Jeremia 44:8 - Baiboly Protestanta Malagasy

⁸ noho ny ampahatezeranareo Ahy amin’ny asan’ny tànanareo sy amin’ny andoroana ditin-kazo manitra ho an’andriamani-kafa any amin’ny tany Egypta izay alehanareo hivahiniana, mba haharingana anareo ka hahatonga anareo ho fanozonana sy ho fandatsa any amin’ny firenena rehetra ambonin’ny tany?

Baiboly Protestanta Malagasy 2011

⁸ Mampahatezitra Ahy ianareo amin’ny asan’ny tananareo sy amin’ny andoroana ditin-kazo manitra ho an’ny andriamanitra hafa any amin’ny tany Ejipta izay alehanareo hivahiniana. Izany no haharingana anareo ka hahatonga anareo ho fanozonana sy ho fandatsa any amin’ny firenena rehetra ambonin’ny tany?

DIEM PROTESTANTA

⁸ Moa mitady hampahasosotra Ahy va ianareo amin’ny asan-tananareo sy ny fanoloranareo sorona ho an’ireo andriamani-kafa ao amin’ny tany Ejipta izay ialokalofanareo? Sa tianareo haringana ny tenanareo ka ho tonga oha-panozonana sy oha-pandatsana any amin’ny firenen-kafa rehetra eran-tany!

Dikateny Iombonana Eto Madagasikara

⁸ Moa mitady hampahasosotra Ahy va ianareo amin’ny asan-tananareo sy ny fanoloranareo sorona ho an’ireo andriamani-kafa ao amin’ny tany Ejipta izay ialokalofanareo? Sa tianareo haringana ny tenanareo ka ho tonga oha-panozonana sy oha-pandatsana any amin’ny firenen-kafa rehetra eran-tany!

Baiboly Katolika

⁸ dia izay hampahatezitra Ahy amin’ny asan-tananareo, amin’ny anateranareo emboka manitra amin’izay andriamani-kafa, eo amin’ny tany Ejipta, izay nidiranareo hitoerana, mba haharingana anareo, sy hahatonga anareo ho fanozona sy fandatsa amin’ny firenena rehetra ambonin’ny tany?

Malagasy Bible

⁸ noho ny ampahatezeranareo Ahy amin'ny asan'ny tananareo sy amin'ny andoroana ditin-kazo manitra ho an'andriamani-kafa any amin'ny tany Egypta izay alehanareo hivahiniana, mba haharingana anareo ka hahatonga anareo ho fanozonana sy ho fandatsa any amin'ny firenena rehetra ambonin'ny tany?

La Bible en Malgache

⁸ Mampahatezitra Ahy ianareo amin’ny asan’ny tananareo sy amin’ny andoroana ditin-kazo manitra ho an’ny andriamanitra hafa any amin’ny tany Ejipta izay alehanareo hivahiniana. Izany no haharingana anareo ka hahatonga anareo ho fanozonana sy ho fandatsa any amin’ny firenena rehetra ambonin’ny tany?

Jeremia 44:8 Rohy Ifampitohizana

2Tantara 7:20

dia hongotako amin’ny tany izay nomeko anareo; ary hofongorako tsy ho eo imasoko ity trano nohamasiniko ho an’ny anarako ity sady hataoko ho ohabolana sy ho ambentinteny any amin’ny firenena rehetra.

Isaia 19:1

FAMINANIANA ny amin’ny loza hanjo an’i Egypta: Indro, Jehovah mitaingina rahona miriotra mafy ka mankany Egypta; Ary ny andriamani-tsi-izy any Egypta dia mangorohoro eo anatrehany, Ary ny fon’i Egypta dia ketraka ao anatiny.

Isaia 3:8

Fa tafintohina Jerosalema, Ary potraka Joda, Satria ny lelany sy ny asany dia samy manohitra an’i Jehovah Mba hihaika ny mason’ny voninanihy.

Isaia 65:15

Ary hamela ny anaranareo ho fiozonana amin’ireo voafidiko hianareo, Ary hahafaty anao Jehovah Tompo; Fa ny mpanompony kosa dia homeny anaram-baovao;

Jeremia 11:12

Dia handeha ny tanànan’ny Joda sy ny mponina any Jerosalema Ka hitaraina amin’ireny andriamaniny, izay efa nandoroany ditin-kazo manitra; Nefa ireny tsy hahavonjy azy akory amin’ny andro fahoriany.

Jeremia 11:17

Fa Jehovah, Tompon’ny maro, Izay namboly anao, No nanambara ny loza hanjo anao, Noho ny ratsy nataon’ny taranak’Isiraely sy ny taranak’i Joda, Izay nahavoa ny tenany ka nahatezitra Ahy, Dia tamin’ny nandoroany ditin-kazo manitra ho an’i Bala.

Jeremia 18:16

Mba hahatonga ny taniny ho figagana Sy ho zavatra mampisitrisitra mandrakizay; Izay rehetra mandalo azy dia ho gaga sy hihifikifi-doha.

