Genesisy 8:1 - Baiboly Protestanta Malagasy 2011

¹ Ary Andriamanitra nahatsiaro an’i Noa mbamin’ny bibidia rehetra ary ny biby fiompy rehetra izay niara-nitoetra taminy tao anatin’ny sambofiara; ary Andriamanitra nampandalo rivotra nanerana ny tany ka nihena ny rano.

DIEM PROTESTANTA

¹ Rehefa afaka izany, dia notsarovan’Andriamanitra i Noà sy ny bibidia rehetra ary ny biby fiompy rehetra izay niaraka taminy tao anatin’ny sambofiara; ka nampandalo rivo-mahery teny ambonin’ny tany Izy, dia niharîtra ny rano.

Dikateny Iombonana Eto Madagasikara

¹ Rehefa afaka izany, dia notsarovan’Andriamanitra i Noà sy ny bibidia rehetra ary ny biby fiompy rehetra izay niaraka taminy tao anatin’ny sambofiara; ka nampandalo rivo-mahery teny ambonin’ny tany Izy, dia niharîtra ny rano.

Baiboly Katolika

¹ Ary Andriamanitra nahatsiaro an’i Nôe sy ny biby ary ny biby fiompy rehetra izay niaraka taminy tao an-tsambo fiara; ary Andriamanitra nandefa rivotra tamin’ny tany ary nihena ny rano;

Baiboly Protestanta Malagasy

¹ Ary Andriamanitra nahatsiaro an’i Noa mbamin’ny bibi-dia rehetra ary ny biby fiompy rehetra, izay niara-nitoetra taminy tao anatin’ny sambo-fiara; ary Andriamanitra nampandeha rivotra eran’ny tany, ka dia nihena ny rano.

Malagasy Bible

¹ Ary Andriamanitra nahatsiaro an'i Noa mbamin'ny bibi-dia rehetra ary ny biby fiompy rehetra, izay niara-nitoetra taminy tao anatin'ny sambo-fiara; ary Andriamanitra nampandeha rivotra eran'ny tany, ka dia nihena ny rano.

La Bible en Malgache

¹ Ary Andriamanitra nahatsiaro an’i Noa mbamin’ny bibidia rehetra ary ny biby fiompy rehetra izay niara-nitoetra taminy tao anatin’ny sambofiara; ary Andriamanitra nampandalo rivotra nanerana ny tany ka nihena ny rano.

Genesisy 8:1 Rohy Ifampitohizana

Genesisy 19:29

Tamin’ny nandravan’Andriamanitra ny tanàna tany amin’ny tany lemaka dia nahatsiaro an’i Abrahama Andriamanitra ka noentiny niala avy tao afovoan’ny loza i Lota, rehefa nandrava ny tanàna izay nonenan’i Lota izy.

Genesisy 30:22

Ary Andriamanitra nahatsiaro an’i Rahely ka nihaino azy ary nampanana anaka azy.

Genesisy 9:10

ary amin’ny zavamananaina rehetra eo aminareo, na ny vorona na ny biby fiompy na ny bibidia rehetra eo aminareo, izay rehetra nivoaka avy tao anatin’ny sambofiara, dia ny biby samihafa rehetra.

Nehemia 13:14

Tsarovy aho noho izany, ry Andriamanitro ô, ka aza kosehina ny soa nataoko tao amin’ny tranon’Andriamanitro sy ny amin’ny raharaha tokony hatao ao.

Nehemia 13:22

Ary nasaiko nanadio ny tenany ny levita ka ho avy hiambina eo am-bavahady mba hanamasinany ny andro Sabata. Tsarovy koa aho noho izany, ry Andriamanitro ô, ary iantrao aho araka ny haben’ny famindramponao.

Nehemia 13:29

Tsarovy ireo, ry Andriamanitro ô, noho ny nandotoany ny fisoronana; eny, ny faneken’ny fisoronana sy ny levita.

Nehemia 13:31

ary ny amin’ny fanaterana ny kitay hazo tamin’izay fotoanandrony sy ny voaloham-bokatra. Tsarovy aho ka hasoavy, ry Andriamanitro ô.

Joba 12:15

Indro, mihazona ny rano Izy dia ritra iny ary alefany indray ka manimba ny tany.

Joba 14:13

Enga anie ka hanafina ahy any amin’ny fitoeran’ny maty Ianao ka hanafina ahy mandra-pahafaka ny fahatezeranao ary hanendry fetrandro ho ahy ka hahatsiaro ahy.

Salamo 105:42

Fa nahatsiaro ny teniny masina sy i Abrahama mpanompony Izy.

