Genesisy 39:2 - Baiboly Protestanta Malagasy 2011

² Ary NY TOMPO nomba an’i Josefa ka nambinina izy; nitoetra tao an-tranon’ilay Ejiptiana tompony izy.

DIEM PROTESTANTA

² Ary ny TOMPO nomba an’i Jôsefa izay nanjary lehilahy nambinina. Nitoetra tao an-tranon’ilay Ejiptianina tompony izy;

Dikateny Iombonana Eto Madagasikara

² Ary ny TOMPO nomba an’i Jôsefa izay nanjary lehilahy nambinina. Nitoetra tao an-tranon’ilay Ejiptianina tompony izy;

Baiboly Katolika

² Nomban’i Iaveh i Josefa, ka nahazoam-panambinana tamin’ny zavatra rehetra izy; nonina tao an-tranon’ny Ejiptianina tompony izy.

Baiboly Protestanta Malagasy

² Ary Jehovah nomba an’i Josefa, dia lehilahy nambinina izy; ary nitoetra tao an-tranon’ilay Egyptiana tompony izy.

Malagasy Bible

² Ary Jehovah nomba an'i Josefa, dia lehilahy nambinina izy; ary nitoetra tao an-tranon'ilay Egyptiana tompony izy.

La Bible en Malgache

² Ary NY TOMPO nomba an’i Josefa ka nambinina izy; nitoetra tao an-tranon’ilay Ejiptiana tompony izy.

Genesisy 39:2 Rohy Ifampitohizana

Genesisy 21:20

Ary nomban’Andriamanitra ny zaza ka nitombo; nonina tany an-tany efitra izy ka nony efa lehibe dia tonga mpandefa tsipìka.

Genesisy 21:22

Tamin’izany andro izany i Abimeleka sy i Pikola, komandin’ny miaramilany, dia niteny tamin’i Abrahama hoe: Omban’Andriamanitra ianao amin’izay rehetra ataonao.

Genesisy 26:24

Ary NY TOMPO niseho taminy tamin’iny alina iny ka niteny hoe: Izaho no Andriamanitr’i Abrahama rainao; aza matahotra fa momba anao Aho ka hitahy anao sy hahamaro ny taranakao, noho ny amin’i Abrahama mpanompoko.

Genesisy 26:28

Dia hoy izy ireo: Hitanay marimarina fa momba anao NY TOMPO, koa hoy izahay: Aoka samy hanao fianianana isika, dia izahay sy ianao, ary aoka izahay hanao fanekena aminao

Genesisy 28:15

Ary indro Aho momba anao ka hiaro anao amin’izay lalan-kalehanao rehetra ary hampody anao indray ho amin’ity tany ity. Tsy handao anao Aho mandra-pahatanterako izay voalazako taminao.

Genesisy 39:23

Tsy mba nikarakara na inona na inona intsony tamin’izay teo am-pelatanany ny mpiambina ny tranomaizina, satria NY TOMPO nomba an’i Josefa, ary izay nataony dia nambinin’NY TOMPO.

Genesisy 39:3

Dia hitan’ny tompony fa nomban’NY TOMPO izy satria izay rehetra nataony dia nampahombiazin’NY TOMPO.

2Mpanjaka 18:7

NY TOMPO nomba azy ka nambinina tamin’izay nalehany rehetra izy; nikomy tamin’ny mpanjakan’i Asiria izy ka tsy nanompo azy.

1Tantara 9:20

I Finehasa, zanak’i Eleazara, no mpanapaka ireo taloha, ary NY TOMPO nomba azy.

2Tantara 1:1

I Solomona, zanak’i Davida, dia nitombo hery tamin’ny fanjakany, ary NY TOMPO Andriamaniny nomba azy ka nanandratra azy ho ambony indrindra.

Salamo 1:3

Tahaka ny hazo ambolena eo amoron’ny rano velona izay mamoa amin’ny fotoanany izy; tsy mba malazo ny raviny ary ataony lavorary avokoa ny asany rehetra.

Salamo 46:11

Andriamanitra, Tompon’izao rehetra izao, no momba antsika, Andriamanitr’i Jakoba no fiarovana avo ho antsika. Fiatoana

Salamo 46:7

Andriamanitra, Tompon’izao rehetra izao, no momba antsika, Andriamanitr’i Jakoba no fiarovana avo ho antsika. Fiatoana

Salamo 91:15

Hiantso Ahy izy dia hamaly azy Aho; ho eo aminy Aho raha ory izy; hanafaka sy hanome voninahitra azy Aho.

Isaia 41:10

Aza matahotra ianao fa momba anao Aho; ary aza miherikerika foana fa Izaho no Andriamanitrao; mampahery anao Aho sady mamonjy anao; eny, mitantana anao amin’ny tanana ankavanan’ny fahamarinako Aho.

Isaia 43:2

Raha mita ny rano ianao dia homba anao Aho; raha mita ny ony ianao dia tsy hanafotra anao izy; raha mandeha mamakivaky ny afo ianao dia tsy ho may, fa tsy handoro anao ny lelafo.

Jeremia 15:20

Ary hataoko fefy varahina matevina ho fiarovana ity firenena ity ianao: Hiady aminao izy nefa tsy hahaleo anao; fa momba anao Aho mba hamonjy sy hanafaka anao, hoy NY TOMPO.

Matio 1:23

«Indro ny virijiny hitoe-jaza ka hiteraka zazalahy; ary ny anarany dia hataon’ny olona hoe: Imanoela» (Isa 7.14), izany hoe, raha adika: Amintsika Andriamanitra.

Asan’ny Apostoly 8:31

Hoy izy: Hataoko ahoana no fahay raha tsy misy mitari-dalana ahy? Dia nangataka an’i Filipo izy mba hiakatra sy hipetraka eo aminy.

1Timoty 6:1

Izay andevo rehetra eo ambanin’ny zioga dia aoka hanao ny tompony ho mendrika hohajaina tsara mba tsy hitenenana ratsy ny anaran’Andriamanitra sy ny fampianarana.

Josoa 1:5

Tsy hisy olona hahajanona eo anoloanao amin’ny andro rehetra hiainanao; tahaka ny nombako an’i Mosesy no hombako anao koa; tsy handao anao na hahafoy anao Aho.

Josoa 1:9

Tsy efa nandidy anao va Aho? Koa mahereza sy matanjaha, aza matahotra na mivadi-po fa momba anao NY TOMPO Andriamanitrao amin’izay rehetra alehanao.

Josoa 6:27

Ary NY TOMPO nomba an’i Josoa ka niely tamin’ny tany rehetra ny lazany.

1Samoela 16:18

Hoy ny iray tamin’ny zatovony: Indro, ny iray amin’ny zanak’i Jese betlehemita no hitako mahay mitendry, sady lehilahy mahery sy mpiantafika izy no mahay mandaha-teny sy tsara tarehy, ary NY TOMPO momba azy.

1Samoela 18:14

Ary nahomby tamin’izay rehetra nataony i Davida sady NY TOMPO nomba azy.

1Samoela 18:28

Ary nahita sy nahalala i Saoly fa NY TOMPO nomba an’i Davida; i Mikala zanakavavin’i Saoly koa moa dia tia azy.

1Samoela 3:19

Ary nitombo i Samoela sady nomba azy NY TOMPO ka tsy nisy navelany ho raraka an-tany ny teniny.