Jeremia 1:16 - Baiboly Protestanta Malagasy 2011

¹⁶ Ary hifandahatra aminy Aho noho ny haratsiany rehetra, dia ny nahafoizany Ahy sy ny nandoroany ditin-kazo manitra ho an’ny andriamanitra hafa ary ny niankohofany teo anatrehan’ny asan’ny tanany.

DIEM PROTESTANTA

¹⁶ Havoakako ny didim-pitsarana hamelezana ny mponin’ity tany ity noho ny ratsy rehetra izay nataony: nandao Ahy izy ka nanao sorona ho an’ireo andriamani-kafa, dia ny andriamanitra asan-tanany izay ivavahany!

Dikateny Iombonana Eto Madagasikara

¹⁶ Havoakako ny didim-pitsarana hamelezana ny mponin’ity tany ity noho ny ratsy rehetra izay nataony: nandao Ahy izy ka nanao sorona ho an’ireo andriamani-kafa, dia ny andriamanitra asan-tanany izay ivavahany!

Baiboly Katolika

¹⁶ Dia hamoaka ny didim-pitsarana hanameloka azy ireo Aho, noho ny haratsiany rehetra, fa nandao Ahy izy ireo, dia nanolotra emboka tamin’andriamani-kafa, ary nivavaka tamin’ny asan-tanany.

Baiboly Protestanta Malagasy

¹⁶ Ary hifandahatra aminy Aho noho ny haratsiany rehetra, dia ny nahafoizany Ahy sy ny nandoroany ditin-kazo manitra ho an’ny andriamani-kafa ary ny niankohofany teo anatrehan’ny asan’ny tànany.

Malagasy Bible

¹⁶ Ary hifandahatra aminy Aho noho ny haratsiany rehetra, dia ny nahafoizany Ahy sy ny nandoroany ditin-kazo manitra ho an'ny andriamani-kafa ary ny niankohofany teo anatrehan'ny asan'ny tànany.

La Bible en Malgache

¹⁶ Ary hifandahatra aminy Aho noho ny haratsiany rehetra, dia ny nahafoizany Ahy sy ny nandoroany ditin-kazo manitra ho an’ny andriamanitra hafa ary ny niankohofany teo anatrehan’ny asan’ny tanany.

Jeremia 1:16 Rohy Ifampitohizana

2Mpanjaka 22:17

Satria nahafoy Ahy izy ary nandoro ditin-kazo manitra tamin’izay andriamanitra hafa ka nampahatezitra Ahy tamin’izay rehetra nataon’ny tanany, dia mirehitra amin’ity tanàna ity ny fahatezerako ka tsy ho maty vonoina.

2Tantara 15:2

nandeha hitsena an’i Asa izy ka niteny taminy hoe: Mihainoa ahy, ry Asa mbamin’ny Joda sy ny Benjamina rehetra: Momba anareo NY TOMPO raha momba Azy ianareo; ary raha mitady Azy ianareo dia hahita Azy; fa raha mahafoy Azy kosa ianareo dia hahafoy anareo Izy.

2Tantara 28:2

fa nandeha tamin’ny lalan’ireo mpanjakan’ny Israely sady nanao sarin-javatra voarendrika ho an’ireo Baala koa.

2Tantara 34:25

Satria nahafoy Ahy izy ary nandoro ditin-kazo manitra ho an’ireo andriamanitra hafa sady nampahatezitra Ahy tamin’izay rehetra nataon’ny tanany, dia haidina amin’ity tanàna ity ny fahatezerako ka tsy ho maty vonoina.

2Tantara 7:19

Fa raha mivily kosa ianareo ka mahafoy ny didiko sy ny lalànako, izay nataoko teo anoloanareo, ka mandeha manompo andriamanitra hafa sy miankohoka eo anatrehany,

Isaia 2:8

Feno andriamanitra tsy izy ny taniny; eo anatrehan’ny asan’ny tanany no iankohofany, dia eo anoloan’izay nataon’ny rantsantanany;

Isaia 37:19

ary efa nariany tao anaty afo ny andriamaniny; tsy Andriamanitra akory mantsy ireny, fa asan’ny tanan’olona ihany, dia hazo sy vato, ka azony nosimbana.

Isaia 44:15

Fanaovan’ny olona kitay izany ary analany hamindroany. Ampirehetiny izany mba hanendasany mofo sady anaovany andriamanitra ka ivavahany; eny, anaovany sarin-javatra voasokitra koa izany ka iankohofany.

