Filipiana 4:8 - Baiboly Protestanta Malagasy 2011

⁸ Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona maha te ho tia, na inona na inona tsara laza, raha misy hatsaram-panahy ary raha misy dera, dia hevero izany.

DIEM PROTESTANTA

⁸ Farany, ry havana, aoka hoheverinareo izay zavatra tsara sy maha te hidera: dia izay rehetra marina, manan-kaja, ara-drariny, madio, mahatehotia ary tsara laza.

Dikateny Iombonana Eto Madagasikara

⁸ Farany, ry havana, aoka hoheverinareo izay zavatra tsara sy maha te hidera: dia izay rehetra marina, manan-kaja, ara-drariny, madio, mahatehotia ary tsara laza.

Baiboly Katolika

⁸ Farany, ry kristianina havana, na inona na inona marina, na inona na inona manan-kaja, na inona na inona rariny, na inona na inona madio, na inona na inona mahatehotia, na inona tsara laza, rehefa mety ho hatsaram-panahy, sy rehefa mety ho misy dera koa, dia aoka hoheverinareo izany.

Baiboly Protestanta Malagasy

⁸ Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona mahate-ho-tia, na inona na inona tsara laza, raha misy hatsaram-panahy, ary raha misy dera, dia hevero izany.

Malagasy Bible

⁸ Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona maha-te-ho-tia, na inona na inona tsara laza, raha misy hatsaram-panahy, ary raha misy dera, dia hevero izany.

La Bible en Malgache

⁸ Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona maha te ho tia, na inona na inona tsara laza, raha misy hatsaram-panahy ary raha misy dera, dia hevero izany.

Filipiana 4:8 Rohy Ifampitohizana

Genesisy 18:19

Fa nifidy azy Aho mba handidy ny zanany sy ny taranany mandimby azy hitandrina ny lalan’NY TOMPO ka hanao izay marina sy mahitsy izy ireo, dia hotanterahin’NY TOMPO amin’i Abrahama izay nolazainy momba azy.

2Samoela 1:23

I Saoly sy i Jonatana izay tiana sady maha te ho tia fony fahavelony dia tsy nosarahina na tamin’ny nahafatesany aza; haingam-pandeha noho ny voromahery izy ireo ary mahery noho ny liona.

2Samoela 23:3

Andriamanitry ny Israely milaza, eny, ny Vatolampin’ny Israely miteny amiko hoe: Indro ny mpanapaka ny olona; marina izy sady manapaka amin’ny fahatahorana an’Andriamanitra;

Salamo 82:2

Hatramin’ny oviana no mbola hanaovanareo fitsarana tsy marina ka hiangaranareo amin’ny ratsy fanahy? Fiatoana.

Ohabolana 11:1

Ny mizana mandainga dia fahavetavetana eo imason’NY TOMPO, fa ny vato marina no ankasitrahany.

Ohabolana 12:4

Ny vehivavy vanona dia satroboninahitry ny lahy, fa ny vehivavy manao izay mahamenatra kosa dia tahaka ny fahalovana ao anatin’ny taolana.

Ohabolana 16:11

An’NY TOMPO ny fandanjana sy ny mizana marina, andraikiny avokoa ny vatomizana rehetra.

Ohabolana 20:7

Ny olona marina dia mandeha amin’ny fahitsiany; sambatra ny zanany mandimby azy.

Ohabolana 31:10

Iza no mahita vehivavy mahafatra-po? Fa ny tombany dia mihoatra lavitra noho ny voahangy.

Ohabolana 31:29

Maro ny zazavavy nanao soa, fa manoatra noho izy rehetra ianao.

Ohabolana 31:31

Omeo azy ny avy amin’ny vokatry ny tanany ary aoka ny asany hidera azy eo am-bavahady!

Tononkiran’i Solomona 5:16

Mamy dia mamy ny vavany, eny, maha te ho tia avokoa ny aminy. Toy izany ny malalako, ary toy izany ny sakaizako, ry zanakavavin’i Jerosalema!

Isaia 26:7

Mahitsy ny lalan’ny marina; eny, Ianao izay mahitsy no manamora ny alehan’ny marina.

Matio 22:16

Koa naniraka ny mpianany mbamin’ny Herodiana hankeo aminy izy ireo ka niteny hoe: Mpampianatra ô, fantatray fa marina Ianao ka mampianatra marina ny lalànan’Andriamanitra ary tsy miahiahy olona satria tsy mba mizaha tavan’olona Ianao.

Marka 6:20

I Heroda dia natahotra an’i Jaona satria fantany fa lehilahy marina sy masina izy ka narovany. Rehefa nihaino an’i Jaona izy dia very hevitra be ihany; kanefa nihaino azy tamin’ny hafaliana koa izy.

Lioka 16:15

Dia hoy Jesosy taminy: Mpanamarin-tena eo anatrehan’ny olona ianareo, nefa Andriamanitra mahafantatra ny fonareo; fa izay zavatra heverin’ny olona ho ambony dia fahavetavetana eo anatrehan’Andriamanitra.

