Ezekiela 7:8 - Baiboly Protestanta Malagasy 2011

⁸ Vetivety foana dia hampidiniko aminao ny fahatezerako, ary hotanterahiko aminao ny fahavinirako ka hotsaraiko araka ny lalanao ianao, ary hatambesatro aminao ny fahavetavetanao.

DIEM PROTESTANTA

⁸ Izao ankehitriny izao no hanosahako ny fahatezerako aminareo ka hanamparako ny fahavinirako. Hotsaraiko araka ny fitondrantenanareo ianareo ary hovaliako aminareo ny asa maharikoriko rehetra nataonareo.

Dikateny Iombonana Eto Madagasikara

⁸ Izao ankehitriny izao no hanosahako ny fahatezerako aminareo ka hanamparako ny fahavinirako. Hotsaraiko araka ny fitondrantenanareo ianareo ary hovaliako aminareo ny asa maharikoriko rehetra nataonareo.

Baiboly Katolika

⁸ Ankehitriny Aho tsy ho ela intsony, dia hanampatra ny hatezerako aminareo; hanala fo ny fahavinirako aminao; hitsara anao araka ny asanao aho, ary hampitambesatra aminao, ny fahavetavetanao rehetra.

Baiboly Protestanta Malagasy

⁸ Ary vetivety foana dia hampidiniko aminao ny fahatezerako, Ary hotanterahiko aminao ny fahavinirako; Ka hotsaraiko araka ny alehanao hianao, Ary hatambesatro aminao ny fahavetavetanao.

Malagasy Bible

⁸ Ary vetivety foana dia hampidiniko aminao ny fahatezerako, Ary hotanterahiko aminao ny fahavinirako; ka hotsaraiko araka ny alehanao ianao, ary hatambesatro aminao ny fahavetavetanao.

La Bible en Malgache

⁸ Vetivety foana dia hampidiniko aminao ny fahatezerako, ary hotanterahiko aminao ny fahavinirako ka hotsaraiko araka ny lalanao ianao, ary hatambesatro aminao ny fahavetavetanao.

Ezekiela 7:8 Rohy Ifampitohizana

2Tantara 34:21

Andeha manontany amin’NY TOMPO ho ahy sy ho an’izay sisa amin’ny Israely sy ny Joda ny amin’izay lazain’ity boky vao hita ity; fa mafy ny hatezeran’NY TOMPO naidiny tamintsika noho ny tsy nitandreman’ny razantsika ny tenin’NY TOMPO, handeha araka izay rehetra voasoratra ao amin’ity boky ity.

Salamo 79:6

Aidino amin’ny Jentilisa izay tsy mahalala Anao sy amin’ny fanjakana izay tsy miantso ny anaranao ny fahatezeranao!

Isaia 42:25

Dia narotsany tamin’Israely ny firehitry ny fahatezerany sy ny halozan’ny ady. Ary nampirehitra azy manodidina izany nefa tsy fantany; ary nandoro azy nefa tsy noheverin’ny fony.

Jeremia 36:31

Ary hampijaliako noho ny helony izy mbamin’ny taranany sy ny mpanompony; hataoko mihatra aminy sy amin’ny mponina any Jerosalema ary amin’ny lehilahy amin’ny Joda ny loza rehetra izay efa nolazaiko hatao aminy, nefa tsy nohenoiny.

Jeremia 7:20

Koa izao no lazain’NY TOMPO Andriamanitra: Indro, ny fahatezerako sy ny fahavinirako dia haidina amin’ity tany ity, dia amin’ny olona sy ny biby fiompy, amin’ny hazo any an-tsaha ary ny vokatry ny tany; dia hirehitra izany ka tsy ho faty.

Fitomaniana 2:17

NY TOMPO efa nanatanteraka izay nosaininy ka nahatò ny teniny izay didy nomeny hatramin’ny andro fahagola; nandrava Izy, fa tsy niantra; ary nampifaly ny fahavalo taminao Izy sady nanandratra ny tandroky ny rafinao.

Fitomaniana 2:4

Nanenjana ny tsipìkany toy ny fahavalo Izy, nijoro nanatsotra ny tanany ankavanana toy ny mpanohitra Izy ka nandripaka izay rehetra mahafinaritra ny maso; ny fahatezerany dia naidiny toy ny afo tamin’ny tranolain’i Ziona zanakavavy.

Fitomaniana 4:11

Tanterahin’NY TOMPO ny fahavinirany ka naidiny ny fahatezerany mirehitra; nampirehitra afo tao Ziona Izy handevonana ny fanorenany.

