2Petera 3:9 - Baiboly Protestanta Malagasy

⁹ Ny Tompo tsy mahela ny teny fikasany, araka izay ataon’ny sasany ho fahelany; fa mahari-po aminareo Izy, ka tsy tiany hisy ho very, fa mba ho tonga amin’ny fibebahana izy rehetra,

Baiboly Protestanta Malagasy 2011

⁹ Ny Tompo tsy mahela ny teny fikasany, araka izay lazain’ny sasany ho fahelany; fa mahari-po aminareo Izy ka tsy tiany hisy ho very, fa mba ho tonga amin’ny fibebahana izy rehetra.

DIEM PROTESTANTA

⁹ Koa tsy ahemotry ny Tompo araka ny hevitry ny sasany akory ny fampanantenàny: saingy mahari-po aminareo Izy, satria tsy tiany hisy ho very fa mba hiroso hiala amin’ny toe-dratsy avokoa ny olona rehetra.

Dikateny Iombonana Eto Madagasikara

⁹ Koa tsy ahemotry ny Tompo araka ny hevitry ny sasany akory ny fampanantenàny: saingy mahari-po aminareo Izy, satria tsy tiany hisy ho very fa mba hiroso hiala amin’ny toe-dratsy avokoa ny olona rehetra.

Baiboly Katolika

⁹ Koa tsy ahemotry ny Tompo araka ny hevitry ny sasany akory ny fampanantenany, fa miandry anareo amim-pandeferana Izy, mba tsy hisy very na dia iray aza, fa samy hanatona sy hibebaka daholo.

Malagasy Bible

⁹ Ny Tompo tsy mahela ny teny fikasany, araka izay ataon'ny sasany ho fahelany; fa mahari-po aminareo Izy, ka tsy tiany hisy ho very, fa mba ho tonga amin'ny fibebahana izy rehetra,

La Bible en Malgache

⁹ Ny Tompo tsy mahela ny teny fikasany, araka izay lazain’ny sasany ho fahelany; fa mahari-po aminareo Izy ka tsy tiany hisy ho very, fa mba ho tonga amin’ny fibebahana izy rehetra.

2Petera 3:9 Rohy Ifampitohizana

Salamo 77:8

Efa nitsahatra mandrakizay va ny famindrampony? Efa tapitra mandrakizay va ny teniny?

Salamo 86:15

Fa Hianao, Tompo ô, dia Andriamanitra mamindra fo sy miantra, Mahari-po sady be famindrampo sy fahamarinana.

Eksodosy 18:23

Raha hanao araka izany zavatra izany hianao, ka hilaza izay didy aminao Andriamanitra, dia haharitra hianao, ary izao olona rehetra izao koa dia ho tonga soa aman-tsara any amin’ny taniny.

Eksodosy 32:32

Ary ankehitriny, enga anie ka hamela ny fahotany Hianao! fa raha tsy izany, mifona aminao aho, vonoy eo amin’ny bokinao izay nosoratanao ny anarako.

Eksodosy 33:11

Ary Jehovah niteny nifanatrika tamin’i Mosesy, tahaka ny olona miresaka amin’ny sakaizany. Ary niverina nankeo amin’ny toby izy; fa ny mpanompony, dia Josoa zatovo, zanak’i Nona, tsy niala tamin’ny lay.

Eksodosy 34:6

Ary Jehovah nandalo teo anatrehany ka niantso hoe: Jehovah, Jehovah, Andriamanitra mamindra fo sy miantra, mahari-po sady be famindrampo sy fahamarinana,

Mpitoriteny 8:11

Saingy tsy tanterahina vetivety ny famaliana ny ratsy atao, dia izany no ikirizan’ny fon’ny zanak’olombelona amin’ny fanaovan-dratsy.

Isaia 30:18

Koa Jehovah dia mbola hiandry mandra-pamindrany fo aminareo, Ary mbola hitoetra any amin’ny avo Izy mandra-piantrany anareo; Fa Andriamanitry ny fahamarinana Jehovah; Sambatra izay rehetra miandry Azy.

