Isaia 44:3 - Baiboly Protestanta Malagasy

³ Fa handatsaka rano amin’izay mangetaheta Aho, Ary riaka ho amin’izay tany karankaina; Eny, handatsaka ny Fanahiko amin’ny taranakao Aho Ary ny fitahiako ho amin’ny terakao;

Baiboly Protestanta Malagasy 2011

³ fa handatsaka rano amin’izay mangetaheta Aho ary handefa riaka ho amin’izay tany karankaina; eny, handrotsaka ny Fanahiko amin’ny taranakao Aho ary ny fitahiako ho amin’ny naterakao.

DIEM PROTESTANTA

³ Fa hanosaka rano amin’izay mangetaheta Aho sy hampandriaka renirano amin’ny tany mangentana. Hatosako amin’ny zanakao ny Fanahiko ary amin’ny taranakao ny fitahiako.

Dikateny Iombonana Eto Madagasikara

³ Fa hanosaka rano amin’izay mangetaheta Aho sy hampandriaka renirano amin’ny tany mangentana. Hatosako amin’ny zanakao ny Fanahiko ary amin’ny taranakao ny fitahiako.

Baiboly Katolika

³ Fa handatsaka rano amin’ny tany mangentana Aho; sy sakeli-drano eo amin’ny tany karankaina. Handatsaka ny fanahiko amin’ny taranakao Aho, sy ny fitahiako amin’ny solofonao.

Malagasy Bible

³ Fa handatsaka rano amin'izay mangetaheta Aho, ary riaka ho amin'izay tany karankaina; Eny, handatsaka ny Fanahiko amin'ny taranakao Aho, ary ny fitahiako ho amin'ny terakao;

La Bible en Malgache

³ fa handatsaka rano amin’izay mangetaheta Aho ary handefa riaka ho amin’izay tany karankaina; eny, handrotsaka ny Fanahiko amin’ny taranakao Aho ary ny fitahiako ho amin’ny naterakao.

Isaia 44:3 Rohy Ifampitohizana

Joba 5:25

Ary ho hitanao koa fa maro ny zanakao, Ary ny terakao ho tahaka ny ahitra amin’ny tany;

Salamo 107:35

Mampody ny efitra ho rano monina Izy Sy ny tany maina ho loharano,

Salamo 63:1

Salamo nataon’i Davida, fony tany an-efitr’i Joda izy. ANDRIAMANITRA ô, Andriamanitro Hianao; Mitady Anao fatratra aho; Mangetaheta Anao ny fanahiko, maniry Anao ny nofoko Eto amin’ny tany maina sy mangentana tsy misy rano;

Ohabolana 1:23

Miverena hianareo hihaino ny fananarako; Indro, haidiko aminareo ny fanahiko, Ary hampahafantariko anareo ny teniko.

Isaia 27:3

Izaho Jehovah no mpiaro io; Isaky ny indray mipì-maso no andemako azy, Fandrao misy manimba azy; Na andro na alina dia miaro azy Aho.

Isaia 32:15

Mandra-pandatsaka ny Fanahy avy amin’ny avo ho amintsika, Ka ny efitra ho tonga saha mahavokatra, Ary ny saha mahavokatra hoheverina ho ala.

Isaia 32:2

Ary hisy lehilahy ho fierena amin’ny rivotra Sy ho fialofana amin’ny ranonoram-baratra; Ho ranovelona ao amin’ny tany karankaina izy, Ho alo-batolampy lehibe amin’ny tany mahana.

Isaia 41:17

Ny ory sy ny malahelo mitady rano, fa tsy mahita, Ary ny lelany mainan’ny hetaheta; Izaho Jehovah no hihaino azy, Izaho, Andriamanitry ny Isiraely, tsy hahafoy azy;

Isaia 48:19

Ary ho tahaka ny fasika ny taranakao, Ary ny aloaky ny kibonao ho tahaka ny sombim-pasika; Ny anarany tsy ho tapaka na ho foana eo anatrehako.

Isaia 48:21

Ary tsy nangetaheta ireo tamin’ny nitondrany azy tany an-efitra; Nampiboiboika rano ho azy avy tamin’ny vatolampy Izy, Eny, nampitresaka ny vatolampy Izy, ka dia nigororoana ny rano.

Isaia 49:10

Tsy ho noana na hangetaheta izy, Ary tsy hamely azy ny hainandro migaingaina na ny masoandro; Fa Izay mamindra fo aminy no hitarika azy, Ary any amin’ny loharano miboiboika no hitondrany azy.

Isaia 55:1

HE! hianareo rehetra izay mangetaheta, Mankanesa amin’ny rano! Ary hianareo izay tsy manam-bola, Avia, mividia, ka homana! Eny, avia, mividia divay sy ronono, Nefa tsy amim-bola, na amin-karena.

Isaia 59:21

Raha Izaho, dia izao no fanekeko aminy, hoy Jehovah: Ny Fanahiko Izay ao aminao Sy ny teniko izay nataoko teo am-bavanao Dia tsy hiala amin’ny vavanao, Na amin’ny vavan’ny taranakao, Na amin’ny vavan’ny taranaky ny taranakao, Hatramin’izao ka ho mandrakizay, hoy Jehovah.

