Daniela 2:12 - Baiboly Protestanta Malagasy

¹² Dia vinitra sady tezitra indrindra ny mpanjaka noho izany, ka nasainy naringana ny olon-kendrin’i Babylona rehetra.

Baiboly Protestanta Malagasy 2011

¹² Dia vinitra sady tezitra dia tezitra ny mpanjaka noho izany ka nasainy naringana ny olon-kendrin’i Babilona rehetra.

DIEM PROTESTANTA

¹² Dia tezitra nisafoaka mafy noho izany rehetra izany ny mpanjaka, ka nanome baiko mba handringanana ny olon-kendry rehetra ao Babilôna.

Dikateny Iombonana Eto Madagasikara

¹² Dia tezitra nisafoaka mafy noho izany rehetra izany ny mpanjaka, ka nanome baiko mba handringanana ny olon-kendry rehetra ao Babilôna.

Malagasy Bible

¹² Dia vinitra sady tezitra indrindra ny mpanjaka noho izany, ka nasainy naringana ny olon-kendrin'i Babylona rehetra.

La Bible en Malgache

¹² Dia vinitra sady tezitra dia tezitra ny mpanjaka noho izany ka nasainy naringana ny olon-kendrin’i Babilona rehetra.

Daniela 2:12 Rohy Ifampitohizana

Joba 5:2

Fa ny adala dia vonoin’ny fahasosorana, Ary ny kely saina dia matin’ny fialonana.

Salamo 76:10

Fa ny fahatezeran’ny olona hidera Anao tokoa; Ny fahatezerana sisa dia isikinanao.

Ohabolana 16:14

Ny fahatezeran’ny mpanjaka dia iraky ny fahafatesana. Fa ny olon-kendry mampionona izany.

Ohabolana 19:12

Ny fahatezeran’ny mpanjaka dia toy ny fieron’ny liona tanora: Fa ny fitiany kosa toy ny ando amin’ny ahitra.

Ohabolana 20:2

Ny fampitahoran’ny mpanjaka dia toy ny fieron’ny liona tanora; Izay mampahatezitra azy dia mankahà-doza hihatra amin’ny ainy.

Ohabolana 29:22

Ny olona mora tezitra manetsika ady; Ary ny olona masiaka dia be fahadisoana.

Daniela 2:24

Ary noho izany Daniela dia niditra nankao amin’i Arioka, izay notendren’ny mpanjaka handringana ny olon-kendrin’i Babylona,–eny, nandeha izy ka nanao taminy hoe: Aza mandringana ny olon-kendrin’i Babylona; fa ento ho eo anatrehan’ny mpanjaka aho, dia hambarako aminy ny hevitry ny nofiny.

Daniela 2:5

Dia namaly ny mpanjaka ka nanao tamin’ireny Kaldeana ireny hoe: Efa niloa-bava aho; raha tsy hampahafantarinareo ahy ny nofy sy ny heviny, dia hotetitetehina hianareo, ary ny tranonareo hatao trano fivoahana.

Daniela 3:13

Dia niteny tamin’ny fahavinirana sy ny fahatezerana Nebokadnezara, ka nasainy nalaina Sadraka sy Mesaka ary Abednego. Dia nentiny teo anatrehan’ny mpanjaka ireo lehilahy ireo.

Daniela 3:19

Dia feno fahatezerana Nebokadnezara, ka niova ny tarehiny tamin’i Sadraka sy Mesaka ary Abednego, dia nasainy nafanaina ho impito mihoatra noho ny famana azy ny lafaoro.

Daniela 5:19

ary noho ny fahalehibiazana izay nomeny azy, ny fokom-pirenena sy ny firenena ary ny samy hafa fiteny rehetra dia nangovitra sy natahotra teo anatrehany; izay tiany hovonoina dia novonoiny; ary izay tiany hovelomina dia novelominy; ary izay tiany hasandratra dia nasandrany; ary izay tiany haetry dia naetriny.

Matio 2:16

ARY nony efa fantatr’i Heroda fa voafitaky ny Magy izy, dia tezitra indrindra izy ka naniraka namono ny zazalahy rehetra hatramin’ny roa taona no ho midina, izay tao Betlehema sy tamin’ny manodidina rehetra, araka ny andro izay nofotorany fatratra tamin’ny Magy.

Matio 5:22

Fa Izaho kosa milaza aminareo hoe: Izay rehetra tezitra amin’ny rahalahiny dia mendrika hohelohina amin’ny fitsarana; ary na zovy na zovy no hanao amin’ny rahalahiny hoe: Olom-poana hianao, dia mendrika hohelohina amin’ny Synedriona; ary na zovy na zovy no hanao hoe: Foka ialahy, dia mendrika ho ao amin’ny helo mirehitra afo.