Hebreo 2:3 - Baiboly Protestanta Malagasy 2011

³ dia hataontsika ahoana no fandositra, raha tsy mitandrina izao famonjena lehibe izao isika, dia ny famonjena izay nampilazaina ny Tompo tamin’ny voalohany, ary izay nandre dia nanamafy izany tamintsika kosa,

DIEM PROTESTANTA

³ ka hataontsika ahoana no fandositra, raha tsy raharahaintsika ny famonjen-dehibe toy izany? Ny Tompo mihitsy no efa nitory voalohany izany famonjena izany, ary nohamafisin’ireo izay nandre mba ho fanasoavana antsika.

Dikateny Iombonana Eto Madagasikara

³ ka hataontsika ahoana no fandositra, raha tsy raharahaintsika ny famonjen-dehibe toy izany? Ny Tompo mihitsy no efa nitory voalohany izany famonjena izany, ary nohamafisin’ireo izay nandre mba ho fanasoavana antsika.

Baiboly Katolika

³ hataontsika ahoana no fandositra raha tsy asiantsika raharaha ny famonjena lehibe toy izany, izay nambaran’ny Tenan’ny Tompo aloha, ka izay nandre taminy no nanorina azy mafy tamintsika,

Baiboly Protestanta Malagasy

³ hataontsika ahoana no fandositra, raha tsy mitandrina izao famonjena lehibe izao isika? dia ilay nampilazaina ny Tompo tamin’ny voalohany, ary nohamafin’izay nandre tamintsika kosa,

Malagasy Bible

³ hataontsika ahoana no fandositra, raha tsy mitandrina izao famonjena lehibe izao isika? dia ilay nampilazaina ny Tompo tamin'ny voalohany, ary nohamafin'izay nandre tamintsika kosa,

La Bible en Malgache

³ dia hataontsika ahoana no fandositra, raha tsy mitandrina izao famonjena lehibe izao isika, dia ny famonjena izay nampilazaina ny Tompo tamin’ny voalohany, ary izay nandre dia nanamafy izany tamintsika kosa,

Hebreo 2:3 Rohy Ifampitohizana

Isaia 12:2

Indro, Andriamanitra no famonjena ahy; hatoky aho fa tsy mba hatahotra. Satria NY TOMPO, NY TOMPO no tanjako sy heriko, fa efa famonjena ahy Izy.

Isaia 20:6

Amin’izany andro izany dia hiteny ny mponina etỳ amoron-dranomasina hoe: E, ity manjo ilay nantenaintsika sady nandosirantsika mba hamonjy antsika ho afaka amin’ny mpanjakan’i Asiria! Aiza intsony re no handosirantsika?

Isaia 51:5

Akaiky ny fahamarinako, efa hiseho ny famonjeko, ary ny sandriko no hitsara ny firenena; Izaho no antenain’ny nosy, ary ny sandriko no andrasany.

Isaia 51:8

Fa hihinana azy tahaka ny fihinany ny lamba ny kalalao ary ny lolo fotsy dia hihinana azy tahaka ny fihinany ny volon’ondry; fa haharitra mandrakizay ny fahamarinako ary ny famonjeko dia hihatra amin’ny taranaka fara aman-dimby.

Isaia 62:11

Indro, efa nanambara hatrany amin’ny faran’izao tontolo izao NY TOMPO hoe: Lazao amin’i Ziona zanakavavy: Indro avy ny famonjena anao; indro ny valim-pitia hatolony dia miaraka Aminy, ary ny valin’asa homeny dia eo anoloany.

Ezekiela 17:15

Nikomy taminy anefa izy ireo ka nandefa iraka hankany Ejipta mba hanome soavaly sy olona maro azy. Moa hambinina va izy? Ho afa-mandositra va izay manao toy izany? Nivadika ny fanekena izy ka ho afa-mandositra va?

Ezekiela 17:18

Fa nanamavo ny fianianana izy tamin’ny nivadihany ny fanekena, fa e! Efa nanaiky izy, kanefa dia izany rehetra izany no nataony ka tsy ho afa-mandositra izy!

Matio 23:33

Ry bibilava, ry taranaky ny menarana! Hataonareo ahoana no fandositra ny fanamelohana ho any amin’ny afobe?

Matio 4:17

Tamin’izany andro izany no nanomboka nitoriteny Jesosy ka nilaza hoe: Mibebaha ianareo fa efa akaiky ny fanjakan’ny lanitra.

Marka 1:14

Rehefa voasambotra i Jaona dia nankany Galilia Jesosy nitory ny Filazantsaran’Andriamanitra

Lioka 1:2

araka izay efa natolotra antsika avy tamin’ireo vavolombelona nahita maso hatramin’ny voalohany sady efa tonga mpanompon’ny Teny,

Lioka 1:69

ary nanangana tandro-pamonjena ho antsika ao amin’ny taranak’i Davida mpanompony Izy,

Lioka 24:19

Fa hoy Izy taminy: Zavatra inona moa izany? Ary hoy izy roa lahy taminy: Ny amin’i Jesosy avy any Nazareta, mpaminany mahery tamin’ny asa sy ny teny teo anatrehan’Andriamanitra sy ny vahoaka rehetra,

Jaona 15:27

Ary ianareo koa dia ho vavolombelona hanambara satria ianareo dia efa teto Amiko hatramin’ny voalohany.