Isaia 61:9

Ny taranany ho fantatra any amin’ny jentilisa Ary ny terany any amin’ny firenena; Izay rehetra mahita azy dia hahafantatra azy Ho taranaka notahin’i Jehovah.

Isaia 65:23

Tsy hisasatra foana izy, Na hitera-jaza ho tratry ny loza tampoka; Fa taranak’izay notahin’i Jehovah ireo, Ary terany ho ao aminy.

Ezekiela 34:26

Ary izy sy ny manodidina ny havoanako dia hataoko fitahiana, ary hampilatsaka ranonorana amin’ny fotoany Aho, dia ranonoram-pitahiana mivatravatra.

Ezekiela 36:27

Ary ny Fanahiko no hataoko ao anatinareo, ka hahatonga anareo handeha araka ny lalàko sy hitandrina ny fitsipiko ka hanaraka azy.

Ezekiela 39:29

Ary tsy hafeniko aminy intsony ny tavako; fa haidiko ao amin’ny taranak’Isiraely ny Fanahiko, hoy Jehovah Tompo.

Ezekiela 47:8

Dia hoy izy tamiko: Ity rano ity dia mivoaka hankany amin’ny tany atsinanana, dia midina any amin’ny tani-hay ka miditra eo amin’ny ranomasina; ary rehefa tonga eo an-dranomasina izy, dia sitrana ny rano.

Hosea 10:12

Mamafaza ho anareo araka ny fahamarinana, Mijinjà araka ny fitiavana, Hevoy ny tombam-borakareo; Fa izao no andro hitadiavana an’i Jehovah Ambara-pihaviny sy handatsahany fahamarinana aminareo.

Joela 2:27

Dia ho fantatrareo fa ao afovoan’ny Isiraely Aho, Ary Izaho no Jehovah Andriamanitrareo, fa tsy misy hafa; Ary tsy ho menatra mandrakizay ny oloko.

Joela 3:1

ARY rehefa afaka izany, dia handatsaka ny Fanahiko amin’ny nofo rehetra Aho; Dia haminany ny zanakalahinareo sy ny zanakavavinareo, Ny lahi-antitrareo hanonofy, Ary ny zatovonareo hahita fahitana;

Mika 5:7

Ary izay sisa amin’i Jakoba ao amin’ny jentilisa, Ao amin’ny firenena maro, Dia ho tahaka ny liona amin’ny biby any an-ala, Sy ho tahaka ny liona tanora ao amin’ny andian’ny ondry aman-osy: Raha mamaky eo izy, dia manitsakitsaka sy mamiravira, ka tsy misy mahavonjy.

Zakaria 12:10

Ary haidiko amin’ny taranak’i Davida sy amin’ny mponina any Jerosalema ny fanahin’ny fahasoavana sy ny fifonana, ka hijery Ahy Izay nolefoniny izy, ary hisaona Azy toy ny fisaonana zanakalahy tokana izy sady halahelo Azy toy ny fahalahelovan’ny olona ny lahimatoany.

Matio 12:43

Raha mivoaka amin’ny olona ny fanahy maloto, dia mandeha mitety ny tany tsy misy rano izy, mitady fitsaharana, fa tsy mahita.

Asan’ny Apostoly 10:45

Ary talanjona ny mino isan’ny voafora izay niaraka tamin’i Petera, satria nilatsaka tamin’ny jentilisa koa ny fanomezana, dia ny Fanahy Masina.

Asan’ny Apostoly 2:17

,,Ary amin’ny andro farany, hoy Andriamanitra, No handatsahako ny Fanahiko amin’ny nofo rehetra; Ary ny zanakalahinareo sy ny zanakavavinareo haminany, Ary ny zatovonareo hahita fahitana, Ary ny lahi-antitrareo hanonofy;

Asan’ny Apostoly 2:33

Ary rehefa nasandratry ny tànana ankavanan’Andriamanitra Izy, ary nandray tamin’ny Ray ny Fanahy Masina Izay nokasainy, dia efa nampilatsaka izao hitanareo sy renareo izao Izy.

Asan’ny Apostoly 2:39

fa ny teny fikasana dia ho anareo sy ny zanakareo ary ho an’izay rehetra lavitra, na iza na iza hantsoin’i Jehovah Andriamanitsika hanatona Azy.

Apokalipsy 21:6

Ary hoy koa Izy tamiko: Tanteraka ireo. Izaho no Alfa sy Omega, ny fiandohana sy ny fiafarana. Izaho hanome maimaimpoana amin’ny loharanon’ny ranon’aina ho an’izay mangetaheta.

Apokalipsy 22:17

Ny Fanahy sy ny ampakarina manao hoe: Avia; ary aoka izay mahare hanao hoe: Avia. Ary aoka ho avy izay mangetaheta; ary izay mety, aoka izy hisotro maimaimpoana amin’ny ranon’aina.