Eksodosy 20:2 - Baiboly Protestanta Malagasy

² Izaho no Jehovah Andriamanitrao, Izay nitondra anao nivoaka avy tany amin’ny tany Egypta, tamin’ny trano nahandevozana.

Baiboly Protestanta Malagasy 2011

² Izaho no TOMPO Andriamanitrao izay nitondra anao nivoaka avy tany amin’ny tany Ejipta, tamin’ny trano nanandevozana.

DIEM PROTESTANTA

² –Izaho no TOMPO Andriamanitrao, Izay namoaka anao hiala tany Ejipta, toera-nanandevozana anao.

Dikateny Iombonana Eto Madagasikara

² –Izaho no TOMPO Andriamanitrao, Izay namoaka anao hiala tany Ejipta, toera-nanandevozana anao.

Baiboly Katolika

² «Izaho no Iaveh Andriamanitrao, izay namoaka anao tany amin’ny tany Ejipta, tany amin’ny trano fanandevozana.

Malagasy Bible

² Izaho no Jehovah Andriamanitrao, Izay nitondra anao nivoaka avy tany amin'ny tany Egypta, tamin'ny trano nahandevozana.

La Bible en Malgache

² Izaho no TOMPO Andriamanitrao izay nitondra anao nivoaka avy tany amin’ny tany Ejipta, tamin’ny trano nanandevozana.

Eksodosy 20:2 Rohy Ifampitohizana

1Mpanjaka 18:39

Ary raha nahita izany ny olona rehetra, dia niankohoka ka nanao hoe: Jehovah, Izy no Andriamanitra; Jehovah, Izy no Andriamanitra.

2Mpanjaka 17:12

fa nanompo sampy, izay nandraran’i Jehovah azy hoe: Aza manao izany zavatra izany hianareo.

2Mpanjaka 17:7

Ary ny nahatongavan’izany dia noho ny nanotan’ny Zanak’Isiraely tamin’i Jehovah Andriamaniny, Izay nitondra azy nivoaka avy tany amin’ny tany Egypta ho afaka tamin’ny tànan’i Farao, mpanjakan’i Egypta, fa natahotra izay andriamani-kafa izy

2Tantara 28:5

Koa dia natolotr’i Jehovah Andriamaniny ho eo an-tànan’ny mpanjakan’i Syria izy; dia namely azy ireo, ka betsaka no lasany ho babo ka nentiny tany Damaskosy. Ary natolony ho eo an-tànan’ny mpanjakan’ny Isiraely koa izy, dia namely mafy ka naharesy azy koa ireo.

Salamo 50:7

Mihainoa, ry oloko, fa hiteny Aho; Ry Isiraely ô, fa hanambara aminao Aho; Izaho no Andriamanitra, dia Andriamanitrao.

Salamo 81:10

Izaho no Jehovah Andriamanitrao, Izay nitondra anao niakatra avy tany amin’ny tany Egypta; Atanatanao ny vavanao, dia hofenoiko.

Salamo 81:11

Fa tsy nihaino ny feoko ny oloko; Ary ny Isiraely tsy nankatò Ahy;

Salamo 81:7

Fony azom-pahoriana hianao, dia niantso Ahy, ka namonjy anao Aho; Namaly anao tao amin’ny fiafenan’ny kotrokorana Aho Ary nizaha toetra anao tao amin’ny ranon’i Meriba. [Sela.]

Eksodosy 13:14

Ary raha hanontany anao ny zanakao amin’ny andro ho avy ka hanao hoe: Inona no anton’izao? dia holazainao aminy hoe: Tànana mahery no nitondran’i Jehovah antsika nivoaka avy tany Egypta, tamin’ny trano nahandevozana;

Eksodosy 13:3

Dia hoy Mosesy tamin’ny olona: Tsarovy izao andro izao, izay nivoahanareo avy tany Egypta, tamin’ny trano nahandevozana, fa tamin’ny tànana mahery no nitondran’i Jehovah anareo nivoaka avy tany; koa aza misy mihinana izay misy masirasira.

Eksodosy 15:13

Tarihinao amin’ny famindramponao ny firenena izay navotanao, Ka entinao amin’ny herinao ho any amin’ny fonenanao masina izy.

Eksodosy 15:16

Mahazo azy ny tahotra sy ny hovitra; Noho ny halehiben’ny sandrinao dia mangina tahaka ny vato izy. Mandra-pandalon’ ny olonao, Jehovah ô, Mandra-pandalon’ ny olona izay navotanao.