Jeremia 24:9

eny, hatolotro ho mpanjenjena sy fiharan-doza any amin’ny fanjakana rehetra ambonin’ny tany izy, ho fandatsa sy ohabolana sy ambentinteny ary fanozonana any amin’ny tany rehetra izay handroahako azy.

Jeremia 26:6

dia hataoko tahaka an’i Silo ity trano ity, ary hataoko fanozonana ho an’ny firenena rehetra ambonin’ny tany ity tanàna ity.

Jeremia 29:18

Ary henjehiko amin’ny sabatra sy ny mosary ary ny areti-mandringana izy ka hatolotro ho mpanjenjena any amin’ny fanjakana rehetra ambonin’ny tany, ho fanozonana sy figagana sy zavatra mampisitrisitra sy fandatsa ho an’ny firenena izay nandroahako, azy

Jeremia 32:30

Fa izay ratsy eo imasoko ihany no nataon’ny Zanak’Isiraely sy ny taranak’i Joda hatry ny fony ireo mbola kely; fa ny Zanak’Isiraely efa nampahatezitra Ahy tamin’ny asan’ny tànany, hoy Jehovah.

Jeremia 42:18

Fa izao no lazain’i Jehovah, Tompon’ny maro, Andriamanitry ny Isiraely: Toy ny nanidinana ny fahatezerako sy ny fahavinirako tamin’ny mponina any Jerosalema, dia toy izany no hanidinana ny fahatezerako aminareo, raha mankany Egypta hianareo; ary ho fianianana sy ho figagana sy ho fanozonana ary ho fandatsa hianareo, sady tsy hahita ity tany ity intsony.

Jeremia 44:12

Ary halaiko ny sisa amin’ny Joda, izay nikiry hankany amin’ny tany Egypta hivahiny any, ka ho lany ritra izy rehetra; any amin’ny tany Egypta no hahalavoany, samy ho ringan’ny sabatra sy ny mosary,–eny, na ny kely na ny lehibe dia samy ho fatin-tsabatra sy mosary izy rehetra ka ho tonga fianianana sy figagana sy fanozonana ary fandatsa.

Jeremia 44:3

noho ny ratsy nataony hampahatezitra Azy tamin’ny nandehanany handoro ditin-kazo manitra sy hanompo andriamani-kafa izay tsy fantany, na izy, na hianareo, na ny razanareo.

Jeremia 44:7

Koa izao no lazain’i Jehovah, Andriamanitry ny maro, dia Andriamanitry ny Isiraely: Ahoana no anaovanareo izao ratsy lehibe singotry ny ainareo izao, haharingana ny lehilahy sy ny vehivavy, ny ankizy madinika sy ny zaza minono ao amin’ny Joda tsy haha-misy miangana anareo,

Jeremia 7:9

Hay! hangalatra sy hamono olona sy hijangajanga va hianareo Ary hianian-tsy to sy handoro ditin-kazo manitra ho an’i Bala Sady hanaraka andriamani-kafa izay tsy fantatrareo?

Ezekiela 33:11

Lazao aminy hoe: Raha velona koa Aho, hoy Jehovah Tompo, dia tsy sitrako ny hahafatesan’ny ratsy fanahy, fa ny hialan’ny ratsy fanahy amin’ny làlany, mba ho velona izy. Mialà, mialà amin’ny làlan-dratsinareo, fa nahoana moa no te-ho faty hianareo, ry taranak’Isiraely?

Ezekiela 9:6

Fa na lahy antitra, na zatovo, na virijina, na zaza madinika, na vehivavy, dia aringano avokoa; fa izay olona misy ilay marika ihany no aza kasihina; ary atombohy hatreo amin’ny fitoerako masina izany. Dia nanomboka tamin’ny lahy antitra izay teo anoloan’ny trano ireo.

Hosea 4:13

Eny an-tampon’ny tendrombohitra no amonoany zavatra hatao fanatitra, Ary eny amin’ny havoana no andoroany ditin-kazo manitra, Dia eny ambanin’ny hazo ôka sy ny popola ary ny terebinta, Satria tsara alokaloka ireny, Koa izany no ijejojejoan’ny zanakavavinareo sy ijangajangàn’ny vinantovavinareo.

Habakoka 1:16

Koa izany no amonoany zavatra hatao fanatitra ho an’ny haratony Sy andoroany ditin-kazo manitra ho an’ny harato tarihiny; Fa ireo no ahazoany hanina matsiro sy anjara matavy.

Deoteronomia 32:25

Eny ivelany dia ny sabatra no hahafaty ny zanany, Ary ao amin’ny efi-trano dia ny fampahatahorana– Na ny zatovolahy na ny zatovovavy, Na ny zaza minono na ny fotsy volo.

Hebreo 3:16

Fa iza moa no nahatezitra Azy, rehefa nandre? Tsy izay rehetra nentin’i Mosesy niala tany Egypta va?