny tany, na amin’izay fianianana hafa akory aza; fa aoka ny fanaikinareo ho ,Eny’, ary ny fandanareo ho ,Tisa’, fandrao hiharan’ny fitsarana hianareo.