Jeremia 3:12 - Baiboly Protestanta Malagasy 2011

¹² Mandehana ka torio manatrika ny avaratra izao teny izao hoe: Miverena ianao, ry Israely mpikomy, hoy NY TOMPO; tsy hampanjombona ny tavako aminareo Aho, fa mamindra fo Aho, hoy NY TOMPO, ka tsy hitahiry fahatezerana mandrakizay.

DIEM PROTESTANTA

¹² Koa mandehana ambarao any avaratra any izao hafatra izao hoe: Miverena, ry Israely mpiodina, hoy ny teny hentitry ny TOMPO; fa tsy hanao tarehy ratsy aminao Aho, satria entanim-pitiavana, fa tsy mitahiry hatezerana maharitra.

Dikateny Iombonana Eto Madagasikara

¹² Koa mandehana ambarao any avaratra any izao hafatra izao hoe: Miverena, ry Israely mpiodina, hoy ny teny hentitry ny TOMPO; fa tsy hanao tarehy ratsy aminao Aho, satria entanim-pitiavana, fa tsy mitahiry hatezerana maharitra.

Baiboly Katolika

¹² Koa mandehana, ary ireto teny ireto ataovy amin’ny feo avo, amin’ny lafiny avaratra ka lazao hoe: Miverena, ry Israely mpiodina, - teny marin’i Iaveh - Tsy sitrako ny hanenjan-tava aminareo, fa mamindra fo Aho - teny marin’i Iaveh - ka tsy mitahiry fahatezerana mandrakizay.

Baiboly Protestanta Malagasy

¹² Mandehana, ka torio manatrika ny avaratra izao teny izao hoe: Miverena hianao, ry Isiraely mpiodina, hoy Jehovah; Tsy hampanjombona ny tavako aminareo Aho; Fa mamindra fo Aho, hoy Jehovah, Ka tsy hitahiry fahatezerana mandrakizay.

Malagasy Bible

¹² Mandehana, ka torio manatrika ny avaratra izao teny izao hoe: Miverena ianao, ry Isiraely mpiodina, hoy Jehovah; Tsy hampanjombona ny tavako aminareo Aho; Fa mamindra fo Aho, hoy Jehovah, ka tsy hitahiry fahatezerana mandrakizay.

La Bible en Malgache

¹² Mandehana ka torio manatrika ny avaratra izao teny izao hoe: Miverena ianao, ry Israely mpikomy, hoy NY TOMPO; tsy hampanjombona ny tavako aminareo Aho, fa mamindra fo Aho, hoy NY TOMPO, ka tsy hitahiry fahatezerana mandrakizay.

Jeremia 3:12 Rohy Ifampitohizana

Genesisy 4:7

Raha tsara ny ataonao, moa tsy ho miramirana va ianao? Fa raha tsy tsara kosa ny ataonao dia mamitsaka eo am-baravarana ny ota; ary ianao no kendren’ny faniriany, kanefa ianao no tokony hanapaka aminy!

2Mpanjaka 15:29

Tamin’ny andron’i Peka, mpanjakan’ny Israely, dia tonga i Tiglato-Pilesera, mpanjakan’i Asiria, ka nahazo an’Iona sy i Abela-Bety-Maka, i Janoa, i Kadesy, i Hazora, i Gileada ary i Galilia, dia ny tanin’ny Naftaly manontolo; izy no nandefa ny olona ho babo tany Asiria.

2Mpanjaka 17:23

hany ka noesorin’NY TOMPO tsy ho eo anatrehany ny Israely, araka izay nampilazainy ny mpaminany mpanompony rehetra. Dia lasan-ko babo niala tamin’ny taniny ho any Asiria ny Israely ary mbola any mandraka androany.

2Mpanjaka 17:6

Tamin’ny taona fahasivy nanjakan’i Hosea no nahazoan’ny mpanjakan’i Asiria an’i Samaria, dia nalefany ho babo tany Asiria ny Israely ka namponeniny tao Hala sy teo amoron’i Habora na ny onin’i Gozana, ary teny amin’ny tanànan’ny Mediana.

2Mpanjaka 18:1

Tamin’ny taona fahatelo nanjakan’i Hosea, zanak’i Elaha, mpanjakan’ny Israely, no nanomboka nanjaka i Hezekia, zanak’i Ahaza, mpanjakan’ny Joda.