Lioka 2:25

Ary indro, nisy lehilahy iray antsoina hoe Simeona, tao Jerosalema; marina sady mpivavaka tsara io lehilahy io ka niandry ny fampiononana ny Israely; ary ny Fanahy Masina dia tao aminy.

Lioka 23:50

Ary indro, nisy lehilahy antsoina hoe Josefa, izay isan’ny mpanolotsaina tao amin’ny Sinedriona, lehilahy tsara fanahy sady marina.

Jaona 7:18

Izay miteny amin’ny fahefan’ny tenany dia mitady ny voninahitry ny tenany; fa izay mitady ny voninahitr’izay naniraka azy no marina, ary tsy misy tsy fahamarinana ao aminy.

Asan’ny Apostoly 10:22

Dia hoy ireo: I Kornelio kapiteny, lehilahy marina sady matahotra an’Andriamanitra ka tsara laza amin’ny firenen’ny Jiosy rehetra, dia efa notoroan’anjely masina hevitra hampaka anao ho any an-tranony sy hihaino teny avy aminao.

Asan’ny Apostoly 22:12

Ary ny lehilahy iray antsoina hoe Ananiasy, mpivavaka manaraka ny lalàna sady tsara laza teo amin’ny Jiosy rehetra izay nonina teo,

Asan’ny Apostoly 6:3

Koa araka izany, ry rahalahy, mifidiana fito lahy eo aminareo, izay tsara laza sady feno ny Fanahy sy fahendrena, mba hotendrenay hitandrina izany raharaha izany.

Romana 13:13

Aoka isika hitondra tena tsara toy ny amin’ny antoandro; tsy amin’ny filalaovan-dratsy na amin’ny fahamamoana, tsy amin’ny fijangajangana na amin’ny fitondrantena tsy mendrika, tsy amin’ny fifandirana na amin’ny fialonana.

Romana 13:3

Fa ny mpitondra dia tsy mba atahoran’izay manao ny tsara fa izay manao ny ratsy ihany. Ary ny tsy hatahotra ny fahefana va no tianao? Ataovy ary izay tsara dia hahazo dera avy aminy ianao,

Romana 14:18

Koa izay manompo an’i Kristy amin’izany zavatra izany no sitrak’Andriamanitra sy eken’ny olona fa tsara.

Romana 2:29

fa izay ao amin’ny miafina no maha Jiosy, ary ny famorana dia amin’ny fo, amin’ny fanahy fa tsy amin’ny soratra; koa ireny dia tsy mandray dera avy amin’ny olombelona fa avy amin’Andriamanitra.

1Korintiana 4:5

Koa amin’izany, aza mitsara na inona na inona alohan’ny fotoana, dia ny fiavian’ny Tompo, izay hampiharihary ny zavatra takona ao amin’ny maizina ka hampiseho ny fikasan’ny fo; dia samy hahazo izay dera sahaza azy avy amin’Andriamanitra ny tsirairay.

2Korintiana 13:7

Ary mangataka amin’Andriamanitra izahay mba tsy hanao izay ratsy ianareo, tsy ny hisehoanay ho olona voazaha toetra anefa fa ny mba hanaovanareo izay tsara, na dia ho toy ny olona nolavina aza izahay.

2Korintiana 6:8

amin’ny voninahitra sy ny fahafaham-boninahitra, amin’ny laza ratsy sy ny laza soa; tahaka ny mpamitaka nefa marina ihany;

2Korintiana 8:18

Ary ilay rahalahy izay re laza any amin’ny fiangonana rehetra noho ny amin’ny Filazantsara, io no nirahinay hiaraka aminy;

2Korintiana 8:21

koa mikatsaka ny hanao ny tsara izahay, tsy eo imason’ny Tompo ihany fa eny imason’ny olona koa.

Galatiana 5:22

Ny vokatry ny Fanahy kosa dia fitiavana, fifaliana, fiadanana, fahari-po, fahamoram-panahy, fanaovan-tsoa, finoana,

Efesiana 4:25

Noho izany dia esory ny lainga ka samia milaza ny marina amin’ny namany avy ianareo rehetra satria samy momba ny tenan’ny namantsika avokoa isika.

Efesiana 5:9

satria ny vokatry ny mazava dia ao amin’ny fahatsaram-panahy rehetra sy ny fahamarinana ary ny fahitsiana.

Efesiana 6:14

Mifahara ary ka misikìna fahamarinana. Mitafia ny rariny ho fiarovan-tratra,

Deoteronomia 16:20

Ny tena marina no harahinao, mba ho velona ianao ka handova ny tany izay omen’NY TOMPO Andriamanitrao anao.

Filipiana 3:1

Farany, ry rahalahy, mifalia ao amin’ny Tompo. Tsy manahirana ahy ny manoratra teny averina fa mahatsara anareo izany.

Kolosiana 4:5

Mandehana amin’ny fahendrena amin’izay eo ivelany, hararaoty ny fotoana.

