Hosea 4:12 - Baiboly Protestanta Malagasy 2011

¹² Mila saina amin’ny tapa-kazony ny oloko ary ny tehiny no miteny aminy; fa ny fanahim-pijangajangana no nampania azy; mijangajanga izy ka manalavitra an’Andriamaniny.

DIEM PROTESTANTA

¹² Mila saina amin’ny tapa-kazony ny oloko; ary ny tehiny no manoro hevitra azy. Fa rivotry ny fivarotan-tena no mitsoka eo aminy ka mampania azy. Koa dia lasa nivaro-tena niala tamin’Andriamaniny izy.

Dikateny Iombonana Eto Madagasikara

¹² Mila saina amin’ny tapa-kazony ny oloko; ary ny tehiny no manoro hevitra azy. Fa rivotry ny fivarotan-tena no mitsoka eo aminy ka mampania azy. Koa dia lasa nivaro-tena niala tamin’Andriamaniny izy.

Baiboly Katolika

¹² Ny tapa-kazony no ilàn’ny vahoakako saina, ary ny tehiny no manoro azy ny ho avy, fa misy saim-pijangajangana nampania, ny vahoakako, ary lasa nijangajanga nanalavitra ny Andriamaniny.

Baiboly Protestanta Malagasy

¹² Ny oloko dia mila saina amin’ny tapa-kazony, Ary ny tehiny no manambara aminy; Fa ny fanahim-pijangajangana no nampania azy, Ary lasan-ko janga izy ka tsy manaiky an’Andriamaniny.

Malagasy Bible

¹² Ny oloko dia mila saina amin'ny tapa-kazony, ary ny tehiny no manambara aminy; Fa ny fanahim-pijangajangana no nampania azy, ary lasan-ko janga izy ka tsy manaiky an'Andriamaniny.

La Bible en Malgache

¹² Mila saina amin’ny tapa-kazony ny oloko ary ny tehiny no miteny aminy; fa ny fanahim-pijangajangana no nampania azy; mijangajanga izy ka manalavitra an’Andriamaniny.

Hosea 4:12 Rohy Ifampitohizana

2Mpanjaka 17:7

Ny nahatongavan’izany dia noho ny nanotan’ny Zanak’Israely tamin’NY TOMPO Andriamaniny izay nitondra azy nivoaka avy tany amin’ny tany Ejipta ka nanafaka azy tamin’ny tanan’ny farao, mpanjakan’i Ejipta, satria natahotra izay andriamanitra hafa izy.

2Tantara 21:13

fa nandeha tamin’ny lalan’ireo mpanjakan’ny Israely kosa ianao ka nampijangajanga ny Joda sy ny mponina any Jerosalema toy ny fijangajangan’ny taranak’i Ahaba, sady novonoinao koa ny rahalahinao nateraky ny rainao, izay tsara noho ianao,

Salamo 106:39

Naloto tamin’ny asany izy ary nahatonga azy ho nijangajanga ny nataony.

Salamo 73:27

Fa indro, very izay lavitra Anao; aringanao izay rehetra mijangajanga mahafoy Anao.

Jeremia 10:8

Fa kentrina sy adala avokoa izy rehetra. E! Zava-poana ny fampianarany fa tapa-kazo ihany izany.

Jeremia 2:27

dia izay miteny amin’ny tapa-kazo hoe: Ianao no raiko, ary amin’ny vato hoe: Ianao no niteraka ahy. Fa niamboho Ahy izy ka tsy nanatrika ny tavako; nefa amin’ny andro fahoriany dia hiteny indray izy hoe: Mitsangàna ka vonjeo izahay!

Jeremia 23:13

Ary tamin’ny mpaminanin’i Samaria no nahitako zavatra mahaloiloy: Naminany tamin’ny Baala izy ka nampivily ny Israely oloko.

Ezekiela 20:32

Tsy ho tanteraka mihitsy ny eritreritra ao an-tsainareo hoe: Ho tahaka ny Jentilisa izahay, dia tahaka ny foko any amin’ny tany samihafa ka hanao fanompoam-pivavahana ho an’ny vato aman-kazo.

Ezekiela 21:21

Miomàna ka mandrosoa eo ankavanana ianao, mijoroa ka mandrosoa eo ankavia, amin’izay voatendry hamelezanao na aiza na aiza!

Hosea 14:3

Mitondrà teny ianareo, eny, miverena amin’NY TOMPO ka mitenena Aminy hoe: Mamelà ny heloka rehetra ary raiso izay tsara! Dia hatolotray ho fanatitra ny molotray ho solon’ny vantotra ombilahy.

Hosea 5:4

Tsy avelan’ny ataony hiverina amin’Andriamanitra izy satria ny fanahim-pijangajangana no ao anatiny ary tsy mahalala NY TOMPO izy.

Hosea 6:10

Tao amin’ny taranak’Israely no nahitako zavatra mahatsiravina; ao no nijangajangan’i Efraima sy naha voaloto an’Israely.

Hosea 9:1

Aza mifaly ry Israely, aza faly loatra toy ny firenena hafa, fa efa nijangajanga niala tamin’Andriamanitrao ianao, sady efa tia karama maloto teny am-pamoloana rehetra teny!

Levitikosy 17:7

Tsy hanolotra intsony ny fanatiny ho an’ny Seìrima izay nijangajangany izy. Ho lalàna maharitra amin’ny taranany fara aman-dimby izany.

Levitikosy 20:5

dia hifanandrina amin’io olona io sy ny ankohonany ny tavako ka haringako tsy ho eo amin’ny fireneny izy mbamin’izay rehetra mijangajanga manaraka azy hijangajanga amin’i Moloka.

Mika 2:11

Raha misy manaraka ny rivotra sy ny lainga ka mandainga hoe: Hitoriteny aminao ny amin’ny divay sy ny zava-mahamamo aho dia izy no ho mpitoriteny ho an’ity firenena ity.

Habakoka 2:19

Lozan’izay miteny amin’ny hazo hoe: Mifohaza! Ary amin’ny vato moana hoe: Mitsangàna! Hampianatra va ireo? E! voapetaka takelaka volamena sy volafotsy ihany izy, nefa tsy misy fanahy akory ao anatiny.

Nomery 15:39

Ho toy izany ny morontongotr’akanjonareo, koa rehefa jerenareo izany dia hotsarovanareo sy hankatoavinareo ny didin’NY TOMPO rehetra; ary tsy handeha araka ny fonareo ianareo, na araka ny masonareo, izay andehananareo hijangajangana.

Deoteronomia 31:16

Ary hoy NY TOMPO tamin’i Mosesy: Indro, hodimandry any amin’ny razanao ianao; ary hitsangana ity firenena ity ka hijangajanga hanaraka ny andriamanitra hafa any amin’ny tany izay efa hidirany honenana, dia hahafoy Ahy izy ka hivadika ny fanekena nataoko taminy.

Mpitsara 18:5

Hoy izy ireo taminy: Miangavy anao izahay, manontania amin’Andriamanitra hahafantaranay na hambinina amin’ny lalana alehanay izahay na tsia.