2Tantara 29:10

Koa efa ato am-poko ny hanao fanekena amin’NY TOMPO, Andriamanitry ny Israely, mba hiala amintsika ny fahatezerany mirehitra.

2Tantara 30:9

Fa raha miverina amin’NY TOMPO ianareo dia hahazo famindrampo eo anatrehan’izay nitondra ny rahalahinareo sy ny zanakareo ho babo ka ho tafaverina amin’ity tany ity; fa miantra sy mamindra fo NY TOMPO Andriamanitrareo, ary tsy mba hiamboho anareo Izy raha miverina Aminy ianareo.

Salamo 103:17

Fa ny famindrampon’NY TOMPO dia hatramin’ny taloha indrindra ka ho mandrakizay amin’izay matahotra Azy ary mihatra amin’ny taranaka ny fahamarinany,

Salamo 103:8

Mamindra fo sy miantra NY TOMPO, mahari-po sady be famindrampo.

Salamo 103:9

Tsy mifandahatra mandrakariva Izy, na mitahiry fahatezerana mandrakizay.

Salamo 145:8

Mamindra fo sy miantra NY TOMPO, mahari-po sady be famindrampo Izy.

Salamo 79:5

Mandra-pahoviana, TOMPO ô, no hanontolo fo Ianao ka hirehitra tahaka ny afo ny fahasaro-piaronao?

Salamo 86:15

Nefa Ianao, Tompo ô, dia Andriamanitra mamindra fo sy miantra, mahari-po sady be famindrampo sy fahamarinana.

Salamo 86:5

Ianao, Tompo ô, no tsara sady mamela heloka ary be famindrampo amin’izay rehetra miantso Anao.

Ohabolana 28:13

Izay manafina ny fahotany dia tsy hambinina, fa izay mitsotra ka mahafoy azy no hahazo famindrampo.

Isaia 31:6

Koa miverena ho amin’Izay efa nikomianareo fatratra ry Zanak’Israely ô!

Isaia 44:22

Efa nandevona ny fahadisoanao tahaka ny fandevona ny zavona Aho, ary ny fahotanao tahaka ny rahona; koa miverena Amiko fa efa nanavotra anao Aho.

Jeremia 11:6

Ary hoy NY TOMPO tamiko: Torio any an-tanànan’ny Joda sy any an-dalamben’i Jerosalema izany teny rehetra izany ka lazao hoe: Henoy ny tenin’izao fanekena izao ary ankatoavy izany.

Jeremia 12:15

Nefa nony efa voaongotra izy dia hamindra fo aminy indray Aho ka samy hoentiko mody any amin’ny lovany sy ny taniny avy indray izy.

Jeremia 23:8

Fa izao kosa: Raha velona koa NY TOMPO izay nitondra ny taranak’Israely niakatra sady nitarika azy avy tany amin’ny tany avaratra sy avy tany amin’ny tany rehetra izay nandroahako azy; dia honina ao amin’ny taniny izy.

Jeremia 3:1

Raha misy lehilahy misao-bady, ary efa miala Ravehivavy ka lasa vadin’olon-kafa, moa mahazo miverina aminy indray va Ralehilahy? Tsy haloto tokoa va izany tany izany? Fa ianao dia efa nijangajanga tamin-tsakaiza maro, moa hahazo miverina Amiko indray va ianao? Hoy NY TOMPO.

Jeremia 3:14

Miverena, ry zaza mpikomy, hoy NY TOMPO, fa Izaho ihany no Tomponareo. Hakako iray isan-tanàna ianareo ary roa isam-pokony ka hoentiko ho any Ziona.

Jeremia 3:18

Amin’izany andro izany, ny taranak’i Joda sy ny taranak’Israely, dia hiara-mandeha ka hiara-tonga avy any amin’ny tany avaratra izy, ho any amin’ny tany nomeko ny razanareo ho lovany.

Jeremia 3:22

Miverena ianareo, ry zaza mpikomy, fa hositraniko ny fikomianareo. Indreto, manatona Anao izahay, fa Ianao, RY TOMPO, no Andriamanitray.

Jeremia 3:5

Ho tezitra mandrakizay va Izy? Hitahiry fahatezerana hatramin’ny farany va Izy? Indro, efa niteny toy izany ianao, nefa nanao izany ratsy izany ihany ka nahatanteraka izany.

