Jeremia 49:2 - Baiboly Protestanta Malagasy

² Koa, indro, avy ny andro, hoy Jehovah, Izay hampandrenesako akoran’ady amin’ny famelezana an’i Raban’ny taranak’i Amona, Ary ho tanànaolo rava izy, Ary ny zana-bohiny hodorana amin’ny afo; Ary ny Isiraely hahalasa ny an’izay nahalasa azy, hoy Jehovah.

Baiboly Protestanta Malagasy 2011

² Koa indro, avy ny andro, hoy NY TOMPO, izay hampandrenesako akoran’ady amin’ny famelezana an’i Raba an’ny taranak’i Amona, ho tanàna haolo tanteraka izy, hodorana amin’ny afo ny vohitra miankina aminy; ary haka indray ny anjara lovany amin’ireo izay nandroba azy ny Israely, hoy NY TOMPO.

DIEM PROTESTANTA

² Ka hoy ny teny hentitry ny TOMPO: «Indro avy ny andro hampandrenesako akoran’ady ao Rabà, renivohitry ny Hamônita. Dia ho tonga tanàna aolo sy rava izy ary ireo tanàna miankina aminy ho kilan’ny afo ka ho lasan’i Israely indray, hoy Aho, ny fananana efa azy fahiny.»

Dikateny Iombonana Eto Madagasikara

² Ka hoy ny teny hentitry ny TOMPO: «Indro avy ny andro hampandrenesako akoran’ady ao Rabà, renivohitry ny Hamônita. Dia ho tonga tanàna aolo sy rava izy ary ireo tanàna miankina aminy ho kilan’ny afo ka ho lasan’i Israely indray, hoy Aho, ny fananana efa azy fahiny.»

Baiboly Katolika

² Noho izany, indro avy ny andro, - teny marin’i Iaveh, - hampikotrokotrohako ao Rabàn’ny taranak’i Amôna ny akoran’ady. Dia hanjary antontan-java-drava izy, ary ny zanany hodorana amin’ny afo; ary i Israely kosa handova ny an’ireo efa nandova ny azy, - teny marin’i Iaveh. -

Malagasy Bible

² Koa, indro, avy ny andro, hoy Jehovah, izay hampandrenesako akoran'ady amin'ny famelezana an'i Raban'ny taranak'i Amona, ary ho tanànaolo rava izy, ary ny zana-bohiny hodorana amin'ny afo; Ary ny Isiraely hahalasa ny an'izay nahalaza azy, hoy Jehovah.

La Bible en Malgache

² Koa indro, avy ny andro, hoy NY TOMPO, izay hampandrenesako akoran’ady amin’ny famelezana an’i Raba an’ny taranak’i Amona, ho tanàna haolo tanteraka izy, hodorana amin’ny afo ny vohitra miankina aminy; ary haka indray ny anjara lovany amin’ireo izay nandroba azy ny Israely, hoy NY TOMPO.

Jeremia 49:2 Rohy Ifampitohizana

2Samoela 11:1

ARY rehefa niherina ny taona, ka mby amin’ny andro fandehanan’ny mpanjaka hiady, dia naniraka an’i Joaba sy ny mpanompony ary ny Isiraely rehetra Davida, ka nandringana ny taranak’i Amona ireo sady nanao fahirano an’i Raha; fa Davida kosa nijanona tany Jerosalema ihany.

Salamo 48:11

Aoka hifaly ny tendrombohitra Ziona, Aoka ho ravoravo ny zanakavavin’i Joda, Noho ny fitsaranao.

Salamo 97:8

Ziona mandre ka faly; Ary ravoravo ny zanakavavin’i Joda Noho ny fitsaranao, Jehovah ô.

Isaia 11:14

Fa hipaoka ny tanin’ny Filistina any andrefana ireo Sy hiara-mamabo ny zanaky ny atsinanana; Amin’i Edoma sy Moaba no haninjirany ny tànany, Ary ny taranak’i Amona hanoa azy.

