Joda 1:16 - Baiboly Protestanta Malagasy 2011

¹⁶ Ireo dia mpimonomonona sy mpimenomenona, olona mandeha araka ny filany; ny vavany dia manao teny miavonavona tafahoatra, ary mandoka olona mba hahazoany zavatra.

DIEM PROTESTANTA

¹⁶ Ireo mpampianatra sandoka ireo dia mpimonomonona sy mpimoimoy lava, sady miaina araka ny filàndratsiny no miavonavom-piteny, ka mandoka olona mba hahazoany tombon-tsoa.

Dikateny Iombonana Eto Madagasikara

¹⁶ Ireo mpampianatra sandoka ireo dia mpimonomonona sy mpimoimoy lava, sady miaina araka ny filàndratsiny no miavonavom-piteny, ka mandoka olona mba hahazoany tombon-tsoa.

Baiboly Katolika

¹⁶ Olona mpimonjomonjo lava izy ireo, tsy mionona amin’ny anjarany na oviana na oviana, manaraka ny danin’ny kibony hatrany hatrany, miavonavom-piteny izaitsizy, ary mandoka ny sasany mba hahazoany vola.

Baiboly Protestanta Malagasy

¹⁶ Ireo dia mpimonomonona sy mpimoimoy, mandeha araka ny filany (ary ny vavany manao teny miavonavona loatra) ka mandoka olona mba hahazoany zavatra.

Malagasy Bible

¹⁶ Ireo dia mpimonomonona sy mpimoimoy, mandeha araka ny filany (ary ny vavany manao teny miavonavona loatra) ka mandoka olona mba hahazoany zavatra.

La Bible en Malgache

¹⁶ Ireo dia mpimonomonona sy mpimenomenona, olona mandeha araka ny filany; ny vavany dia manao teny miavonavona tafahoatra, ary mandoka olona mba hahazoany zavatra.

Joda 1:16 Rohy Ifampitohizana

Joba 32:21

Tsy hizaha tavan’olona akory aho ary tsy handrobo olona.

Joba 34:19

Tsy mizaha ny tavan’ny lehibe Izy ary tsy manaja ny ambony mihoatra noho ny ambany satria samy asan’ny tanany avokoa izy rehetra.

Salamo 106:25

fa nimonomonona tany an-dainy ka tsy nihaino ny feon’NY TOMPO.

Salamo 15:4

Tsy manaja ny ratsy fanahy izy fa manome voninahitra ny matahotra NY TOMPO; tsy mivadika amin’ny fianianany izy na dia maningotra ny tenany aza.

Salamo 17:10

Mihidy ao anatin’ny taviny izy, teny miavonavona no aloaky ny vavany.

Salamo 73:8

Manazimbazimba izy ka miresaka fampahoriana sy fanaovana an-keriny; avo vava izy;

Ohabolana 28:21

Tsy mety ny mizaha tavan’olona; fa na dia amin’ny sombin-kanina ihany aza dia sahin’ny olona hanotana.

Isaia 29:24

ny fanahy diso lalana dia mbola hahazo fahalalana, ary izay mimonomonona dia mbola hahazo lesona hampahendry azy.

Levitikosy 19:15

Aza manao izay tsy marina amin’ny fitsarana; aza miandany foana amin’ny mahantra, na mena-maso ny lehibe; fahamarinana no hitsaranao ny namanao.

Nomery 14:36

Ary ireo lehilahy izay nirahin’i Mosesy hisafo ny tany, dia izay niverina ka nahatonga ny fiangonana manontolo himonomonona tamin’i Mosesy, satria nilaza ratsy ny tany izy,

Nomery 16:11

Izany no niraisanao hevitra tamin’ny namanao rehetra mba hikomy amin’NY TOMPO! Fa i Arona moa no inona no imonomononanareo?

Lioka 15:2

Dia nimonomonona ny Fariseo sy ny mpanoradalàna ka niteny hoe: Mandray ny mpanota Ilehio ka miara-misakafo aminy.