Eksodosy 15:26

ka hoy Izy: Raha hazoto hihaino ny feon’i Jehovah Andriamanitrao hianao ka hanao izay mahitsy eo imasony sy hihaino ny lalàny ary hitandrina ny didiny rehetra, dia tsy hisy hataoko aminao ireny aretina rehetra ireny, izay nataoko tamin’ny Egyptiana; fa Izaho no Jehovah Izay mahasitrana anao.

Eksodosy 20:1

DIA nilaza izao teny rehetra izao Andriamanitra ka nanao hoe:

Eksodosy 29:46

Ary ho fantany fa Izaho no Jehovah Andriamaniny, Izay nitondra azy nivoaka avy tany amin’ny tany Egypta, mba honina eo aminy Aho; Izaho no Jehovah Andriamaniny.

Eksodosy 6:6

Koa lazao amin’ny Zanak’Isiraely hoe: Izaho no Jehovah, ary hitondra anareo hivoaka ho afaka amin’ny fanompoana mafy ampanaovin’ny Egyptiana anareo Aho ka hanafaka anareo amin’ny fanompoana azy; ary sandry ahinjitra sy fitsarana lehibe no hamonjeko anareo.

Isaia 43:3

Fa Izaho Jehovah no Andriamanitrao, Dia ny Iray Masin’ny Isiraely, Mpamonjy anao; Omeko ho avotrao Egypta, Ary Etiopia sy Seba ho solonao.

Jeremia 16:14

Koa, indro, avy any andro, hoy Jehovah, izay tsy hanaovana intsony hoe: Raha velona koa Jehovah, Izay nitondra ny Zanak’Isiraely niakatra avy tany amin’ny tany Egypta;

Jeremia 2:6

Ary izy tsy nanao hoe: Aiza Jehovah Izay nitondra antsika niakatra avy tany amin’ny tany Egypta Sady nitarika antsika tany an-efitra, Dia ilay tany foana sady be lavaka, Tany karankaina sady aloky ny fahafatesana, Tany izay tsy mba nalehan’olona akory na nonenan’olona?

Jeremia 31:1

AMIN’izany andro izany, hoy Jehovah, Dia ho Andriamanitry ny isam-pianakavian’ny Isiraely Aho, Ary izy ho oloko.

Jeremia 31:33

Fa izao no fanekena hataoko amin’ny taranak’Isiraely. Rehefa afaka izany andro izany, hoy Jehovah: Dia hataoko ao an-tsainy ny lalàko Sady hosoratako ao am-pony; Ary Izaho ho Andriamaniny, ary izy ho oloko.

Jeremia 34:13

Izao no lazain’i Jehovah, Andriamanitry ny Isiraely: Izaho efa nanao fanekena tamin’ny razanareo tamin’ny andro nitondrako azy nivoaka avy tany amin’ny tany Egypta hiala tamin’ny trano nahandevozana nanao hoe:

Ezekiela 20:19

fa Izaho no Jehovah Andriamanitrareo; koa mandehana araka ny didiko, ary mitandrema ny fitsipiko, ka araho izany.

Ezekiela 20:5

Ary ataovy aminy hoe: Izao no lazain’i Jehovah Tompo: Tamin’ny andro nifidianako ny Isiraely sy nananganako tànana tamin’ny taranak’i Jakoba sy nanaovako izay hahafantarany Ahy tany amin’ny tany Egypta raha nanangan-tànana taminy Aho ka nanao hoe: Izaho no Jehovah Andriamanitrareo,–

Ezekiela 20:7

dia hoy Izaho taminy: Samia manary ny fahavetavetan’ny masonareo avy hianareo, ary aza mandoto tena amin’ny sampin’i Egypta; Izaho no Jehovah Andriamanitrareo.

Hosea 12:10

Nefa Izaho no Jehovah Andriamanitrao Hatrany amin’ny tany Egypta; Ary mbola hampitoetra anao an-day indray Aho Tahaka ny tamin’ny fotoam-pivavahana.

Hosea 13:4

Fa Izaho no Jehovah Andriamanitrao hatrany amin’ny tany Egypta, Ary tsy mahalala Andriamanitra afa-tsy Izaho hianao, Sady tsy misy mpamonjy afa-tsy Izaho.

Levitikosy 11:45

Fa Izaho no Jehovah Izay nitondra anareo niakatra avy tany amin’ny tany Egypta, mba ho Andriamanitrareo, ka dia ho masina hianareo, satria masina Aho.