Asan’ny Apostoly 1:22

hatramin’ny andro nampiakarana Azy niala tamintsika, dia tokony hisy iray ho namantsika mba ho vavolombelon’ny nitsanganany.

Asan’ny Apostoly 2:22

Ry lehilahy Israelita, mihainoa izao teny izao: Jesosy avy any Nazareta, lehilahy nasehon’Andriamanitra teo aminareo tamin’ny asa lehibe sy ny fahagagana ary ny famantarana izay nampanaovin’Andriamanitra Azy teo aminareo, araka ny fantatrareo ihany,

Asan’ny Apostoly 4:12

Tsy misy famonjena avy amin’ny hafa na iza na iza; satria tsy misy anarana hafa ambanin’ny lanitra nomena ny olona izay hahazoantsika famonjena.

Romana 11:14

mba hisy hahazoako hampialona ireo iray ra amiko, mba hamonjeko ny sasany aminy.

Romana 2:3

Ary ianao, ry olona, izay mitsara ny manao izany, kanefa manao izany koa ny tenanao, moa heverinao va fa ho afa-mandositra ny fitsaran’Andriamanitra ianao?

1Korintiana 1:21

Satria, na dia naseho aza ny fahendren’Andriamanitra, ny fahendrena dia tsy nahatonga izao tontolo izao hahalala an’Andriamanitra, koa ny fahadalan’ny fitorian-teny no sitrak’Andriamanitra hamonjeny izay mino.

1Tesaloniana 5:3

Raha misy olona milaza hoe: Miadana sy mandry fehizay, dia hanjo azy tampoka ny fandringanana, toy ny fahararian’ny vehivavy raha miteraka ka tsy ho afa-mandositra mihitsy izy.

1Timoty 1:15

Mahatoky ka tokony hekena amin’ny fankasitrahana rehetra izao teny izao: Tonga tetỳ ambonin’ny tany Kristy Jesosy hamonjy ny mpanota, ary amin’ireny dia izaho no lohany.

Titosy 2:11

Fa efa miseho ny fahasoavan’Andriamanitra izay famonjena ny olona rehetra.

Hebreo 1:1

Rehefa nampitenenin’Andriamanitra tamin’ny razana fahiny ny mpaminany tamin’ny andro samihafa sy ny fanao samihafa

Hebreo 1:14

Tsy fanahy manompo va izy rehetra, irahina hanao fanompoana ho an’izay handova famonjena?

Hebreo 1:2

dia amin’izao andro farany izao kosa no nampitenenany tamintsika ny Zanany izay voatendriny ho mpandova ny zavatra rehetra; Izy no nahariany izao tontolo izao,

Hebreo 12:25

Tandremo mba tsy holavinareo izay miteny. Fa raha izy ireo dia tsy afa-nandositra tamin’ny nandavany ilay nilaza ny tenin’Andriamanitra taminy tetỳ ambonin’ny tany, mainka fa isika, raha miodina miala amin’ilay avy any an-danitra,

Hebreo 4:1

Koa na dia mbola misy teny fikasana fa hiditra any amin’ny fitsaharany aza isika dia aoka isika hatahotra, fandrao mba misy eo aminareo toa tsy mahatratra izany.

Hebreo 4:11

Koa aoka isika hazoto hiditra amin’izany fitsaharana izany, fandrao hisy olona ho latsaka amin’ny tsy finoana tahaka izany koa.

Hebreo 5:9

Ary rehefa nahatanteraka izany Izy dia tonga loharanon’ny famonjena mandrakizay ho an’izay rehetra mankatò Azy

Hebreo 9:28

dia tahaka izany koa Kristy, rehefa natolotra indray mandeha hitondra ny otan’ny maro dia hiseho fanindroany, tsy amin’ota, fa ho famonjena kosa amin’izay miandry Azy.

1Jaona 1:1

Izay efa hatramin’ny voalohany, dia izay efa renay, izay efa hitan’ny masonay, izay efa nojerenay sady efa notsapain’ny tananay, dia ny amin’ny Tenin’ny Fiainana,

Joda 1:17

Fa ianareo kosa, ry malala, dia tsarovinareo ny teny voalazan’ny Apostolin’i Jesosy Kristy Tompontsika fahiny.

Apokalipsy 7:10

ary niantso tamin’ny feo mahery hoe: Ny famonjena dia an’Andriamanitsika izay mipetraka eo ambonin’ny sezafiandrianana, sy an’ny Zanak’ondry!