Josoa 17:11 - Baiboly Protestanta Malagasy

¹¹ Ary Manase nahazo anjara koa teo amin’Isakara sy teo amin’i Asera, dia Bety-sana sy ny zana-bohiny ary Ibleama sy ny zana-bohiny ary ny mponina any Dora sy ny zana-bohiny ary ny mponina any En-dora koa sy ny zana-bohiny ary ny mponina any Tanaka sy ny zana-bohiny ary ny mponina any Megido sy ny zana-bohiny, dia amin’ny havoana telo ireo.

Baiboly Protestanta Malagasy 2011

¹¹ Nahazo anjara koa i Manase teo amin’Isakara sy teo amin’i Asera, dia Bety-Sana sy ny vohitra miankina aminy, Ibleama mbamin’ny vohitra miankina aminy, ny mponina any Dora mbamin’ny vohitra miankina aminy, ny mponina any Eny-Dora koa mbamin’ny vohitra miankina aminy, ao koa ny mponina any Tanàka mbamin’ny vohitra miankina aminy ary ny mponina any Megido mbamin’ny vohitra miankina aminy, dia amin’ny faritany telo ireo.

DIEM PROTESTANTA

¹¹ Tao amin’ny faritanin’i Jisakara sy i Asera dia nahazoan’ny fokon’i Manase an’ireto tanàna ireto: i Bety-Seana sy i Iblehama mbamin’ireo tanàna kely miankina aminy; i Dôra sy i Haîna-Dôra ary i Tahenàka sy i Megidao mbamin’ny mponina ao aminy avy sy ny tanàna kely samy miankina aminy, izany hoe ny faritanin’i Dôra.

Dikateny Iombonana Eto Madagasikara

¹¹ Tao amin’ny faritanin’i Jisakara sy i Asera dia nahazoan’ny fokon’i Manase an’ireto tanàna ireto: i Bety-Seana sy i Iblehama mbamin’ireo tanàna kely miankina aminy; i Dôra sy i Haîna-Dôra ary i Tahenàka sy i Megidao mbamin’ny mponina ao aminy avy sy ny tanàna kely samy miankina aminy, izany hoe ny faritanin’i Dôra.

Baiboly Katolika

¹¹ Izao no lasan’i Manase tao amin’ny tanin’i Isakara sy i Asera: i Bety-Sàna sy ny tanàna momba azy, i Jeblaama sy ny tanàna momba azy, ny mponina ao Dôra sy ny tanàna momba azy, ny mponina ao Tenàka sy ny tanàna momba azy, ny mponina ao Magedao sy ny tanàna momba azy: ireo no faritan’i Havoan-telo.

Malagasy Bible

¹¹ Ary Manase nahazo anjara koa teo amin'Isakara sy teo amin'i Asera, dia Beti-sana sy ny zana-bohiny ary Ibleama sy ny zana-bohiny ay ny mponina any Dora sy ny zana-bohiny ary ny mponina any En-dora koa sy ny zana-bohiny ary ny mponina any Tanaka sy ny zana-bohiny ary ny mponina any Megido sy ny zana-bohiny, dia amin'ny havoana telo ireo.

La Bible en Malgache

¹¹ Nahazo anjara koa i Manase teo amin’Isakara sy teo amin’i Asera, dia Bety-Sana sy ny vohitra miankina aminy, Ibleama mbamin’ny vohitra miankina aminy, ny mponina any Dora mbamin’ny vohitra miankina aminy, ny mponina any Eny-Dora koa mbamin’ny vohitra miankina aminy, ao koa ny mponina any Tanàka mbamin’ny vohitra miankina aminy ary ny mponina any Megido mbamin’ny vohitra miankina aminy, dia amin’ny faritany telo ireo.

Josoa 17:11 Rohy Ifampitohizana

2Samoela 21:12

Dia lasa Davida naka ny taolan’i Saoly sy ny taolan’i Jonatana zanany tany amin’ny mponina tao Jabesi-gileada, izay nangalatra azy tao an-kalalahana any Beti-sana, ilay nanantonan’ny Filistina azy tamin’ny andro namonoan’ny Filistina an’i Saoly tao Gilboa.

1Mpanjaka 9:15

Ary izao no toetry ny fanompoana nampanaovin’i Solomona mpanjaka ny olona, tamin’ny nanaovany ny tranon’i Jehovah sy ny lapan’andriana ary Milo sy ny màndan’i Jerosalema, sy Hazora sy Megido ary Gazera (

2Mpanjaka 9:27

Ary nony hitan’i Ahazia, mpanjakan’ny Joda, izany, dia nandositra tamin’ny làlana mankamin’ny trano ao anatin’ny saha izy. Ary Jeho nanaraka azy ka nanao hoe: Indry, asio koa iny; dia nasiany teo anatin’ny kalesìny teo amin’ny fiakarana ho any Gora, izay eo anilan’i Jibleama, izy. Ary nandositra nankany Megido Ahazia ka maty teo.

