Isaia 51:3 - Baiboly Protestanta Malagasy

³ Fa Jehovah mampionona an’i Ziona; Eny, mampionona izay rava rehetra ao Izy Ka manao ny efitra ao ho tahaka an’i Edena. Ary ny tany foana ao ho tahaka ny sahan’i Jehovah; Hafaliana sy haravoana no hita ao Mbamin’ny fisaorana sy ny feo fiderana.

Baiboly Protestanta Malagasy 2011

³ Fa NY TOMPO mampionona an’i Ziona; eny, mampionona izay rava rehetra ao Izy ka manao ny tany efitra ao ho tahaka an’i Edena, ary ny tany foana ao ho tahaka ny sahan’NY TOMPO. Hafaliana sy haravoana no hita ao, mbamin’ny fisaorana sy ny feo fiderana.

DIEM PROTESTANTA

³ Eny, ny TOMPO tokoa no nampahery an’i Tsiôna, nampahery azy teo anivon’ny faharavàny rehetra. Ka izany toerana karankaina izany dia novan’ny TOMPO ho paradisa; ary izany tany ngazana izany dia novany ho zaridaina mahavariana. Fientanentanana sy firavoravoana no ho hita ao ary koa hira fiderana sy feon-java-maneno.

Dikateny Iombonana Eto Madagasikara

³ Eny, ny TOMPO tokoa no nampahery an’i Tsiôna, nampahery azy teo anivon’ny faharavàny rehetra. Ka izany toerana karankaina izany dia novan’ny TOMPO ho paradisa; ary izany tany ngazana izany dia novany ho zaridaina mahavariana. Fientanentanana sy firavoravoana no ho hita ao ary koa hira fiderana sy feon-java-maneno.

Baiboly Katolika

³ Satria efa nampionona an’i Siôna i Iaveh, ka nampiononiny ny rava rehetra teo; novany ho tahaka an’i Edena ny efitra teo; ary ho zaridainan’i Iaveh ny tany foana tao. Fifaliana amam-piravoravoana no ho hita ao, mbamin’ny hira fisaorana amam-peo mozika.

Malagasy Bible

³ Fa Jehovah mampionona an'i Ziona; Eny, mampionona izay rava rehetra ao Izy Ka manao ny efitra ao ho tahaka an'i Edena. Ary ny tany foana ao ho tahaka ny sahan'i Jehovah; Hafaliana sy haravoana no hita ao mbamin'ny fisaorana sy ny feo fiderana.

La Bible en Malgache

³ Fa NY TOMPO mampionona an’i Ziona*; eny, mampionona izay rava rehetra ao Izy ka manao ny tany efitra ao ho tahaka an’i Edena, ary ny tany foana ao ho tahaka ny sahan’NY TOMPO. Hafaliana sy haravoana no hita ao, mbamin’ny fisaorana sy ny feo fiderana.

Isaia 51:3 Rohy Ifampitohizana

Genesisy 13:10

Ary Lota nanopy ny masony ka nitazana ny tany rehetra teny amoron’i Jordana hatrany akaikin’i Zoara, fa azon-drano avokoa izy rehetra (talohan’ny nandravan’i Jehovah an’i Sodoma sy Gomora izany), tahaka ny sahan’i Jehovah sy tahaka ny tany Egypta.

Salamo 85:8

Hihaino izay holazain’i Jehovah Andriamanitra aho; Fa hilaza fiadanana amin’ny olony Izy, dia amin’ny olony masina; Koa aoka tsy hiverina ho ao amin’ny fahadalana ireo.

Isaia 12:1

Ary hiteny hianao amin’izany andro izany hoe: Hidera Anao aho, Jehovah ô; Fa na dia tezitra tamiko aza Hianao, Dia afaka ny fahatezeranao, Ka mampionona ahy Hianao.

Isaia 25:9

Ary holazaina amin’izany andro izany hoe: Indro Andriamanitsika, Izay nandrasantsika hamonjy antsika; Indro Jehovah, Izay nandrasantsika, Koa dia aoka ho faly sy ho ravoravo amin’ny famonjeny isika.

Isaia 35:6

Dia hitsambikina tahaka ny diera ny mandringa, Ary hihoby ny lelan’ny moana; Fa hiboiboika any an-efitra ny rano, Ary hisy renirano any amin’ny tany karankaina.

