Isaia 40:31 - Baiboly Protestanta Malagasy 2011

³¹ fa izay manantena NY TOMPO kosa dia mahazo hery vao. Elatra no hiakarany tahaka ny voromahery; hihazakazaka izy, nefa tsy ho sasatra, handeha izy, nefa tsy ho reraka.

DIEM PROTESTANTA

³¹ Fa izay matoky ny TOMPO kosa dia hahazo hery vaovao hatrany, ka hisidina ambony toy ny voromahery. Hihazakazaka izy nefa tsy ho sasatra, handeha izy nefa tsy ho reraka.

Dikateny Iombonana Eto Madagasikara

³¹ Fa izay matoky ny TOMPO kosa dia hahazo hery vaovao hatrany, ka hisidina ambony toy ny voromahery. Hihazakazaka izy nefa tsy ho sasatra, handeha izy nefa tsy ho reraka.

Baiboly Katolika

³¹ Fa izay miankina amin’i Iaveh kosa, mahazo hery vaovao; hisidina avo toy ny voromahery; hihazakazaka, tsy hahalala sasatra; handeha fa tsy hahatsiaro vizana.

Baiboly Protestanta Malagasy

³¹ Fa izay miandry an’i Jehovah dia mandroso hery kosa; Elatra no hiakarany tahaka ny voromahery; Hihazakazaka izy, nefa tsy ho sasatra; Handeha izy, nefa tsy ho reraka.

Malagasy Bible

³¹ Fa izay miandry an'i Jehovah dia mandroso hery kosa; Elatra no hiakarany tahaka ny voromahery; Hihazakazaka izy, nefa tsy ho sasatra; Handeha izy, nefa tsy ho reraka.

La Bible en Malgache

³¹ fa izay manantena NY TOMPO kosa dia mahazo hery vao. Elatra no hiakarany tahaka ny voromahery; hihazakazaka izy, nefa tsy ho sasatra, handeha izy, nefa tsy ho reraka.

Isaia 40:31 Rohy Ifampitohizana

Joba 17:9

Fa ny marina dia mifikitra tsara amin’ny alehany ary izay madio tanana no hitombo hery.

Salamo 103:5

izay mamoky zava-tsoa anao; mihavao toy ny an’ny voromahery ny fahatanoranao.

Salamo 123:2

Indro, toy ny fijerin’ny mpanompolahy ny tanan’ny tompolahiny, ary toy ny fijerin’ny mpanompovavy ny tanan’ny tompovaviny, no fijerintsika NY TOMPO Andriamanitsika, mandra-pamindrany fo amintsika.

Salamo 138:3

Tamin’ny andro nitarainako dia namaly ahy Ianao; nomenao fahasahiana aho ka nahazo hery ny fanahiko.

Salamo 20:9

TOMPO ô, vonjeo ny mpanjaka! Hamaly anay anie izy amin’izay andro iantsoanay Azy!

Salamo 25:21

Aoka ny tsy fananan-tsiny sy ny fahitsiana no hiaro ahy fa manantena Anao aho!

Salamo 25:3

Eny, tsy hisy hitsanga-menatra izay rehetra manantena Anao, fa izay mivadika foana no ho menatra.

Salamo 25:5

Tariho amin’ny fahamarinanao aho ka ampianaro, fa Ianao no Andriamanitry ny famonjena ahy; Ianao no andrasako mandritra ny andro.

Salamo 37:34

Miandrasa NY TOMPO ka tandremo ny lalany dia hanandratra anao handova ny tany Izy; ho faly ianao hahita ny hamongorana ny ratsy fanahy.

Salamo 40:1

Niandry fatratra NY TOMPO aho dia niondrika nitsinjo ahy Izy ka nandre ny fitarainako.

Salamo 84:7

Mitombo hery eny am-pandehanana izy; samy miseho eo anatrehan’Andriamanitra any Ziona izy rehetra.

Salamo 84:8

RY TOMPO, Andriamanitra Tompon’izao rehetra izao ô, henoy ny vavaka ataoko! Mandrenesa, ry Andriamanitr’i Jakoba ô! Fiatoana.

Salamo 92:1

Tsara ny midera NY TOMPO sy ny hankalaza ny anaranao, ry Avo Indrindra ô,

Salamo 92:13

Nambolena tao amin’ny tranon’NY TOMPO izy ka maniry eo an-kianjan’Andriamanitsika;

Eksodosy 19:4

Ianareo dia efa nahita izay nataoko tamin’ny Ejiptiana sy izay nitondrako anareo tamin’ny elatry ny voromahery ary ny nitondrako anareo ho atỳ Amiko.

Ohabolana 30:19

Ny lalan’ny voromahery eny amin’ny habakabaka, ny dian’ny bibilava eny amin’ny vatolampy, ny dian’ny sambo eny amin’ny ranomasina, ary ny dian’ny lehilahy mankany amin’ny tovovavy.

Tononkiran’i Solomona 8:5

Iza moa irỳ vehivavy miakatra avy any an-tany efitra, mitehina amin’ny malalany? Teo ambanin’ny hazo paoma no namohazako anao; teo no niterahan’ny reninao anao, eny, teo no nahararian’ilay niteraka anao.

