Genesisy 13:13 - Baiboly Protestanta Malagasy 2011

¹³ Ary ny mponina tao Sodoma dia tena ratsy fanahy sady tena mpanota teo imason’NY TOMPO.

DIEM PROTESTANTA

¹³ Ny mponina tao Sôdôma dia tena ratsy toetra sady nanota mafy tamin’ny TOMPO.

Dikateny Iombonana Eto Madagasikara

¹³ Ny mponina tao Sôdôma dia tena ratsy toetra sady nanota mafy tamin’ny TOMPO.

Baiboly Katolika

¹³ Ary ny mponina tany Sôdôma dia olon-dratsy sy mpanota indrindra tamin’i Iaveh.

Baiboly Protestanta Malagasy

¹³ Ary ny mponina tao Sodoma dia tena ratsy fanahy sady mpanota indrindra tamin’i Jehovah.

Malagasy Bible

¹³ Ary ny mponina tao Sodoma dia tena ratsy fanahy sady mpanota indrindra tamin'i Jehovah.

La Bible en Malgache

¹³ Ary ny mponina tao Sodoma dia tena ratsy fanahy sady tena mpanota teo imason’NY TOMPO.

Genesisy 13:13 Rohy Ifampitohizana

Genesisy 10:9

Mpihaza mahery teo anatrehan’NY TOMPO izy, koa izany no nanaovan’ny olona hoe: Tahaka an’i Nimroda, mpihaza mahery eo anatrehan’NY TOMPO.

Genesisy 15:16

Fa amin’ny andron’ny zafiafy dia hiverina atỳ izy ireo; satria mbola tsy feno ny heloky ny Amorita hatramin’izao.

Genesisy 18:20

Hoy ihany NY TOMPO: Ny fitarainana momba an’i Sodoma sy i Gomora dia be tokoa, ary ny fahotany dia tena mavesatra.

Genesisy 19:13

Fa horavanay ity tanàna ity satria lehibe loatra ny fitarainana momba azy ireo tonga eo anatrehan’NY TOMPO, koa naniraka anay NY TOMPO handrava azy.

Genesisy 38:7

Ratsy fanahy teo imason’NY TOMPO anefa i Era, lahimatoan’i Joda, ka novonoin’NY TOMPO.

Genesisy 39:9

Tsy misy lehibe noho izaho ato amin’ity trano ity, ary tsy misy zavatra narovany amiko afa-tsy ianao ihany satria vadiny ianao. Koa hataoko ahoana no hanao izany heloka lehibe izany ka hanota amin’Andriamanitra?

Genesisy 6:11

Ary feno fahalovana sy herisetra teo anatrehan’Andriamanitra ny tany.

2Mpanjaka 21:6

Ary ny zanany dia nampamakivakiny ny afo sady nanandro no nanao sikidy izy ary naka ny mpiantso ny fanahin’ny maty sy ny mpanandro; eny, tsy nitsahatra nanao izay ratsy teo imason’NY TOMPO izy ka nahatezitra Azy.

Isaia 1:9

Raha tsy Andriamanitra, Tompon’izao rehetra izao, no namela olona vitsivitsy tamintsika, dia efa tonga tahaka an’i Sodoma isika ary nitovy tamin’i Gomora.

Jeremia 23:14

Ary tamin’ny mpaminanin’i Jerosalema koa no nahitako zavatra mahatsiravina: Mijangajanga sy mandeha araka ny lainga izy sady mampahery ny tanan’ny mpanao ratsy ka samy tsy misy miala amin’ny faharatsiany avy; eny, izy rehetra, Amiko, dia tonga tahaka an’i Sodoma, ary ny mponina ao dia tonga tahaka an’i Gomora.

Jeremia 23:24

Moa misy olona afaka miafina any amin’ny toerana fierena va ka tsy ho hitako? Hoy NY TOMPO. Tsy manerana ny lanitra sy ny tany va Aho? Hoy NY TOMPO.

Nomery 32:23

Fa raha tsy hanao izany kosa ianareo dia manota amin’NY TOMPO; ary aoka ho fantatrareo fa hanody anareo ny fahotanareo.

Matio 9:10

Ary raha nipetraka nisakafo tao an-trano Izy dia indreo, nisy mpanota sy mpamory hetra maro tonga ka niara-nipetraka tamin’i Jesosy mbamin’ny mpianany.

Matio 9:13

Fa mandehana ka mianara izay hevitry ny teny hoe: «Famindrampo no sitrako fa tsy fanatitra alatsa-dra» (Hos 6.6); fa tsy tonga hiantso ny marina Aho fa ny mpanota.

Jaona 9:24

Dia niantso ilay jamba teo aloha indray izy ireo ka niteny taminy hoe: Omeo voninahitra Andriamanitra; izahay dia mahalala fa mpanota izany lehilahy izany.

Jaona 9:31

Fantatsika fa Andriamanitra tsy mihaino ny mpanota; fa izay mivavaka aminy sy manao ny sitrapony no henoiny.

Romana 1:27

toy izany koa ny lehilahy, namela ny fanao amin’ny vehivavy izy ka maimay tamin’ny fifampilany samy lehilahy; nifanao izay mahamenatra izy ireo ka nandray tao amin’ny tenany ihany ny valiny izay tokony ho azy noho ny fiviliany.

Hebreo 4:13

Ary tsy misy zavatra ary na inona na inona izay tsy miseho eo anatrehany; fa ny zavatra rehetra dia mihanjahanja sy aharihary eo imason’izay iafaran’ny ataontsika.

2Petera 2:10

indrindra fa izay mandeha araka ny fitarihan’ny nofo hila zava-mahaloto ka manamavo ny manana fahamboniana. Ireo dia olona sahisahy, mitompo teny fantatra sady tsy matahotra hiteny ratsy ny manana voninahitra.

Joda 1:7

Toy izany koa, i Sodoma sy i Gomora mbamin’ny tanàna nanodidina azy, izay nijangajanga tahaka azy koa ka lasa nanaraka nofo hafa, dia aseho ho fananarana ny fiaretany fijaliana amin’ny afo maharitra mandrakizay.

1Samoela 15:18

dia naniraka anao NY TOMPO ka niteny hoe: Mandehana ka ataovy zavatra voaozona avokoa ny Amalekita mpanota ary miadia aminy ambara-paharingany.

1Samoela 2:17

Koa lehibe indrindra ny helok’ireo zatovo ireo teo anatrehan’NY TOMPO satria namingavinga ny fanatitra ho an’NY TOMPO izy ireo.