Jeremia 3:7

Nataoko fa hiverina Amiko izy rehefa avy nanao izany rehetra izany, kanjo tsy niverina izy. Ary i Joda mpivadika rahavaviny dia nahita izany.

Jeremia 30:11

Fa momba anao Aho mba hamonjy anao, hoy NY TOMPO; koa na dia levoniko aza ny firenena rehetra izay nampielezako anao dia tsy mba holevoniko kosa ianao; nefa kosa mba hanariko araka ny onony ihany ianao, fa tsy dia havelako fotsiny amin’izao.

Jeremia 31:20

Zanako mahafinaritra va i Efraima, zanaka malalako va izy, no dia fatra-pahatsiaro azy Aho isaky ny miresaka ny aminy? Noho izany dia onena azy ny foko; hamindra fo aminy tokoa Aho, hoy NY TOMPO.

Jeremia 31:21

Manangàna famantaran-dalana ho anao ianao, manorena tsangambato; saino tsara ny lalana efa voavoatra, dia ilay lalana efa nalehanao; miverena indray, ry Israely virijiny, miverena indray ho amin’ireto tanànanao ireto.

Jeremia 31:8

Indro, hitondra azy avy any amin’ny tany avaratra Aho ary hanangona azy avy any amin’ny faran’ny tany, dia samy ho eny aminy avokoa na ny jamba, na ny mandringa, na izay bevohoka, na izay mihetsi-jaza; vahoaka marobe no hiverina atỳ.

Jeremia 33:26

dia hariako ny taranak’i Jakoba sy i Davida mpanompoko ka ny taranany tsy mba hanalako ho mpanapaka ny taranak’i Abrahama sy Isaka ary i Jakoba; fa hampodiko avy amin’ny fahababoana izy ka hamindrako fo.

Jeremia 4:1

Raha hiverina ianao, ry Israely, dia miverena Amiko, hoy NY TOMPO; ary raha hanaisotra ny fahavetavetanao tsy ho eo imasoko ianao ka tsy hivezivezy foana,

Fitomaniana 3:22

Ny famindrampon’NY TOMPO no tsy nahalany ritra antsika satria tsy mitsahatra ny fiantrany.

Ezekiela 11:17

Koa lazao hoe: Izao no lazain’NY TOMPO Andriamanitra: Hovoriko avy any amin’ny firenena ianareo ary hangoniko avy any amin’ny tany izay nampielezana anareo ka homeko ny tanin’ny Israely.

Ezekiela 33:11

Lazao aminy hoe: Raha velona koa Aho, hoy NY TOMPO Andriamanitra dia tsy sitrako ny hahafatesan’ny ratsy fanahy, fa ny hialan’ny ratsy fanahy amin’ny lalany mba ho velona izy. Mialà, mialà amin’ny lalanareo ratsy, fa nahoana no te ho faty ianareo, ry taranak’Israely?

Ezekiela 39:25

Koa izao no lazain’NY TOMPO Andriamanitra: Ankehitriny dia haveriko ho toy ny teo aloha i Jakoba, ary hamindrako fo ny taranak’Israely rehetra; ary hiseho ho saro-piaro noho ny amin’ny anarako masina Aho.

Hosea 6:1

Andeha hiverina amin’NY TOMPO isika! Fa Izy no namiravira nefa Izy ihany no hahasitrana antsika. Izy no namely nefa Izy no hamehy ny ferintsika.

Levitikosy 26:40

Dia hiaiky ny helony sy ny heloky ny razany izy ireo, dia ny fahadisoana izay vitany tamiko tamin’ny nanoherany Ahy,

Zakaria 1:4

Aza mba toy ny razanareo izay nantsoin’ny mpaminany fahiny hoe: Izao no lazain’Andriamanitra, Tompon’izao rehetra izao: Mialà amin’ny lalan-dratsinareo sy amin’ny ratsy fanaonareo ianareo! Nefa tsy nankatò na nihaino Ahy izy, hoy NY TOMPO.

Deoteronomia 30:2

ka miverina amin’NY TOMPO Andriamanitrao sy mihaino ny feony amin’ny fonao manontolo sy ny fanahinao manontolo, araka izay rehetra andidiako anao sy ny zanakao anio,