Levitikosy 16:2 - Baiboly Protestanta Malagasy

² dia hoy Jehovah tamin’i Mosesy: Lazao amin’i Arona rahalahinao mba tsy hiditra mandrakariva ao amin’ny fitoerana masina izy; dia ao anatin’ny efitra lamba, eo anoloan’ny rakotra fanaovam-panavotana, izay eo ambonin’ny fiara, mba tsy hahafaty azy; fa hiseho eo amin’ny rahona eo ambonin’ny rakotra fanaovam-panatovana Aho.

Baiboly Protestanta Malagasy 2011

² Hoy NY TOMPO tamin’i Mosesy: Lazao amin’i Arona rahalahinao mba tsy hiditra mandrakariva ao amin’ny fitoerana masina izy, dia ao anatin’ny efitra lamba, eo anoloan’ny rakotra fanaovam-panavotana izay eo ambonin’ny vata misy ny Fanekena mba tsy hahafaty azy; fa hiseho eo amin’ny rahona eo ambonin’ny rakotra fanaovam-panavotana Aho.

DIEM PROTESTANTA

² Ka hoy ny TOMPO tamin’i Mosesy: «Ilazao i Aharôna rahalahinao mba tsy hiditra ao amin’ny Toeramasina Indrindra, ambadiky ny efitra lamba, afa-tsy amin’ny andro sahaza ihany; ary ilazao koa izy tsy hankeo anoloan’ilay Vatamasina izay misy rakotra volamena eo amboniny, sao ho faty izy satria hiseho anaty rahona eo ambonin’io rakotra volamena io Aho.»

Dikateny Iombonana Eto Madagasikara

² Ka hoy ny TOMPO tamin’i Mosesy: «Ilazao i Aharôna rahalahinao mba tsy hiditra ao amin’ny Toeramasina Indrindra, ambadiky ny efitra lamba, afa-tsy amin’ny andro sahaza ihany; ary ilazao koa izy tsy hankeo anoloan’ilay Vatamasina izay misy rakotra volamena eo amboniny, sao ho faty izy satria hiseho anaty rahona eo ambonin’io rakotra volamena io Aho.»

Baiboly Katolika

² Hoy i Iaveh tamin’i Môizy: «Ilazao i Aarôna rahalahinao, mba tsy hiditra lalandava ao amin’ny fitoerana masina, anatin’ny efitra lamba, eo anoloan’ny fanaovam-panavotana izay eo ambonin’ny fiara, sao ho faty izy, satria miseho eo amin’ny rahona eo ambonin’ny fanaovam-panavotana Aho.

Malagasy Bible

² dia hoy Jehovah tamin'i Mosesy: Lazao amin'i Arona rahalahinao mba tsy hiditra mandrakariva ao amin'ny fitoerana masina izy; dia ao anatin'ny efitra lamba, eo anoloan'ny rakotra fanaovam-panavotana, izay eo ambonin'ny fiara, mba tsy hahafaty azy; fa hiseho eo amin'ny rahona eo ambonin'ny rakotra fanaovam-panatovana Aho.

La Bible en Malgache

² Hoy NY TOMPO tamin’i Mosesy: Lazao amin’i Arona rahalahinao mba tsy hiditra mandrakariva ao amin’ny fitoerana masina izy, dia ao anatin’ny efitra lamba, eo anoloan’ny rakotra fanaovam-panavotana izay eo ambonin’ny vata misy ny Fanekena* mba tsy hahafaty azy; fa hiseho eo amin’ny rahona eo ambonin’ny rakotra fanaovam-panavotana Aho.

Levitikosy 16:2 Rohy Ifampitohizana

1Mpanjaka 6:16

Ary ny roa-polo hakiho hatreo amin’ny rindrina farany dia nasiany efitra hazo sedera hatramin’ny vodi-rindrina ka hatramin’ny loha-rindrina, ary nataony ho efitra anatiny izany, dia ny fitoerana masina indrindra.

