Eksodosy 32:4 - Baiboly Protestanta Malagasy

⁴ Ary izy nandray azy tamin’ny tànan’ny olona, dia namboatra azy tamin’ny fandraka ka nanao azy ho ombilahy kely anidina; dia niteny ny olona ka nanao hoe: Io no andriamanitrao, ry Isiraely, izay nitondra anao niakatra avy tany amin’ny tany Egypta.

Baiboly Protestanta Malagasy 2011

⁴ Ary nandray izany tamin’ny tanan’ny olona izy ka nanamboatra izany tamin’ny fandraka sady nandrendrika azy ho ombilahy kely; dia niteny ny olona hoe: Io no andriamanitrao, ry Israely; io no nitondra anao niakatra avy tany amin’ny tany Ejipta.

DIEM PROTESTANTA

⁴ Noraisin’i Aharôna ireny ka nempoiny ary nararany tamin’ny lasitra, dia nanaovany sarivongana ombilahikely iray. Dia nihoraka ny Israelita hoe: –Ity no andriamanitsika izay namoaka antsika hiala tany Ejipta!

Dikateny Iombonana Eto Madagasikara

⁴ Noraisin’i Aharôna ireny ka nempoiny ary nararany tamin’ny lasitra, dia nanaovany sarivongana ombilahikely iray. Dia nihoraka ny Israelita hoe: –Ity no andriamanitsika izay namoaka antsika hiala tany Ejipta!

Baiboly Katolika

⁴ Noraisiny tamin’ny tanan’izy ireo izany, dia namboariny tamin’ny fandraka ny volamena ka namoronany zanak’omby anidina. Ary hoy izy ireo: «Ry Israely, io no andriamanitra izay nitondra anareo niakatra avy tany amin’ny tany Ejipta.»

Malagasy Bible

⁴ Ary izy nandray azy tamin'ny tanan'ny olona, dia namboatra azy tamin'ny fandraka ka nanao azy ho ombilahy kely anidina; dia niteny ny olona ka nanao hoe: Io no andriamanitrao, ry Isiraely, izay nitondra anao niakatra avy tany amin'ny tany Egypta.

La Bible en Malgache

⁴ Ary nandray izany tamin’ny tanan’ny olona izy ka nanamboatra izany tamin’ny fandraka sady nandrendrika azy ho ombilahy kely; dia niteny ny olona hoe: Io no andriamanitrao, ry Israely; io no nitondra anao niakatra avy tany amin’ny tany Ejipta.

Eksodosy 32:4 Rohy Ifampitohizana

1Mpanjaka 12:28

Dia nihevitra ny mpanjaka ka nanao ombilahy kely volamena roa; ary hoy izy tamin’ny olona: Aoka izay ny fiakaranareo any Jerosalema! Ry Isiraely ô, indreo ny andriamanitrao, izay nitondra anao nivoaka avy tany amin’ny tany Egypta.

1Mpanjaka 12:32

Ary Jeroboama, nanendry andro firavoravoana tamin’ny andro fahadimy ambin’ny folo amin’ny volana fahavalo, tahaka ny andro firavoravoana tamin’ny Joda ihany, ka nanatitra fanatitra teo ambonin’ny alitara izy. Toy izany no nataony tao Betela, fa namono zavatra hatao fanatitra ho an’ireo ombilahy kely izay nataony izy; ary nampitoeriny tao Betela ireo mpisorona amin’ny fitoerana avo izay notendreny.

2Mpanjaka 10:20

Ary hoy Jeho: Manendre fivoriana masina ho an’i Bala. Koa dia nanendry andro izy.

2Mpanjaka 10:29

Nefa Jeho tsy dia niala tamin’ny fahotan’i Jeroboama, zanak’i Nebata, izay nampanotany ny Isiraely, dia tamin’ireo ombilahy kely volamena izay tao Betela sy Dana.

2Tantara 11:15

fa nanendry mpisorona ho amin’ny fitoerana avo sy ho an’ny Seïrima ary ho an’ny ombilahy kely izay nataony).

2Tantara 13:8

Ary ankehitriny hianareo mikasa hanohitra ny fanjakan’i Jehovah, izay eo an-tànan’ny taranak’i Davida; ary hianareo dia maro be, sady misy ombilahy kely volamena ao aminareo, izay nataon’i Jeroboama ho andriamanitrareo.

Nehemia 9:18

Eny, nanao ilay ombilahy kely an-idina izy ka nanao hoe: Io no andriamanitrao izay nitondra anao hiakatra avy tany Egypta, dia nampahasosotra indrindra izy;

Eksodosy 20:2

Izaho no Jehovah Andriamanitrao, Izay nitondra anao nivoaka avy tany amin’ny tany Egypta, tamin’ny trano nahandevozana.

Eksodosy 20:23

Koa aza manao andriamanitra volafotsy na andriamanitra volamena ho anareo ho fanampiko.

Eksodosy 20:4

Aza manao sarin-javatra voasokitra ho anao, na ny mety ho endriky ny zavatra izay eny amin’ny lanitra ambony, na izay etỳ amin’ny tany ambany, na izay any amin’ny rano ambanin’ny tany.

Eksodosy 28:11

amin’ny asan’ny mpanora-bato, tahaka ny fanoratana fanombohan-kase, no hanoratanao ny vato roa, araka ny anaran’ny Zanak’Isiraely; ary asio randrambolamena manodidina izy.