Levitikosy 19:36

Mizana marina, vato marina, efaha marina, hina marina, no hotananareo: Izaho no Jehovah Andriamanitrareo, Izay nitondra anareo nivoaka avy tany amin’ny tany Egypta.

Levitikosy 23:43

mba ho fantatry ny taranakareo fa nampilasy ny Zanak’Isiraely tao amin’ny trano rantsan-kazo Aho, raha nitondra azy nivoaka avy tany amin’ny tany Egypta: Izaho no Jehovah Andriamanitrareo.

Levitikosy 25:38

Izaho no Jehovah Andriamanitrareo, Izay nitondra anareo nivoaka avy tany amin’ny tany Egypta, hanome anareo ny tany Kanana, mba ho Andriamanitrareo.

Levitikosy 25:42

Fa mpanompoko izay nentiko nivoaka avy tany amin’ny tany Egypta izy ka tsy hamidy tahaka ny andevo.

Levitikosy 25:55

Fa mpanompoko ny Zanak’Isiraely, dia mpanompoko izay nentiko nivoaka avy tany amin’ny tany Egypta: Izaho no Jehovah Andriamanitrareo.

Levitikosy 26:1

AZA manao andriamani-tsi-izy; ary aza manangana sarin-javatra voasokitra, na manao tsangambaton-tsampy na manorina vato soratana hiankohofana eo amin’ny taninareo: fa Izaho no Jehovah Andriamanitrareo.

Levitikosy 26:13

Izaho no Jehovah Andriamanitrareo, Izay nitondra anareo nivoaka avy tany amin’ny tany Egypta, mba tsy ho andevony hianareo; ary nanapaka ny zioga izay teo aminareo Aho ka nampandeha anareo mijoro.

Amosa 2:10

Ary Izaho no nitondra anareo niakatra avy tany amin’ny tany Egypta Sady nitari-dàlana anareo efa-polo taona tany an-efitra, Mba handovanareo ny tanin’ny Amorita,

Romana 10:12

Fa tsy misy hafa, na Jiosy na jentilisa, fa iray ihany no Tompon’izy rehetra, sady manan-karena homeny izay rehetra miantso Azy Izy.

Romana 3:29

Andriamanitry ny Jiosy ihany va Izy? fa tsy mba an’ny jentilisa koa? Eny, an’ny jentilisa koa;

Deoteronomia 13:10

fa vonoy ho faty izy; ny tànanao no ho voalohany hamono azy, dia vao ny tànan’ny vahoaka rehetra.

Deoteronomia 15:15

Ary tsarovy fa andevo tany amin’ny tany Egypta hianao, nefa i Jehovah Andriamanitrao efa nanavotra anao, koa izany no andidiako anao izao zavatra izao anio.

Deoteronomia 20:1

RAHA mivoaka hanafika ny fahavalonao hianao ka mahita soavaly sy kalesy ary olona maro noho hianao, dia aza matahotra azy; fa Jehovah Andriamanitrao kosa, Izay nitondra anao niakatra avy tany amin’ny tany Egypta, no momba anao.

Deoteronomia 5:15

Ary tsarovy fa andevo tany amin’ny tany Egypta hianao, ka tànana mahery sy sandry nahinjitra no nitondran’i Jehovah Andriamanitrao anao nivoaka avy tany; izany no nandidian’i Jehovah Andriamanitrao anao hitandrina ny andro Sabata.

Deoteronomia 5:6

Izaho no Jehovah Andriamanitrao, Izay nitondra anao nivoaka avy tany amin’ny tany Egypta, tamin’ny trano nahandevozana.

Deoteronomia 7:8

fa ny nitiavan’i Jehovah anareo sy ny nitandremany ny fianianana izay efa nianianany tamin’ny razanareo no nitondran’i Jehovah anareo tamin’ny tànana mahery sy nanavotany anao tamin’ ny trano nahandevozana, dia tamin’ny tànan’i Farao, mpanjakan’i Egypta.

Mpitsara 2:1

ARY Ilay Anjelin’i Jehovah niakatra avy tany Gilgala ka nankany Bokima, dia nanao hoe: Nitondra anareo niakatra avy tany Egypta Aho ka nampiditra anareo eto amin’ny tany izay nianianako tamin’ny razanareo homena azy, ka hoy Izaho: Tsy hanatsoaka ny fanekeko taminareo Aho mandrakizay;

Mpitsara 6:10

ary hoy Izaho taminareo: Izaho no Jehovah Andriamanitrareo; aza matahotra ny andriamanitry ny Amorita, izay tompon’ny tany onenanareo; nefa tsy nihaino ny feoko hianareo.