Isaia 65:3

firenena izay nahatezitra Ahy mandrakariva na dia eo imasoko aza, izay mamono zavatra hatao fanatitra eny amin’ny tanimboly, ary mandoro ditin-kazo manitra eny ambonin’ny biriky;

Jeremia 10:15

Zava-poana ireny, dia asan-tanana mahatsikaiky sy tsinontsinona; amin’ny andro hamaliana azy dia ho levona izy.

Jeremia 10:3

Fa ny fanaon’ny firenen-kafa dia zava-poana; hazo nokapaina tany an’ala ireny, asan-tanan’ny mpahay taozavatra amin’ny famaky;

Jeremia 11:12

Dia handeha ny tanànan’ny Joda sy ny mponina any Jerosalema ka hitaraina amin’ireny andriamaniny izay efa nandoroany ditin-kazo manitra ireny; nefa tsy hahavonjy azy akory ireny amin’ny andro fahoriany.

Jeremia 11:17

Fa Andriamanitra, Tompon’izao rehetra izao, izay namboly anao, no nanambara ny loza hanjo anao, noho ny ratsy nataon’ny taranak’Israely sy ny taranak’i Joda, izay nahavoa ny tenany ka nahatezitra Ahy, dia tamin’ny nandoroany ditin-kazo manitra ho an’ny Baala.

Jeremia 15:6

Ianao efa nahafoy Ahy sady efa nihemotra, hoy NY TOMPO; koa atsotrako kosa ny tanako hamely anao, ary efa mandringana anao Aho satria efa sasatra ny manenina.

Jeremia 16:11

Dia lazao aminy hoe: Noho ny nahafoizan’ny razanareo Ahy, hoy NY TOMPO, noho ny nanarahany andriamanitra hafa, noho ny nanompoany azy sy ny niankohofany teo anatrehany ary ny nahafoizany Ahy sy ny tsy nitandremany ny lalànako.

Jeremia 17:13

Ry TOMPO, fanantenan’ny Israely ô! Ho menatra izay rehetra mahafoy Anao ary hosoratana amin’ny vovoka izay miala Aminao satria efa nahafoy NY TOMPO, loharano velona izy.

Jeremia 18:15

Fa efa nanadino Ahy ny oloko, koa ho an’ny sampy no nandoroany ditin-kazo manitra; ary nahatafintohina azy teo amin’ny lalany ireny, dia ny lalana efa hatramin’ny fahagola ka nandehanany amin’ny sakeli-dalana madinika, dia amin’ny lalana tsy voavoatra.

Jeremia 19:4

satria efa nahafoy Ahy izy ka nahatonga ity tanàna ity ho hafahafa, fa nandoro ditin-kazo manitra tato ho an’ny andriamanitra hafa izay tsy fantany akory, ary tsy fantatry ny razany, na ny mpanjakan’ny Joda izy. Efa nameno ity tanàna ity tamin’ny ran’ny tsy manan-tsiny izy

Jeremia 2:13

Fa zava-dratsy roa loha no nataon’ny oloko: Efa nahafoy Ahy, loharano velona, izy ka nihady lavaka famorian-drano ho an’ny tenany, nefa lavaka mitriatriatra tsy mahatan-drano.

Jeremia 2:17

Moa tsy ny nahafoizanao NY TOMPO Andriamanitrao tamin’ny andro nitondrany anao teny an-dalana va no nahatonga izany taminao?

Jeremia 2:19

Ny haratsianao no anafaizana anao, ary ny fikomianao no ananarana anao; koa fantaro sy hevero fa ratsy sady mangidy ny nahafoizanao NY TOMPO Andriamanitrao sy ny tsy nisian’ny tahotrao Ahy, Hoy NY TOMPO, Andriamanitra Tompon’izao rehetra izao.

Jeremia 2:28

Fa aiza ireny andriamanitrao izay nataonao ho anao ireny? Aoka hitsangana ireny raha mahavonjy anao amin’ny andro fahorianao; fa araka ny isan’ny tanànanao, ry Joda, no isan’ny andriamanitrao.

Jeremia 4:12

Fa izany dia rivotra mahery izay nirahiko avy amin’ireny, ary ankehitriny kosa dia hifandahatra aminy Aho.

Jeremia 4:28

Noho izany dia hisaona ny tany ary ho tonga mainty ny lanitra ambony satria efa niteny izany Aho, sady efa nikasa izany ka tsy hanenina na hanatsoaka izany.

