Romana 12:16 - Baiboly Protestanta Malagasy 2011

¹⁶ Miraisa saina. Aza mihevitra izay hiavonavonana fa aoka mba ho zatra ny fanetren-tena ianareo. Aza mihevitra ny tenanareo ho hendry.

DIEM PROTESTANTA

¹⁶ Miraisa hina; aza matimatim-boninahitra fa ny fanetren-tena ankamamiana. Aza manao ny tenanareo ho hendry.

Dikateny Iombonana Eto Madagasikara

¹⁶ Miraisa hina; aza matimatim-boninahitra fa ny fanetren-tena ankamamiana. Aza manao ny tenanareo ho hendry.

Baiboly Katolika

¹⁶ Miraisa hevitra: aza miavonavona, fa mifandraisa amin’ny iva toetra. Aza manao ny tenanareo ho hendry.

Baiboly Protestanta Malagasy

¹⁶ Miraisa saina. Aza mihevitra izay hiavonavonana, fa aoka mba ho zatra amin’ny fietrena hianareo. Aza manao ny tenanareo ho hendry.

Malagasy Bible

¹⁶ Miraisa saina. Aza mihevitra izay hiavonavonana, fa aoka mba ho zatra amin'ny fietrena ianareo. Aza manao ny tenanareo ho hendry.

La Bible en Malgache

¹⁶ Miraisa saina. Aza mihevitra izay hiavonavonana fa aoka mba ho zatra ny fanetren-tena ianareo. Aza mihevitra ny tenanareo ho hendry.

Romana 12:16 Rohy Ifampitohizana

2Tantara 30:12

Ary ny tanan’Andriamanitra ihany koa dia niasa tamin’ny Joda mba hanome azy fo iray hankatò ny didin’ny mpanjaka sy ny mpanapaka noho ny tenin’NY TOMPO.

Joba 36:5

Indro, lehibe Andriamanitra, kanefa tsy mba mamingavinga; lehibe amin’ny herin’ny fahalalana Izy.

Ohabolana 17:5

Manala baraka ny Mpanao azy izay mihomehy ny mahantra ary izay faly amin’ny loza mitranga dia tsy ho afa-tsiny.

Ohabolana 19:17

Izay miantra ny malahelo dia mampisambotra amin’NY TOMPO, Izy no hanome izay valisoa tokony ho azy.

Ohabolana 19:22

Izay irina amin’ny olona dia ny hatsaram-panahiny ary aleo ho mahantra toy izay ho mpandainga.

Ohabolana 19:7

Ny mahantra dia halan’ny rahalahiny rehetra, koa mainka va ny sakaizany tsy hanalavitra azy? Rehefa manjohy azy amin’ny teny izy dia tsy eo intsony ireo.

Ohabolana 26:12

Hitanao va ny olona mihevi-tena ho hendry? Misy hantenaina kokoa ny adala noho izy.

Ohabolana 26:5

Valio araka ny hadalany ny adala, fandrao hihevi-tena ho hendry izy.

Ohabolana 3:7

Aza mihevi-tena ho hendry; matahora NY TOMPO ka mifadia ny ratsy

Isaia 5:21

Lozan’izay manao azy ho hendry sy mihevi-tena ho manan-tsaina!

Jeremia 32:39

Dia homeko fo iray sy lalana iray izy, mba hatahorany Ahy lalandava, hahasoa azy sy ny zanany mandimby azy;

Jeremia 45:5

Mitady zavatra lehibe ho anao va ianao? Aza mitady izany! Fa indro, hahatonga loza ho amin’ny nofo rehetra Aho, hoy NY TOMPO; fa raha ny ainao dia homeko anao ho babonao ihany any amin’izay rehetra halehanao.

Matio 11:5

Mahiratra ny jamba, afaka mandeha tsara ny mandringa, diovina ny boka, malady ny marenina, atsangana ny maty ary itoriana ny Filazantsara ny mahantra.

Matio 26:11

Satria ny mahantra dia eto aminareo mandrakariva fa Izaho tsy mba ho eto aminareo mandrakariva.

Lioka 14:13

Fa raha manao fanasana ianao dia asao ny mahantra, ny kilemaina, ny mandringa, ny jamba;

Lioka 6:20

Ary nanopy ny masony tamin’ny mpianany Jesosy ka nilaza hoe: Sambatra ianareo mahantra, fa anareo ny fanjakan’Andriamanitra.