Isaia 41:16

Hikororoka azy hianao, ka hopaohin’ny rivotra izy, Ary ny tafio-drivotra hanely azy; Fa hianao kosa dia hiravoravo amin’i Jehovah, Ary ny Iray Masin’ny Isiraely no ho reharehanao.

Isaia 43:19

Indro, Izaho efa hanao zava-baovao, Koa ankehitriny dia efa miposaka izany; Tsy hahalala izany va hianareo? Eny, any an-efitra no hanaovako làlana Ary any amin’ny tany lao no hasiako ony;

Isaia 44:26

Ary mahatò ny tenin’ny mpanompoko Sy mahatanteraka ny saina atolotry ny irako, Ary manao amin’i Jerosalema hoe: Honenana hianao, Sy amin’ny tanànan’i Joda hoe: Hatsangana hianareo, Ka hamboariko izay rava eo,

Isaia 49:13

Mihobia, ry lanitra! Ary mifalia, ry tany! Ka velomy ny hoby, ry tendrombohitra! Fa Jehovah efa nampionona ny olony Sy mamindra fo amin’ny olony mahantra.

Isaia 49:19

Fa ny taninao rava sy ny fonenanao lao Ary ny taninao simba Dia tsy ho omby amin’izany noho ny habetsahan’ny mponina, Ary ho lasa lavitra ireo nihinana anao.

Isaia 49:8

Izao no lazain’i Jehovah: Tamin’ny taona fankasitrahana no nihainoako Anao. Ary tamin’ny andro famonjena no namonjeko Anao; Dia hiaro Anao Aho ka hanome Anao ho fanekena ho an’ny olona, Mba hanangana ny tany indray Sy hampandova ny lova izay efa rava

Isaia 51:12

Izaho dia Izaho no mpampionona anareo, Koa nahoana hianao no dia matahotra ny zanak’olombelona mety maty Sy ny zanak’olona izay hatao tahaka ny ahitra

Isaia 52:9

Velomy ny hoby, ry fitoeran-drava any Jerosalema; Fa Jehovah efa nampionona ny olony Sady efa nanavotra an’i Jerosalema.

Isaia 61:10

Hifaly dia hifaly amin’i Jehovah aho, Ny fanahiko ho ravoravo amin’Andriamanitro; Fa notafiany fitafiana famonjena aho, Ary nakanjoiny akanjo fahamarinana, Toy ny mpampakatra misatroka hamama tahaka ny mpisorona, Ary toy ny ampakarina miravaka ny firàvany.

Isaia 65:18

Fa mifalia kosa sy miravoravoa mandrakizay, satria mahary izany Aho; Fa, indro, mahary an’i Jerosalema ho fifaliana Aho Ary ny olony ho firavoravoana.

Jeremia 31:25

Fa ny fanahy ana dia hampisotroiko, Ary ny fanahy mihaosa rehetra dia hovokisako.

Ezekiela 28:13

Tany Edena, sahan’Andriamanitra, hianao; Ny vato soa rehetra ny eloelo teo amboninao, Dia ny karneola, ny topaza, ny onyksa, Ny krysolita, ny beryla, ny jaspy, Ny safira, ny robina, ny emeralda ary ny volamena; Ny fampanenoana ny ampongatapakao sy ny sodinao dia tao aminao, Tamin’ny andro namoronana anao dia natao koa ireo.

Ezekiela 36:11

Dia hampitombo olona sy biby fiompy eny aminareo Aho, Ka hitombo sy hiteraka ireo; Hametrahako mponina tahaka ny taloha any aminareo, Ary hanisy soa anareo mihoatra noho ny tamin’ny niandohanareo Aho; Ka dia ho fantatrareo fa Izaho no Jehovah.

Ezekiela 36:35

Fa holazainy hoe: Ity tany efa lao ity dia tonga tahaka ny saha Edena; ary ny tanàna efa foana sy lao dia misy mponina sady asiana mànda;

Joela 2:3

Eo alohany misy afo mandevona, Ary any aoriany misy lelafo mandoro; Tahaka ny saha Edena ny tany eo alohany, Fa ny any aoriany kosa dia tahaka ny efitra foana,– Eny, tsy misy tsy azony.

1Petera 1:8

Izay, na dia tsy mbola hitanareo aza, dia tianareo, ary na dia tsy hitanareo ankehitriny aza, nefa, satria inoanareo, dia iravoravoanareo amin’ny fifaliana tsy azo tononina sady be voninahitra,