Jeremia 44:17

Fa hotanterahinay tokoa ny teny rehetra izay naloaky ny vavanay, dia ny handoro ditin-kazo manitra ho an’ny mpanjakavavin’ny lanitra sy ny hanidina fanatitra aidina ho azy, toy ny efa nataonay sy ny razanay sy ny mpanjakanay ary ny mpanapaka anay tany amin’ny tanànan’ny Joda sy teny amin’ny lalamben’i Jerosalema; fa fahizany dia voky hanina izahay sady nambinina ary tsy nahita loza.

Jeremia 5:29

Tsy hampamoahiko amin’izany va izy? Hoy NY TOMPO; tsy hanamparako ny fahatezerako va ny firenena toy izany?

Jeremia 5:9

Tsy hovaliko va izy amin’izany? Hoy NY TOMPO; ary tsy hanamparako ny fahatezerako va ny firenena toy izany?

Jeremia 51:17

Efa kentrina avokoa ny olona rehetra ka tsy manam-pahalalana; menatra ny mpanefy volamena rehetra noho ny amin’ny sarin-javatra voasokitra; fa fitaka ny sarin-javatra voarendrika satria tsy misy fofonaina ao aminy.

Jeremia 7:17

Tsy hitanao va ny ataon’ireo any an-tanànan’ny Joda sy any an-dalamben’i Jerosalema?

Jeremia 7:18

Manangona kitay ny ankizy, mandrehitra afo ny rainy, ary mametafeta ny koba hatao mofo ho an’ny mpanjakavavin’ny lanitra ny vehivavy. Manolotra fanatitra aidina ho an’ny andriamanitra hafa izy ireo mba hampahasosotra Ahy.

Jeremia 7:9

Hay! Hangalatra sy hamono olona ary hijangajanga va ianareo ary hianian-tsy to sy handoro ditin-kazo manitra ho an’ny Baala sady hanaraka andriamanitra hafa izay tsy fantatrareo?

Ezekiela 16:18

Nalainao koa ny fitafianao misoratsoratra ka natafinao ireo; ary ny menako sy ny ditin-kazo manitro dia napetrakao teo anoloany.

Ezekiela 24:14

Izaho TOMPO no niteny; ho tonga izany ary hataoko; tsy hiahotrahotra Aho, na hiantra, na hanenina. Araka ny lalanao sy ny asanao no hitsarana anao, hoy NY TOMPO Andriamanitra.

Hosea 11:2

Nony nisy niantso azy dia vao mainka izy nandositra ireny; ho an’ireo Baala no namonoany zavatra hatao fanatitra ary ho an’ny sarin-javatra voasokitra no nandoroany ditin-kazo manitra.

Hosea 8:6

Fa avy tamin’ny Israely ireny; mpahay taozavatra no nanao azy ka tsy andriamanitra io! Ho torotoro ny ombilahikelin’i Samaria.

Joela 2:11

Ary NY TOMPO mahatonga kotroka eo alohan’ny miaramilany; fa lehibe indrindra ny tobiny ary mahery izay manatanteraka ny teniny; fa lehibe ny Andron’NY TOMPO sady mahatahotra indrindra, koa iza no mahatanty izany?

Asan’ny Apostoly 7:41

Dia nanao ombilahy kely izy tamin’izany andro izany ary nanolotra fanatitra tamin’ny sampy ka niravoravo tamin’ny asan’ny tanany.

Deoteronomia 28:20

Halefan’NY TOMPO aminao ny ozona, dia horohoro sy fampitahorana amin’izay rehetra ataon’ny tananao, mandra-paharinganao sy mandra-pahalaninao haingana noho ny faharatsian’ny nataonao tamin’ny nahafoizanao Ahy.

Deoteronomia 31:16

Ary hoy NY TOMPO tamin’i Mosesy: Indro, hodimandry any amin’ny razanao ianao; ary hitsangana ity firenena ity ka hijangajanga hanaraka ny andriamanitra hafa any amin’ny tany izay efa hidirany honenana, dia hahafoy Ahy izy ka hivadika ny fanekena nataoko taminy.

Josoa 24:20

Raha mahafoy NY TOMPO ianareo ka manompo andriamanitra hafa dia hiverina Izy ka hampahory anareo sy hahafongana anareo rehefa avy nanisy soa anareo.

Apokalipsy 9:20

Nefa ny olona sisa izay tsy matin’ireo loza ireo, dia tsy nibebaka niala tamin’ny asan’ny tanany; tsy nitsahatra nivavaka tamin’ny demonia sy ny sampy volamena sy volafotsy sy varahina sy vato ary hazo, izay tsy mahita, na mahare, na afa-mamindra, izy;