Zefania 2:3 - Baiboly Protestanta Malagasy 2011

³ Mitadiava NY TOMPO ianareo mpanetry tena rehetra amin’ny tany, izay efa nanaraka ny fitsipiny! Tadiavo ny fahamarinana, tadiavo ny fanetren-tena! Angamba ho voafina ianareo amin’ny andron’ny fahatezeran’NY TOMPO.

DIEM PROTESTANTA

³ Mitadiava ny TOMPO ianareo rehetra, ry mpanetry tena eto amin’ny tany sady mpanatanteraka ny fitsipiny. Manaova ny marina, manetre tena eo anatrehan’ny TOMPO. Angamba ho voatsimbina ihany ianareo amin’ny androm-pahatezerany.

Dikateny Iombonana Eto Madagasikara

³ Mitadiava ny TOMPO ianareo rehetra, ry mpanetry tena eto amin’ny tany sady mpanatanteraka ny fitsipiny. Manaova ny marina, manetre tena eo anatrehan’ny TOMPO. Angamba ho voatsimbina ihany ianareo amin’ny androm-pahatezerany.

Baiboly Katolika

³ Mitadiava an’i Iaveh, ianareo manetry tena rehetra amin’ny tany, izay efa nanaraka ny lalàny; katsaho ny fahamarinana, katsaho ny fanetren-tena. Ho tafaàloka angamba ianareo amin’ny andron’ny fahatezeran’i Iaveh!

Baiboly Protestanta Malagasy

³ Mitadiava an’i Jehovah, hianareo mpandefitra rehetra amin’ny tany, Izay efa nanaraka ny fitsipiny: Tadiavo ny fahamarinana, Tadiavo ny fandeferana; Angamba ho voafina hianareo amin’ny andro fahatezeran’i Jehovah.

Malagasy Bible

³ Mitadiava an'i Jehovah, ianareo mpandefitra rehetra amin'ny tany, Izay efa nanaraka ny fitsipiny: Tadiavo ny fahamarinana, Tadiavo ny fandeferana; Angamba ho voafina ianareo amin'ny andro fahatezeran'i Jehovah.

La Bible en Malgache

³ Mitadiava NY TOMPO ianareo mpanetry tena rehetra amin’ny tany, izay efa nanaraka ny fitsipiny! Tadiavo ny fahamarinana, tadiavo ny fanetren-tena! Angamba ho voafina ianareo amin’ny andron’ny fahatezeran’NY TOMPO.

Zefania 2:3 Rohy Ifampitohizana

2Samoela 12:22

Hoy izy: Fony mbola velona ny zaza dia nifady hanina sy nitomany tokoa aho, fa hoy aho: Iza moa no mahalala na mba hamindra fo amiko NY TOMPO ka hahavelona ny zaza, na tsia?

Salamo 105:4

Mitadiava NY TOMPO sy ny heriny; katsaho mandrakariva ny tavany.

Salamo 149:4

Fa sitraky NY TOMPO ny olony, ravahany famonjena ny mpandefitra.

Salamo 22:26

Hihinana ny mpandefitra ka ho voky; hidera NY TOMPO ireo izay mitady Azy. Ho velona mandrakizay anie ny fonareo!

Salamo 31:20

Hanafina azy ao amin’ny fierena eo anatrehanao Ianao mba tsy ho tratry ny teti-dratsy ataon’ny olona izy; hampiery azy ao amin’ny tranonao Ianao mba tsy ho azon’ny lela miampanga izy.

Salamo 45:4

eny, amin’ny voninahitra no hitaingenanao soavaly mba handrosoanao amin-kery, ho fiarovana ny marina sy ny fahalemem-panahy ary ny rariny sy hitsiny! Aoka hanoro anao hanao asa mahatahotra ny tananao ankavanana.

Salamo 57:1

Mamindrà fo amiko, Andriamanitra ô, mamindrà fo amiko! Fa Aminao no ialofako. Eny, ao amin’ny aloky ny elatrao no ialofako mandra-pahalasa ny loza.

Salamo 76:9

rehefa nitsangana hitsara Andriamanitra mba hamonjy ny mpandefitra rehetra ambonin’ny tany. Fiatoana.

Salamo 91:1

Ny mitoetra ao amin’ny fierena izay an’ny Avo Indrindra dia monina eo ambanin’ny aloky ny Tsitoha.

Eksodosy 12:27

Dia holazainareo hoe: Izao dia famonoana ny Paska an’NY TOMPO, izay nandalo fotsiny ny tranon’ny Zanak’Israely tany Ejipta; raha namely ny Ejiptiana Izy dia namonjy ny tao an-tranontsika kosa. Dia niankohoka tamin’ny tany ny olona ka nivavaka.