Lioka 19:7

Ary raha nahita izany ny rehetra dia nimonomonona ka niteny hoe: Lasa nandeha hiantrano amin’izay lehilahy mpanota Izy.

Lioka 5:30

Fa ny Fariseo sy ny mpanoradalàna izay teo aminy dia nimonomonona tamin’ny mpianatr’i Jesosy hoe: Nahoana ianareo no miara-mihinana sy misotro amin’ny mpamory hetra sy ny mpanota?

Jaona 6:41

Dia nimonomonona tamin’i Jesosy ny Jiosy satria Izy nilaza hoe: Izaho no mofo izay nidina avy tany an-danitra.

Jaona 6:61

Ary fantatr’i Jesosy tao am-pony fa nimonomonona ny amin’izany ny mpianany, koa hoy Izy tamin’izy ireo: Mahatafintohina anareo va izany?

1Korintiana 10:10

Aoka tsy himonomonona ianareo tahaka ny sasany tamin-dry zareo, izay matin’ny mpandringana.

Galatiana 5:16

Hoy kosa aho: Mandehana araka ny Fanahy dia tsy hahatanteraka ny filan’ny nofo ianareo.

Galatiana 5:24

Fa izay an’i Kristy Jesosy dia efa nanombo ny nofony mbamin’ny faniriany sy ny filany teo amin’ny hazofijaliana.

Deoteronomia 1:27

Dia nimonomonona tao an-dainareo ianareo hoe: Halan’NY TOMPO isika, ary izany no nitondrany antsika niala avy tany Ejipta mba hanolorany antsika eo an-tanan’ny Amorita ka handringanany antsika.

Filipiana 2:14

Ataovy amin’ny tsy fimonomononana sy ny tsy fisalasalana ny zavatra rehetra

1Tesaloniana 4:5

tsy amin’ny filana fotsiny, tahaka ny Jentilisa izay tsy mahalala an’Andriamanitra;

1Timoty 6:5

fifandirana lalandava, fanaon’ny olona ratsy saina sady efa nialan’ny fahamarinana, manao ny toe-panahy araka an’Andriamanitra ho fahazoana tombontsoa.

2Timoty 4:3

Fa ho avy ny andro izay tsy hahazakan’ny olona ny fampianarana tsy misy kilema; fa hangidihidy sofina izy dia hamory mpampianatra ho azy araka ny filany;

1Petera 1:14

Tahaka ny zanaka manoa, dia aza mitondra tena araka ny filanareo fahiny tamin’ny tsy fahalalanareo;

1Petera 2:11

Ry malala, mananatra anareo aho, satria vahiny sy mpivahiny ianareo, fadio ny filan’ny nofo, fa miady amin’ny fanahy ireny.

1Petera 4:2

mba tsy handanianareo ny andro sisa iainanareo amin’ny nofo araka ny filan’ny olona intsony, fa araka ny sitrapon’Andriamanitra.

2Petera 2:10

indrindra fa izay mandeha araka ny fitarihan’ny nofo hila zava-mahaloto ka manamavo ny manana fahamboniana. Ireo dia olona sahisahy, mitompo teny fantatra sady tsy matahotra hiteny ratsy ny manana voninahitra.

2Petera 2:18

Fa mandoka fatratra ny zava-poana izy ireny ka ireo izay vao mba nandositra niala tamin’ireo diso lalana indray no taominy ho amin’ny filan’ny nofo sy ny fanaranam-po;

2Petera 3:3

Fa fantatrareo voalohany indrindra fa amin’ny andro farany dia hisy mpaniratsira avy haniratsira, mandeha araka ny filany

Joda 1:15

hanao fitsarana amin’ny rehetra sy hampiaiky ny olona rehetra ny asan’ny haratsiam-panahy rehetra, izay nataony tamin’ny haratsiam-panahiny sy ny teny henjana rehetra izay nanoheran’ny mpanota ratsy fanahy Azy.»

Joda 1:18

Fa efa nilaza taminareo izy hoe: Amin’ny andro farany dia hisy mpaniratsira, mandeha araka ny filany sy ny haratsiam-panahiny.