Eksodosy 28:9

Ary makà vato beryla roa, ka soraty eo aminy ny anaran’ny Zanak’Isiraely:

Eksodosy 32:1

ARY rehefa hitan’ny olona fa efa ela ka tsy mbola nidina avy tao an-tendrombohitra ihany Mosesy, dia niangona ho eo amin’i Arona izy ka nanao taminy hoe: Mitsangàna, ka anaovy andriamanitra izahay, hitarika antsika eo aloha; fa ilay Mosesy iny, izay lehilahy nitondra antsika niakatra avy tany amin’ny tany Egypta, dia tsy fantatray izay nanjo azy.

Eksodosy 32:24

Ary hoy izaho taminy: Na zovy na zovy manam-bolamena, aoka handrombotra izany izy, ka dia nomeny ahy; ary natsipiko tao anaty afo izany, ka io ombilahy kely io no nivoaka.

Eksodosy 32:3

Ary ny olona rehetra dia nandrombotra ny kavim-bolamena izay teny amin’ny sofiny ka nitondra azy ho eo amin’i Arona.

Eksodosy 32:35

Ary Jehovah namely ny olona, satria nanao ny ombilahy kely izy, dia ilay nataon’i Arona.

Eksodosy 32:5

Ary raha hitan’i Arona izany, dia nanao alitara teo anoloany izy; ary dia niantso Arona ka nanao hoe: Andro firavoravoana ho an’i Jehovah rahampitso.

Eksodosy 32:7

Ary hoy Jehovah tamin’i Mosesy: Mandehana midina hianao; fa efa nanao ratsy ny olonao izay nentinao niakatra avy tany amin’ny tany Egypta.

Eksodosy 32:8

Nalaky nivily niala amin’ny làlana izay nasaiko nalehany izy ka efa nanao ombilahy kely an-idina ho azy; ary efa niankohoka teo anatrehany sy namono zavatra hatao fanatitra taminy izy ka nanao hoe: Io no andriamanitrao, ry Isiraely, izay nitondra anao niakatra avy tany amin’ny tany Egypta.

Isaia 30:22

Ary holotoinao ny takela-bolafotsy voapetaka amin’ny sampinao voasokitra Sy ny takela-bolamena voapetaka amin’ny sampinao an-idina, Ka harianao tahaka ny lamba maloto izany; Mialà amiko! no teny hataonao aminy.

Isaia 46:6

Izay mandraraka volamena avy ao an-kitapo Sy mandanja volafotsy amin’ny mizana Dia manakarama mpanefy volamena mba hanao izany ho andriamanitra, Hiankohofany sy hivavahany.

Ezekiela 23:8

Ary ny fijangajangana izay fanaony hatrany Egypta dia tsy foiny; fa fony izy mbola tanora dia nandrian’ireny, ary ireny no nitsapatsapa ny tratran’ny fahavirijinany sady nanaram-po nijangajanga taminy.

Hosea 10:5

Ny mponina any Samaria matahotra noho ny amin’ny ombivavy kely ao Betavena; Fa ny olony mitomany azy, Ary ny mpisorony mangovitra noho ny aminy, Dia noho ny amin’ny voninahiny, fa lasan-ko babo izany.

Hosea 13:2

ary ankehitriny dia mandroso manota izy, Fa ny volafotsiny no anaovany sarin-javatra an-idina ho azy, Dia sampy araka ny fahaizany, Izay asan’ny mpiasa avokoa; Ireny dia lazainy hoe: Aoka hanoroka ny ombilahy kely izay olona mamono zavatra hatao fanatitra.

Asan’ny Apostoly 17:29

Ary satria terak’Andriamanitra isika, dia tsy mety raha ny fomban’Andriamanitra no ataontsika ho tahaka ny volamena, na volafotsy, na vato voasoratry ny fahaizana aman-tsain’olombelona.

Asan’ny Apostoly 7:41

Ary dia nanao ombilahy kely izy tamin’izany andro izany, dia nanatitra fanatitra tamin’ny sampy ka niravoravo tamin’ny asan’ny tànany.

1Korintiana 10:7

Ary aoka tsy ho mpanompo sampy hianareo tahaka ny sasany tamin ireny, araka ny voasoratra hoe: ,,Ny olona nipetraka hihinana sy hisotro, dia nitsangana hilalao.’’ (Eks. 32.6).

Deoteronomia 9:16

Ary nijery aho, ka, indro, efa nanota tamin’i Jehovah Andriamanitrareo hianareo ka nanao ombilahy kely an-idina ho anareo; nalaky nivily hianareo niala tamin’ny làlana izay efa nasain’i Jehovah nalehanareo.

Mpitsara 8:24

Ary hoy koa Gideona taminy: Zavatra iray loha monja no hany mba angatahiko aminareo; aoka samy hanome ahy ny kavina izay avy amin’ny babony avy hianareo (fa nanana kavim-bolamena ireny, satria Isimaelita).

Mpitsara 8:27

Dia nataon’i Gideona efoda ireo, ka nataony tao an-tanànany, dia tao Ofra; ary ny Isiraely rehetra nankany nijangajanga nanaraka izany efoda izany; ary tonga fandrika tamin’i Gideona sy ny ankohonany izany.