Ohabolana 18:10

Ny anaran’NY TOMPO dia tilikambo mafy; ny marina mihazakazaka mankao aminy ka tsy misy mahakasika azy.

Isaia 1:17

Mianara hanao ny tsara, katsaho ny rariny, anaro ny mpampahory, omeo rariny ny kamboty, arovy ny mpitondratena.

Isaia 11:4

Fa hotsarainy amin’ny fahamarinana ny madinika ary homeny rariny ny mahantra amin’ny tany; hamely ny tany amin’ny tsorakazon’ny vavany Izy, ary ny fofonain’ny vavany no hamonoany ny ratsy fanahy.

Isaia 61:1

Ny Fanahin’NY TOMPO Andriamanitra no ato Amiko, satria NY TOMPO efa nanosotra Ahy mba hitory teny soa mahafaly amin’ny mpandefitra, naniraka Ahy hanasitrana ny torotoro fo Izy ary hitory fanafahana amin’ny babo sy hamoaka ny ao an-tranomaizina ho amin’ny mazava,

Jeremia 39:18

Fa hovonjeko tokoa ianao ka tsy ho lavon-tsabatra; eny, ny ainao no ho babonao, satria natoky Ahy ianao, hoy NY TOMPO.

Jeremia 45:5

Mitady zavatra lehibe ho anao va ianao? Aza mitady izany! Fa indro, hahatonga loza ho amin’ny nofo rehetra Aho, hoy NY TOMPO; fa raha ny ainao dia homeko anao ho babonao ihany any amin’izay rehetra halehanao.

Ezekiela 13:5

Tsy mba niakatra ho eo amin’ny banga ianareo sady tsy mba nanao manda hiarovana ny taranak’Israely mba hifaharany amin’ny ady amin’ny Andron’NY TOMPO.

Hosea 10:12

Mamafaza ho anareo araka ny fahamarinana, mijinjà araka ny fitiavana, miasà tany vaovao ho anareo. Fa izao no andro hitadiavana NY TOMPO ambara-piaviny sy handatsahany fahamarinana aminareo.

Hosea 7:10

Ny avonavon’Israely dia vavolombelona manameloka azy nefa tsy miverina amin’NY TOMPO Andriamaniny ihany izy; na dia eo aza izany rehetra izany dia tsy mitady Azy izy.

Jona 3:9

Fa angamba hiverina ihany Andriamanitra ka hanenina ary hiala amin’ny fahatezerany mirehitra mba tsy hahalany ritra antsika?

Zakaria 8:19

Izao no lazain’Andriamanitra, Tompon’izao rehetra izao: Ny fifadian-kanina amin’ny volana fahefatra, ny fifadian-kanina amin’ny volana fahadimy, ny fifadian-kanina amin’ny volana fahafito ary ny fifadian-kanina amin’ny volana fahafolo, dia samy ho tonga fifaliana sy firavoravoana ary fotoana mahafinaritra avokoa ho an’ny taranak’i Joda. Fa aoka ianareo ho tia ny fahamarinana sy ny fiadanana.

Matio 5:5

Sambatra ny malemy fanahy, fa izy no handova ny tany (Sal 37.11).

1Tesaloniana 4:1

Farany, ry rahalahy, dia mangataka aminareo sy mananatra anareo ao amin’i Jesosy Tompo izahay, mba ho araka izay nampianarinay anareo no fandehananareo, mba hankasitrahan’Andriamanitra; koa arakaraka ny andehananareo ihany no hitomboanareo bebe kokoa.

1Tesaloniana 4:10

Fa manao izany ihany ianareo amin’ny rahalahy rehetra manerana an’i Makedonia. Nefa mananatra anareo ihany izahay, ry rahalahy, mba hitombo bebe kokoa ianareo,

1Petera 1:22

Koa satria efa nodiovinareo ny fanahinareo tamin’ny fanarahana ny fahamarinana ho amin’ny fitiavan-drahalahy tsy mihatsaravelatsihy dia mifankatiava fatratra amin’ny fo madio.

1Petera 3:4

fa ny toetra miafina ao am-po, amin’ny fihaingoana tsy mety ho lo, dia ny fahalemem-panahy sy ny fiadanana, izay sarobidy indrindra eo imason’Andriamanitra.

2Petera 3:18

fa mitomboa amin’ny fahasoavana sy ny fahalalana an’i Jesosy Kristy, Tompo sy Mpamonjy antsika. Ho Azy anie ny voninahitra ankehitriny sy mandrakizay! Amena!