Isaia 25:9

Holazaina amin’izany andro izany hoe: Indro Andriamanitsika izay nantenaintsika hamonjy antsika. Indro NY TOMPO izay nandrasantsika, koa aoka isika hifaly sady hiravoravo amin’ny famonjeny!

Isaia 30:15

Fa izao no lazain’ny Tompo, dia NY TOMPO, ny Iray Masin’ny Israely: Amin’ny fiverenana sy ny fitsaharana no hamonjena anareo, amin’ny fahanginana sy ny fahatokiana no hisian’ny herinareo. Nefa tsy nety ianareo!

Isaia 30:18

Koa mbola hiandry ny hamindrany fo aminareo NY TOMPO, ary mbola hisandratra Izy mba hiantra anareo. Fa Andriamanitry ny fahamarinana NY TOMPO; sambatra izay rehetra miandry Azy!

Isaia 41:1

Mangìna ianareo hihaino Ahy, ry nosy! Ary aoka hanavao ny heriny ny firenena; aoka hanatona izy ka hiteny! Andeha isika hifanatona eo amin’ny fitsarana.

Isaia 64:4

Mitsena izay mifaly hanao ny marina Ianao dia izay mahatsiaro Anao amin’ny lalanao; Indro, tezitra Ianao, ary hita fa meloka izahay; fa tamin’ireo lalana fahiny no namonjena anay.

Isaia 8:17

Hiandry NY TOMPO izay manafina ny tavany amin’ny taranak’i Jakoba aho; hanantena Azy ihany aho.

Jeremia 48:15

Rava i Moaba, fa ny tanànany dia efa levon’ny setroka ary nidina ho any amin’ny famonoana ny zatovony voafantina, hoy ny Mpanjaka, dia Andriamanitra, Tompon’izao rehetra izao no anarany.

Zakaria 10:12

Dia hampahereziko ao amin’NY TOMPO izy ka amin’ny anarany no handehanany, hoy NY TOMPO.

Lioka 18:1

Ary nilaza fanoharana tamin’izy ireo Jesosy, ny amin’ny tokony hivavahany mandrakariva ka tsy ho reraka,

Romana 8:25

Fa raha manantena izay tsy mbola hitantsika isika dia miandry amin’ny faharetana.

2Korintiana 4:1

Ary amin’izany, satria manana izany fanompoana izany izahay, araka ny nahazoanay famindrampo, dia tsy very ny fahasahianay.

2Korintiana 4:16

Ary tsy ketraka izahay; fa na dia mihalevona aza ny toetranay ivelany, dia havaozina isanandro isanandro kosa ny toetranay anatiny.

Galatiana 6:9

Aza mba ketraka amin’ny fanaovan-tsoa isika; fa amin’ny fotoanany no hijinjantsika raha tsy kivy isika.

Deoteronomia 32:11

toy ny voromahery manaitra ny ao amin’ny akaniny ka manomba eo ambonin’ny zanany; dia toy izany no namelarany ny elany sy nandraisany azy ary nitondrany azy teo ambonin’ny elany,

Deoteronomia 33:25

Ho vy sy varahina ny hidinao; ary hifamatra amin’ny andronao ny fiadananao.

1Tesaloniana 1:10

ary mba hiandry ny Zanany avy any an-danitra, izay natsangany tamin’ny maty, dia Jesosy izay mpanafaka antsika amin’ny fahatezerana ho avy.

Hebreo 12:1

Koa amin’izany, satria misy vavolombelona maro be toy izany manodidina antsika toy ny rahona, dia aoka isika koa hanaisotra izay rehetra mitambesatra amintsika mbamin’ny ota izay malaky mahazo antsika; ary aoka isika hihazakazaka amin’ny faharetana, amin’izao fihazakazahana napetraka eo anoloantsika izao,

Hebreo 12:3

Fa hevero tsara ilay niaritra ny fanoherana nataon’ny mpanota Taminy, fandrao ho ketraka ianareo ka ho reraka ny fanahinareo.

Josoa 14:11

Nefa mbola matanjaka ihany aho izao tahaka ny tamin’ny andro nanirahan’i Mosesy ahy: Tahaka ny tanjako tamin’izany ihany no mbola tanjako ankehitriny, na hivoaka hiady na hiverina.

Apokalipsy 12:14

Ary ilay vehivavy dia nomena ny elatra roa an’ny voromahery lehibe mba hanidinany ho any an-tany efitra, ho any amin’ny toerany izay hamelomana azy fetrandro iray sy fetrandro roa ary antsasaky ny fetrandro, mba tsy ho hitan’ilay menarana izy.

Apokalipsy 2:3

Manana faharetana ianao ka niaritra noho ny anarako sady tsy reraka.

Apokalipsy 4:7

Ny zavamananaina voalohany dia tahaka ny liona, ny zavamananaina faharoa dia tahaka ny zanak’omby, ny zavamananaina fahatelo dia manana tava tahaka ny tavan’olona ary ny zavamananaina fahefatra dia tahaka ny voromahery manidina.

Mpitsara 16:28

Ary niantso NY TOMPO i Samsona hoe: TOMPO Andriamanitra ô, mifona aminao aho, tsarovy aho ka ampaherezo izao indray mandeha izao monja, ry Andriamanitra ô, hanaovako indray mamaly ny Filistina noho ny masoko roa!