Asan’ny Apostoly 4:32

Niray fo sy fanahy ny olona rehetra izay nino ka tsy nisy na dia iray aza nanonona ny fananany ho azy manokana, fa niombonany avokoa ny zavatra rehetra nananany.

Romana 11:20

Marina izany; ny tsy finoany no nanapahana azy fa ny finoanao kosa no itoeranao. Aza miavonavona fa matahora.

Romana 11:25

Fa tsy tiako tsy ho fantatrareo izao zavamiafina izao, ry rahalahy, fandrao mihevitra ny tenanareo ho hendry ianareo: Misy fahamafisam-po manjo ny Israely sasany mandra-pahatafiditry ny Jentilisa rehetra.

Romana 12:3

Fa noho ny fahasoavana nomena ahy dia milaza amin’ny olona rehetra izay eo aminareo aho mba tsy hiavonavon-kevitra ka hihevitra mihoatra noho izay tokony hoheverina; fa mihevera izay onony araka ny haben’ny finoana izay nozarain’Andriamanitra ho anareo avy.

Romana 15:5

Fa Andriamanitry ny faharetana sy ny fiononana anie hampiray hevitra anareo araka an’i Kristy Jesosy,

Romana 6:2

Sanatria izany! Hataontsika izay efa maty ny amin’ny ota ahoana no mbola ho velona ao aminy ihany?

1Korintiana 1:10

Mananatra anareo aho, ry rahalahy, amin’ny anaran’i Jesosy Kristy Tompontsika, mba hiray teny ianareo rehetra ka tsy hisy fisarahana eo aminareo, fa mba ho tafakambana tsara ka hiray saina sy hevitra.

1Korintiana 3:18

Aza misy mamita-tena. Raha misy eo aminareo milaza azy ho hendry amin’izao tontolo izao dia aoka ho adala izy mba ho tonga hendry.

1Korintiana 4:10

Izahay dia adala noho ny amin’i Kristy fa ianareo no hendry ao amin’i Kristy! Izahay dia malemy fa ianareo no mahery! Ianareo dia manan-daza fa izahay no mavomavo!

1Korintiana 6:5

Ny hampahamenatra anareo no itenenako izany. Hay ve dia tsy mba misy olon-kendry na dia iray akory aza, izay mahay mandamina ny adin’ny rahalahiny eo aminareo?

1Korintiana 8:2

Fa raha misy mihevitra ny tenany ho mahalala zavatra dia tsy mbola mahalala araka izay tokony ho fantany akory izy.

2Korintiana 13:11

Farany, ry rahalahy, mifalia, miezaha ho tanteraka, mifampahereza, miraisa saina, mihavàna; ary Andriamanitry ny fitiavana sy ny fiadanana ho aminareo.

Filipiana 1:27

Izao ihany no teniko: Aoka ny fitondrantenanareo ho mendrika ny Filazantsaran’i Kristy ka na ho tonga hahita anareo aho na tsy ho tonga dia handre ny momba anareo, fa maharitra amin’ny fanahy iray ianareo ka miray fo hiara-miezaka hampandroso ny finoana ny Filazantsara,

Filipiana 3:16

Kanefa aoka ho amin’ilay efa azontsika sahady no mbola hizorantsika.

Filipiana 4:2

Mananatra an’i Eodia aho ary mananatra an’i Sintike mba hiray saina ao amin’ny Tompo izy ireo.

Hebreo 13:5

Aoka tsy ho amin’ny fitiavam-bola ny toe-tsainareo, fa mianìna amin’izay anananareo; fa hoy Izy: «Izaho tsy handao anao mihitsy na hahafoy anao akory» (Jos 1.5).

1Petera 3:8

Farany, miraisa saina ianareo rehetra ka miaraha ory, mifankatiava tahaka ny mpirahalahy, mifamindrà fo, manetre tena.

1Petera 5:3

tsy ho mpanjakazaka amin’ny anjara fiandrasana fa ho fianaran’ny ondry.

3Jaona 1:9

Nanoratra tamin’ny fiangonana ihany aho; nefa i Diotrefa, izay te ho lohany, dia tsy mba mandray anay.