Jeremia 18:12 - Baiboly Protestanta Malagasy

¹² Nefa hoy ireo: Kivy izahay izany! Fa mbola hanaraka ny hevitray ihany izahay; Eny, samy hanao araka ny ditry ny fo ratsinay avy izahay rehetra.

Baiboly Protestanta Malagasy 2011

¹² Nefa hoy ireo: Tsy misy fanantenana ho anay! Fa mbola hanaraka ny hevitray ihany izahay; eny, samy hanao araka ny ditran’ny fo ratsinay avy izahay rehetra.

DIEM PROTESTANTA

¹² Kanjo nifikitra tamin’ny ditram-pony sy ny firehan-dratsiny izy ka namaly hoe: «Mamoiza! Izay efa tapakay ihany no hataonay.»

Dikateny Iombonana Eto Madagasikara

¹² Kanjo nifikitra tamin’ny ditram-pony sy ny firehan-dratsiny izy ka namaly hoe: «Mamoiza! Izay efa tapakay ihany no hataonay.»

Baiboly Katolika

¹² Izy ireo anefa manao hoe: ‹Tsinontsinona izany! Izahay dia hanaraka ny hevitray ihany, sy hanao araka ny ditran’ny fo ratsinay avy ihany.› »

Malagasy Bible

¹² Nefa hoy ireo: Kivy izahay izany! Fa mbola hanaraka ny hevitray ihany izahay, eny, samy hanao araka ny ditry ny fo ratsinay avy izahay rehetra.

La Bible en Malgache

¹² Nefa hoy ireo: Tsy misy fanantenana ho anay! Fa mbola hanaraka ny hevitray ihany izahay; eny, samy hanao araka ny ditran’ny fo ratsinay avy izahay rehetra.

Jeremia 18:12 Rohy Ifampitohizana

Genesisy 6:5

Ary hitan’i Jehovah fa be ny faharatsian’ny olona tambonin’ny tany, ka izay fisainana rehetra avy amin’ny fony dia ratsy ihany mandritra ny andro.

Genesisy 8:21

Dia nandre ny hanitra ankasitrahana Jehovah, ka hoy Izy tam-pony: Tsy mba hanozona ny tany intsony noho ny amin’ny olona Aho; fa ny fisainan’ny fon’ny olona dia ratsy hatramin’ny fahazazany; ary tsy mba handringana ny velona rehetra intsony Aho tahaka izay nataoko.

2Mpanjaka 6:33

Ary raha mbola niresaka taminy izy, indro, nidina nankao aminy ny iraka ka nanao hoe: Indro, izao loza izao avy amin’i Jehovah; ka inona intsony no anantenako an’i Jehovah?

Isaia 57:10

Noho ny halavitry ny nalehanao dia sasatra hianao, Nefa hianao tsy niteny hoe: Kivy aho izany! Nahazo aina ny tànanao, Ka dia tsy nahatsiaro reraka hianao.

Isaia 65:2

Namelatra ny tànako mandritra ny andro Aho Tamin’ny firenena miodina, Izay mandeha amin’ny làlana tsy tsara Araka ny fisainany ihany,

Jeremia 11:8

Nefa tsy nihaino izy na nanongilana ny sofiny, Fa samy nandeha tamin’ny ditry ny fo ratsiny ihany izy; Ka dia nataoko mihatra aminy ny teny rehetra amin’izao fanekena izao, Ilay nasaiko nataony, nefa tsy nataony.

Jeremia 16:12

Ary ny tenanareo koa nanao ratsy mihoatra noho ny razanareo; Fa he! hianareo samy mandeha araka ny ditry ny fo ratsinareo avokoa Ka tsy mihaino Ahy;

Jeremia 2:25

Aza esorina ny kapa amin’ny tongotrao; Ary aoka tsy ho maina ny tendanao; Nefa hoy hianao: Tsy misy fanantenana; Tsia! fa ny hafa no tiako, Ka dia hanaraka azy aho.

Jeremia 23:17

Milaza mandrakariva amin’izay manamavo Ahy izy hoe: Jehovah nanao hoe: Hahita fiadanana hianareo,– Ary amin’izay rehetra mandeha araka ny ditry ny fony hoe: Tsy hisy loza hanjo anareo.

Jeremia 3:17

Amin’izany andro izany no hanononana an’i Jerosalema hoe Seza fiandrianan’i Jehovah; Ary hivory any ny jentilisa rehetra Noho ny anaran’i Jehovah any Jerosalema, Ary izy tsy handeha intsony araka ny ditry ny fo ratsiny.

Jeremia 44:17

Fa hataonay tokoa ny teny rehetra izay naloaky ny vavanay, dia ny handoro ditin-kazo manitra ho an’ny mpanjakavavin’ny lanitra sy ny hanidina fanatitra aidina ho azy, toy ny efa nataonay sy ny razanay sy ny mpanjakanay ary ny mpanapaka anay tany amin’ny tanànan’ny Joda sy teny amin’ny làlamben’i Jerosalema; fa fahizany dia voky hanina izahay sady nambinina ary tsy nahita loza.

Jeremia 6:17

Ary nasiako mpitily hianareo hanao hoe: Henoy ny feon’ny anjomara! Nefa hoy hianareo: Tsy hihaino izahay.

Jeremia 7:24

Kanjo tsy nihaino izy na nanongilana ny sofiny, Fa nandeha tamin’ny fisainany sy ny ditry ny fo ratsiny ihany izy Dia niamboho, fa tsy mba nanatrika.

Ezekiela 37:11

Dia hoy Izy tamiko: Ry zanak’olona, ireto taolana ireto dia ny taranak’Isiraely rehetra; indreo izy manao hoe: Maina ny taolanay, levona ny fanantenanay, fongotra izahay.

Malakia 3:14

Tamin’ny nanaovanareo hoe: Zava-poana ny manompo an’Andriamanitra; ary inona moa no soa efa azo tamin’ny fitandremantsika izay nasainy notandremana sy tamin’ny nandehanantsika nitafy lamba fisaonana teo anatrehan’i Jehovah, Tompon’ny maro.

Lioka 1:51

Nanao asa lehibe tamin’ny sandriny Izy; Nampihahaka ny mpiavonavona tamin’ny fiheveran’ny fony Izy.

Deoteronomia 29:19

Ary Jehovah dia tsy hety hamela ny helony, fa hanetroka amin’izany lehilahy izany ny fahatezeran’i Jehovah sy ny fahasaro-piarony, ary hitoetra aminy ny fanozonana rehetra izay voasoratra amin’ity boky ity, ka hovonoin’i Jehovah tsy ho eo ambanin’ny lanitra ny anarany.