Salamo 106:4

TOMPO ô, tsarovy aho araka ny fankasitrahanao ny olonao; vangio amin’ny famonjenao aho,

Salamo 115:12

Mahatsiaro antsika NY TOMPO ka mitahy; hitahy ny taranak’Israely Izy; hitahy ny taranak’i Arona Izy;

Salamo 132:1

TOMPO ô, tsarovy i Davida noho ny zavatra rehetra nanjo azy,

Salamo 136:23

Izay nahatsiaro antsika fony isika nohambaniana, fa mandrakizay ny famindrampony!

Salamo 137:7

TOMPO ô, tsarovy amin’ny taranak’i Edoma ny andron’i Jerosalema, dia ireo izay nilaza hoe: Ravao, ravao izy hatramin’ny fanorenany.

Salamo 29:10

NY TOMPO nipetraka teo ambonin’ny safodrano; eny, NY TOMPO mipetraka ho Mpanjaka mandrakizay.

Salamo 36:6

Ny fahamarinanao dia tahaka ny tendrombohitra avo dia avo, ny fitsaranao dia toy ny lalina lehibe. Ny olona sy ny biby dia samy vonjenao, TOMPO ô!

Eksodosy 14:21

Dia natsotran’i Mosesy teo ambonin’ny ranomasina ny tanany ka rivotra mahery avy any atsinanana no nampisavan’NY TOMPO ny ranomasina nandritra iny alina iny, ary nataony tany maina ny ranomasina sady voasaraka ny rano.

Eksodosy 15:10

Ny fofonainao no nitsofanao dia nanarona azy ny ranomasina; nilentika tahaka ny firaka ao anatin’ny rano mahery izy.

Eksodosy 2:24

Ary Andriamanitra nandre ny fitarainany. Ary Andriamanitra nahatsiaro ny fanekeny tamin’i Abrahama sy Isaka ary i Jakoba.

Ohabolana 25:23

Ny rivotra avy any avaratra no mahatonga ranonorana, dia toy izany ny lelan’ny mpifosa, mahavinitra endrika.

Isaia 44:27

Milaza amin’ny rano lalina Aho hoe: Aoka ho maina ianao; hataoko tankina ny oninao.

Jeremia 50:38

Ny fihantonan’ny andro no mahatankina ny ranony; fa tany be sarin-javatra voasokitra izy, ary mahalasa adala azy ny sampiny mahatahotra.

Amosa 8:7

NY TOMPO nianiana tamin’ny reharehan’i Jakoba hoe: Tsy hisy hohadinoiko mandrakizay ny asany na dia iray akory aza!

Jona 4:11

Koa moa va Aho tsy mba halahelo an’i Ninive, ilay tanàna lehibe, izay misy olona maherin’ny roa alina sy iray hetsy, izay tsy mahafantatra ny havanany sy ny haviany, sady be biby fiompy koa?

Nahoma 1:4

Miteny mafy ny ranomasina Izy ka mahatankina azy sady mandritra ny ony rehetra; malazo i Basana sy i Karmela ary malazo koa ny vonin’i Libanona.

Habakoka 3:2

TOMPO ô, efa reko ny filazana momba Anao ka raiki-tahotra aho, RY TOMPO. Tanteraho amin’ny fotoanany ny asanao; ataovy fantatra amin’ny fotoanany izany! Na dia tezitra aza Ianao dia tsarovy ny indrafonao!

Zakaria 10:11

Dia hamakivaky ny ranomasim-pahoriana izy; hamely ny onjan-dranomasina NY TOMPO. Ho ritra ny rano lalin’i Neily rehetra; haetry ny avonavon’i Asiria ary hesorina ny tehina fanapahan’i Ejipta.

Nomery 10:9

Ary raha misy ady eo amin’ny taninareo ka mandeha hiady amin’ny fahavalo izay mampahory anareo ianareo dia hitsoka ireo trompetra ireo ho fanairana ianareo dia hotsarovana eo anatrehan’NY TOMPO Andriamanitrareo ianareo ka hovonjena amin’ny fahavalonareo.

Nomery 22:32

Ary hoy ilay Anjelin’NY TOMPO taminy: Nahoana no nikapoka ny borikinao intelo ianao? Indro Aho no niainga mba hisakana anao satria hitako fa mivarina amin-doza ny lalanao.

Apokalipsy 16:19

Ary ny tanàna lehibe dia vaky ho telo toko ary rava ny tanànan’ny firenena maro; ary i Babilona lehibe dia notsarovana teo anatrehan’Andriamanitra mba homena azy ny kapoaky ny divain’ny firehetan’ny fahatezerany.

Apokalipsy 18:5

Fa ny fahotany dia nitehika hatrany amin’ny lanitra, ary Andriamanitra dia nahatsiaro ny ratsy nataony.

1Samoela 1:19

Ary nifoha vao maraina izy ireo ka nivavaka teo anatrehan’NY TOMPO, dia lasa nody ka tonga tao an-tranony tany Rama. Ary nahalala an’i Hana vadiny i Elkana ary NY TOMPO nahatsiaro azy.