Isaia 46:13

Hampanatoniko ny fahamarinako, ka tsy ho lavitra intsony; Ary ny famonjeko tsy hitaredretra; Fa hametraka famonjena ao Ziona Aho Sy ny voninahitro ho an’ny Isiraely.

Ezekiela 33:11

Lazao aminy hoe: Raha velona koa Aho, hoy Jehovah Tompo, dia tsy sitrako ny hahafatesan’ny ratsy fanahy, fa ny hialan’ny ratsy fanahy amin’ny làlany, mba ho velona izy. Mialà, mialà amin’ny làlan-dratsinareo, fa nahoana moa no te-ho faty hianareo, ry taranak’Isiraely?

Daniela 4:29

Fa horoahina hiala amin’ny olona hianao, ka ho any amin’ny bibi-dia ny fonenanao; hampihinanina ahitra toy ny omby hianao, ary fetr’andro fito no holanina aminao ambara-pahafantatrao fa ny Avo Indrindra no manapaka amin’ny fanjakan’ny olona ka manome izany ho an’izay tiany.

Habakoka 2:3

Fa ny fahitana dia mbola ho amin’ny fotoan’andro, Ary mikendry ny farany izy ka tsy ho diso; Eny, na dia mitaredretra aza izy, andraso ihany, Fa ho avy tokoa izy ka tsy hijanona.

Romana 13:11

Ary tokony hanao izany indrindra isika, satria fantatsika ny andro, fa ankehitriny izao dia ora tokony hifohazanareo amin’ny fahatoriana; fa ankehitriny ny famonjena antsika dia akaiky noho ny tamin’ny andro vao ninoantsika.

Romana 13:12

Efa ho lasa ny alina, ka efa mby akaiky kokoa ny andro, koa aoka hariantsika ny asan’ny maizina ka hitafiantsika ny fiadian’ny mazava.

Romana 2:4

Sa hamavoinao ny haren’ny fahamoram-panahiny sy ny fandeferany ary ny fahari-pony, satria tsy fantatrao fa ny fahamoram-panahin’Andriamanitra dia mitaona anao hibebaka?

Romana 9:22

Sa ahoana kosa raha Andriamanitra, na dia ta-haneho ny fahatezerany sy hampahafantatra ny heriny aza, dia be fahari-po ka nandefitra tamin’izay fanaky ny fahatezerana voavoatra hosimbana,

1Timoty 1:16

Kanefa izao no namindrana fo tamiko, dia ny mba hasehon’i Jesosy Kristy eo amiko izay lohany, ny fahari-po rehetra ho fianarana ho an’izay hino Azy hahazoana fiainana mandrakizay.

1Timoty 2:4

Izay tia ny olona rehetra hovonjena ka ho tonga amin’ny fahalalana ny marina.

Hebreo 10:37

Fa ,,Rehefa afaka kelikely, Dia ho tonga Ilay ho avy, fa tsy hitaredretra’’.

1Petera 3:20

dia izay tsy nanaiky fahiny, fony niandry ny fahari-pon’Andriamanitra tamin’ny andron’i Noa, raha mbola namboarina ny sambo-fiara, izay nidiran’ny olona vitsy, dia izy valo mianaka, ka dia namonjena azy ny rano,

2Petera 1:4

ary izany no nahatanterahany amintsika ireo teny fikasana sady soa no lehibe indrindra, mba ho tonga mpiray amin’ny fomban’Andriamanitra amin’izany hianareo, rehefa afa-nandositra ny fahalotoana izay eo amin’izao tontolo izao noho ny filana;

2Petera 3:15

Ary ny fahari-pon’ny Tompontsika dia ekeo ho famonjena, tahaka ny voasoratr’i Paoly, rahalahy malalantsika, taminareo koa araka ny fahendrena nomena azy,

Apokalipsy 2:21

Ary nomeko andro hibebahany izy, nefa tsy mety mibebaka amin’ny fijangajangany izy.