1Mpanjaka 8:6

Ary ny fiaran’ny faneken’i Jehovah dia nampidirin’ny mpisorona ho ao amin’ny fitoerany tao anatin’ny efi-trano anatiny, dia ny fitoerana masina indrindra, teo ambanin’ny elatry ny kerobima;

2Tantara 5:14

ka dia tsy nahajanona hanao fanompoam-pivavahana ny mpisorona noho ny rahona; fa feno ny voninahitr’i Jehovah ny tranon’Andriamanitra.

Eksodosy 30:10

Ary aoka Arona hanao fanavotana eo amin’ny tandrony indray mandeha isan-kerintaona; amin’ny ran’ny fanatitra noho ny ota, izay atao fanavotana, indray mandeha isan-kerintaona, no hanaovany fanavotana eo, hatramin’ny taranakareo fara mandimby; ho masina indrindra ho an’i Jehovah izany.

Levitikosy 16:13

Ary hataony eo amin’ny afo eo anatrehan’i Jehovah ny ditin-kazo, ka hosaronan’ny setroky ny ditin-kazo ny rakotra fanaovan-panavotana, izay eo ambonin’ny Vavolombelona. mba tsy hahafaty azy.

Levitikosy 16:34

Ary ho lalàna mandrakizay ho anareo, izany, hanaovana fanavotana ho an’ny Zanak’Isiraely indray mandeha isan-taona hahafahany amin’ny fahotany rehetra. Dia nataon’i Arona araka izay efa nandidian’i Jehovah an’i Mosesy.

Levitikosy 23:27

Ary amin’ny andro fahafolo amin’izany volana fahafito izany (dia ny andro fanavotana) hisy fivoriana masina ho anareo; ary hampahory ny tenanareo hianareo ka hanatitra fanatitra atao amin’ny afo ho an’i Jehovah.

Levitikosy 8:35

Ary hitoetra eo anoloan’ny varavaran’ny trano-lay fihaonana hafitoana andro aman-alina hianareo ka hitandrina izay asain’i Jehovah hotandremana, dia tsy ho faty hianareo: fa izany no nandidiana ahy.

Nomery 17:10

Mialà amin’io fiangonana io handringanako azy amin’ny indray mipì-maso monja. Dia niankohoka izy roa lahy.

Nomery 18:7

Fa hianao sy ny zanakao kosa no hitandrina ny fisoronanareo ka hanompo ny amin’ny zavatra rehetra momba ny alitara sy ny ao anatin’ny efitra lamba, dia fanompoana omeko anareo ny fisoronana; ary ny olon-kafa izay manakaiky dia hatao maty.

Nomery 4:19

fa izao no hataonareo aminy, mba ho velona izy ka tsy ho faty, raha manatona ny zavatra masina indrindra: Arona sy ny zanany ihany no hahazo miditra ka hanendry azy rehetra samy ho amin’ny fanompoany avy sy amin’ny entany avy;

Nomery 4:5

Ary raha hifindra ny toby, dia hiditra Arona sy ny zanany ka hampidina ny efitra lamba fanakonana; ary hasarony ny fiaran’ny Vavolombelona izany;

Matio 27:51

Ary indro, ny efitra lamba tao amin’ny tempoly dia triatra nizara roa hatrany ambony ka hatrany ambany; dia nihorohoro ny tany, ka nitresaka ny vatolampy;

Hebreo 6:19

izay ananantsika ho vatofantsiky ny aina sady mafy no tsy mihetsika ary miditra any anatin’ny efitra lamba;

Hebreo 9:25

ary tsy niditra Izy mba hanatitra ny tenany matetika, tahaka ny mpisoronabe miditra ao amin’ny fitoerana masina isan-taona mitondra ny ran’ny zavatra hafa;

Hebreo 9:3

Ary ao anatin’ny efitra lamba faharoa no nisy ny tabernakely izay atao hoe ,ny fitoerana masina indrindra,’

Hebreo 9:5

ary teo ambonin’io koa ny kerobima nisy ny voninahitra, izay nanaloka ny rakotra fanaovam-panavotana,–tsy azonay lazaina tsirairay ireo ankehitriny.

Apokalipsy 15:8

Ary ny tempoly dia feno setroka avy tamin’ny voninahitr’Andriamanitra sy ny heriny, ka tsy nisy nahazo niditra tao amin’ny tempoly mandra-pahatanteraky ny loza fito nentin’ny anjely fito.