1Tesaloniana 4:12

mba handehananareo amin’izay fitondrantena mahamendrika amin’ny eo ivelany ka tsy hiankina na amin’iza na amin’iza ianareo.

1Timoty 2:2

ho an’ny mpanjaka mbamin’izay rehetra manana fahefana, mba hiainantsika am-piadanana sy mandry fehizay amin’ny fahatahorana an’Andriamanitra sy ny fahamaotinana rehetra.

1Timoty 3:11

Ny vehivavy koa dia ho toy izany ihany, ho maotina, tsy mpanendrikendrika, mahonon-tena, mahatoky amin’ny zavatra rehetra.

1Timoty 3:4

mitondra tsara ny ankohonany, mampanaiky ny zanany amin’ny fahamaotinana tsara.

1Timoty 4:12

Aoka tsy hisy olona hanao tsinontsinona anao noho ny hatanoranao; fa aoka ho tonga fianarana ho an’ny mino ianao amin’ny fiteny, amin’ny fitondrantena, amin’ny fitiavana, amin’ny finoana, amin’ny fahadiovana.

1Timoty 5:10

Tsy maintsy tsara laza amin’ny asa tsara izy: Raha namelon-jaza, raha nampiantrano vahiny, raha nanasa ny tongotry ny olona masina, raha namonjy ny azom-pahoriana, raha nazoto nanatanteraka ny asa tsara rehetra.

1Timoty 5:2

ny vehivavy efa zokiolona toy ny reny ary ny tovovavy dia toy ny anabavy, amin’ny fahadiovana rehetra.

Titosy 1:8

fa mampiantrano vahiny, tia ny tsara, mahonon-tena, marina, masina, mahafehy tena,

Titosy 2:14

Nanolotra ny tenany hamonjy antsika Izy mba hanavotany antsika ho afaka amin’ny ota rehetra sy hanadiovany izay olona ho an’ny tenany sady ho mazoto indrindra amin’ny asa tsara.

Titosy 2:2

Anaro hahonon-tena ny lehilahy zokiolona, ho maotina, ho hendry ary hatanjaka amin’ny finoana, amin’ny fitiavana, amin’ny faharetana.

Titosy 2:7

amin’ny zavatra rehetra dia asehoy ny tenanao ho fianarana ny asa tsara, amin’ny fampianaranao madio sy maotina,

Titosy 3:14

Aoka koa ny olontsika hianatra hazoto amin’ny asa tsara mba hahazoany izay zavatra tena ilainy fa tsy mba ho isan’izay tsy mamokatra izy.

Hebreo 11:2

Fa izany no nahatsara laza ny Mpino taloha.

Hebreo 13:18

Mivavaha ho anay; satria matoky izahay fa manana fieritreretana tsara ka te hitondra tena tsara amin’ny zavatra rehetra.

Jakoba 1:27

Izao no fivavahana madio sady tsy misy loto eo anatrehan’Andriamanitra Ray: Ny mamangy ny kamboty sy ny mpitondratena amin’ny fahoriany ary ny miaro ny tena tsy hisy pentimpentina avy amin’izao tontolo izao.

Jakoba 3:17

Fa ny fahendrena izay avy any ambony dia, voalohany indrindra, madio, manaraka izany, tia fihavanana, mandefitra, mora alahatra, be famindrampo sy asa soa, tsy miangatra na mihatsaravelatsihy.

1Petera 1:22

Koa satria efa nodiovinareo ny fanahinareo tamin’ny fanarahana ny fahamarinana ho amin’ny fitiavan-drahalahy tsy mihatsaravelatsihy dia mifankatiava fatratra amin’ny fo madio.

1Petera 2:12

Aoka ho tsara ny fitondrantenanareo eo amin’ny Jentilisa, mba ho eo amin’izay anendrikendrehany anareo indrindra ho mpanao ratsy no hahitany ny asa tsara ataonareo ka hankalazany an’Andriamanitra amin’ny andron’ny famangiany.

1Petera 4:8

Ary mihoatra noho ny zavatra rehetra, mifankatiava tsara, fa «ny fitiavana no manarona fahotana maro» (Oha 10.12).

2Petera 3:1

Ry malala, ity no epistily faharoa soratako ho anareo ankehitriny, koa izy roa dia samy entiko hampifoha fahatsiarovana ao aminareo, amin’ny fisainana mazava,

1Jaona 3:18

Anaka, aoka tsy ho tia amin’ny teny na amin’ny lela isika, fa amin’ny asa sy amin’ny marina.

1Jaona 3:3

Ary izay rehetra manana izany fanantenana miorina Aminy izany dia manadio ny tenany mba hadio tahaka Azy.

1Jaona 4:1

Ry malala, aza mino ny fanahy rehetra, fa zahao toetra ny fanahy, na avy amin’Andriamanitra ireny na tsia, satria maro ny mpaminany sandoka efa lasa any amin’izao tontolo izao.

Rota 3:11

Koa ankehitriny anaka, aza matahotra; hataoko aminao izay rehetra angatahinao; fa fantatry ny fireneko rehetra eo an-tanàna fa vehivavy mendrika ianao.