1Tantara 7:29

ary teo amin’ny sisin-tanin’ny taranak’i Manase dia Beti-sana sy ny zana-bohiny, Tanaka sy ny zana-bohiny, Megido sy ny zana-bohiny, Dora sy ny zana-bohiny Tamin’ireo no nonenan’ny taranak’i Josefa, zanak’Isiraely.

2Tantara 35:22

Fa Josia tsy nety nihodina niala taminy, fa nody olon-kafa mba hiady taminy ka tsy nety nihaino ny tenin’i Neko, izay nampilazain’Andriamanitra azy, fa nandeha hiady taminy ihany teo amin’ny lohasahan’i Megido.

Salamo 83:10

Maty tany En-dora ireo; Tonga zeziky ny tany izy.

Jeremia 49:2

Koa, indro, avy ny andro, hoy Jehovah, Izay hampandrenesako akoran’ady amin’ny famelezana an’i Raban’ny taranak’i Amona, Ary ho tanànaolo rava izy, Ary ny zana-bohiny hodorana amin’ny afo; Ary ny Isiraely hahalasa ny an’izay nahalasa azy, hoy Jehovah.

Zakaria 12:11

Amin’izany andro izany dia hisy fisaonana lehibe any Jerosalema toy ny fisaonana tao Hadadrimona eo amin’ny lohasaha Megido.

Josoa 11:2

ary ireo mpanjaka tany amin’ny tany havoana any avaratra koa sy tany amin’ny tani-hay atsimon’i Kinerota sy tany amin’ny tany lemaka amoron-tsiraka ary tany amin’ny havoan’i Dora andrefana,

Josoa 12:21

ny mpanjakan’i Tanaka, iray; ny mpanjakan’i Megido, iray;

Josoa 12:23

ny mpanjakan’i Dora eo amin’ny havoan’i Dora, iray; ny mpanjakan’ ny firenen-tsamy hafa any Gilgala, iray;

Josoa 16:9

mbamin’ny tanàna natokana ho an’ny taranak’i Efraima teo amin’ny lovan’ny taranak’i Manase koa, dia ny tanàna rehetra mbamin’ny zana-bohiny.

Josoa 17:10

Ny atsimo dia an’i Efraima, ary ny avaratra dia an’i Manase, ary ny ranomasina no fari-taniny; ary nihatra tamin’i Asera teo avaratra sy tamin’Isakara teo atsinanana izy.

Josoa 17:16

Dia hoy ny taranak’i Josefa: Tsy ampy ho anay ny tany havoana; ary manana kalesy vy ny Kananita rehetra, izay monina any amin’ny tany lemaka, dia izay any Beti-sana sy ny zana-bohiny ary izay any amin’ny tany lemaka Jezirela.

Mpitsara 1:27

Ary Manase tsy nahafaka an’i Beti-sana sy ny zana-bohiny, na Tanaka sy ny zana-bohiny, sady tsy naharoaka ny mponina tany Dora sy ny zana-bohiny, na ny mponina tany Ibleama sy ny zana-bohiny, na ny mponina tany Megido sy ny zana-bohiny, satria tian’ny Kananita hitoerana indrindra izany tany izany.

Mpitsara 5:19

Tonga ireo mpanjaka ka niady, Eny, niady tao Tanaka ireo mpanjakan’i Kanana, Dia teo anilan’ny ranon’i Megido; Tsy nisy volafotsy azony ho babo.

1Samoela 28:7

Ary hoy Saoly tamin’ny mpanompony: Itadiavo vehivavy manao azy ho tsindrian-javatra aho hankanesako any hanontaniako aminy. Ary hoy ny mpanompony taminy: Indro, misy vehivavy manao azy ho tsindrian-javatra eo Andora.

1Samoela 31:10

Dia napetrany tao amin’ny tranon’i Astarta ny fiadiany; ary ny fatiny nohomboany teo amin’ny màndan’i Beti-sana.

1Samoela 31:12

dia niainga ny lehilahy mahery rehetra ka nandeha mandritra ny alina ary naka ny fatin’i Saoly sy ny fatin’ny zanany teo amin’ny màndan’i Beti-sana; ary tonga tao Jabesy izy ka nandoro azy tao.