Isaia 17:1

FAMINANIANA ny amin’ny loza hanjo an’i Damaskosy. Indro, Damaskosy, dia rava tsy ho tanàna intsony, Eny, tonga korontam-bato izy.

Jeremia 4:19

Endrey ny kiboko! Endrey izany kiboko! Manaintaina aho; Endrey! mila ho triatra izany ny foko! Mitoloko ny foko, Ka tsy mahay mangina aho; Fa ny feon’anjomara sy ny akoran’ady dia renao, ry fanahiko.

Jeremia 49:1

NY amin’ny taranak’i Amona, Izao no lazain’i Jehovah: Moa tsy manan-janakalahy va Isiraely? Ary tsy manan-kandova va izy? Koa nahoana Gada no lasan’ny mpanjakany, Ary ny vahoakany monina ao amin’ny tanànany?

Ezekiela 21:20

Nahebihebiko teny amin’ny vavahadiny rehetra ny sabatra, Mba hahakivy ny fo sy hahatonga fahatafintohinana maro. Indrisy! nataoko nanelatselatra izy sady voaranitra hamono.

Ezekiela 21:25

Manaova làlana hihavian’ny sabatra ho any Raban’ny taranak’i Amona sy ho any ny Joda ao Jerosalema mimanda.

Amosa 1:14

Fa hampirehitra afo ao amin’ny màndan’i Raba Aho, Ka handevona ny tranobeny izany, Sady hisy akora amin’ny andro iadiana Sy rivo-mahery amin’ny andron’ny tadio;

Obadia 1:19

Ny any amin’ny tany atsimo no hahalasa ny tendrombohitr’i Esao; Ary ny any amin’ny tany lemaka amoron-tsiraka no hahalasa ny Filistina; Hahalasa ny tanin’ny Efraima sy ny tany Samaria izy; Ary Benjamina hahalasa an’i Gileada.

Nomery 10:9

Ary raha misy ady eo amin’ny taninareo, ka mandeha hiady amin’ny fahavalo izay mampahory anareo hianareo, dia hitsoka ireo trompetra ireo ho fampitairana, dia hotsarovana eo anatrehan’i Jehovah Andriamanitrareo hianareo ka hovonjena amin’ny fahavalonareo.

Nomery 21:25

Dia nalain’ny Isiraely izany tanàna rehetra izany; ary nonenany ny tanànan’ny Amorita rehetra, dia Hesbona sy ny zana-bohiny rehetra.

Deoteronomia 13:16

dia asio ny lelan-tsabatra mihitsy ny mponina amin’izany tanàna izany, ka levòny ny tanàna sy izay rehetra eo aminy, ary ny biby fiompy dia aringano amin’ny lelan-tsabatra.

Deoteronomia 3:11

Fa Oga, mpanjakan’i Basana, ihany no sisa velona tamin’ny Refaïta; indro, farafara vy ny farafarany (tsy ao Raban’ny taranak’i Amona va izany?), sivy hakiho ny halavany, ary efatra hakiho ny sakany, araka ny hakihon’ny lehilahy.

Josoa 17:11

Ary Manase nahazo anjara koa teo amin’Isakara sy teo amin’i Asera, dia Bety-sana sy ny zana-bohiny ary Ibleama sy ny zana-bohiny ary ny mponina any Dora sy ny zana-bohiny ary ny mponina any En-dora koa sy ny zana-bohiny ary ny mponina any Tanaka sy ny zana-bohiny ary ny mponina any Megido sy ny zana-bohiny, dia amin’ny havoana telo ireo.

Josoa 17:16

Dia hoy ny taranak’i Josefa: Tsy ampy ho anay ny tany havoana; ary manana kalesy vy ny Kananita rehetra, izay monina any amin’ny tany lemaka, dia izay any Beti-sana sy ny zana-bohiny ary izay any amin’ny tany lemaka Jezirela.