Ezekiela 11:21

Fa ny amin’izay manana fo manina ny zava-maharikorikony sy ny fahavetavetany, dia hatsingeriko ho eo an-dohany ihany ny lalany, hoy NY TOMPO Andriamanitra.

Ezekiela 14:19

Ary raha mandefa areti-mandringana mamely izany tany izany Aho sady aidiko aminy ny fahatezerako amin’ny fandatsahan-dra mba haharingana ny olona sy ny biby ao aminy,

Ezekiela 16:43

Noho ny tsy nahatsiarovanao ny andron’ny fahatanoranao fa nirongatra nanohitra Ahy tamin’ireo rehetra ireo ianao, dia indro, ny lalanao ihany no hatsingeriko ho eo an-dohanao, hoy NY TOMPO Andriamanitra. Tsy nanao izany ratsy izany ho fanampin’ny fahavetavetanao rehetra va ianao?

Ezekiela 16:59

Fa izao no lazain’NY TOMPO Andriamanitra: Araka ny nataonao ihany no hataoko aminao izay namingavinga ny fianianana ka nivadika ny fanekena.

Ezekiela 18:30

Koa samy hotsaraiko araka ny lalanareo avy ianareo, ry taranak’Israely, hoy NY TOMPO Andriamanitra. Mitodiha ka mibebaha amin’ny fahadisoanareo rehetra, dia tsy ho tonga fahatafintohinana mahameloka anareo intsony izany.

Ezekiela 20:13

Kanjo nikomy tamiko tany an-tany efitra ihany ny taranak’Israely. Tsy nandeha araka ny didiko izy fa nanamavo ny fitsipiko izay mahavelona ny olona manaraka izany, ary nandoto izay tsy izy ny Sabatako izy ka hoy Aho: Haidiko aminy any an-tany efitra ny fahatezerako hahalany ringana azy.

Ezekiela 20:21

Kanjo nikomy tamiko koa ny zanany. Tsy nandeha araka ny didiko izy, na nitandrina hanaraka ny fitsipiko izay mahavelona ny olona manaraka izany, fa nandoto ny Sabatako izy ka hoy Aho: Haidiko aminy ny fahavinirako ary hanamparako ny fahatezerako any an-tany efitra izy.

Ezekiela 20:33

Raha velona koa Aho, hoy NY TOMPO Andriamanitra, dia tanana mahery sy sandry atsotra ary fahatezerana miraraka no hanjakako aminareo.

Ezekiela 20:8

Nefa nikomy Tamiko izy ka tsy nety nihaino Ahy; samy tsy nanary ny fahavetavetan’ny masony na nahafoy ny sampin’i Ejipta izy ka hoy Aho: Haidiko aminy ny fahavinirako, ary hanamparako ny fahatezerako eo amin’ny tany Ejipta izy.

Ezekiela 22:31

Koa dia haidiko eo aminy ny fahatezerako; ny afon’ny fahatezerako no handaniako azy. Hatsingeriko ho eo an-dohany ihany ny lalany, hoy NY TOMPO Andriamanitra.

Ezekiela 24:14

Izaho TOMPO no niteny; ho tonga izany ary hataoko; tsy hiahotrahotra Aho, na hiantra, na hanenina. Araka ny lalanao sy ny asanao no hitsarana anao, hoy NY TOMPO Andriamanitra.

Ezekiela 30:15

Hampidina ny fahatezerako amin’i Sina, fiarovana mafy any Ejipta, Aho, ary hofongorako ny vahoaka be any No.

Ezekiela 33:20

Kanefa, hoy ianareo: Tsy marina ny lalan’ny Tompo. E! Ry taranak’Israely, samy hotsaraiko araka ny lalany avy ianareo.

Ezekiela 6:12

Ny any lavitra dia ho fatin’ny areti-mandringana, ny atỳ akaiky ho lavon’ny sabatra ary izay sisa sy izay voaro dia ho faty mosary. Hotanterahiko aminy ny fahatezerako.

Ezekiela 7:27

Hitomany ny mpanjaka, eny, hitafy fahaverezan-kevitra ny andriana, hangovitra ny tanan’ny vahoaka. Araka ny lalany ihany no hataoko aminy, ary hotsaraiko araka ny fitsarana nataony izy dia ho fantany fa Izaho no TOMPO.

Ezekiela 7:9

Tsy hiantra anao ny masoko sady tsy hamindra fo Aho; hatambesatro aminao ny lalanao, ary ny fahavetavetanao dia ho eo aminao dia ho fantatrareo fa Izaho TOMPO no mamely.

Ezekiela 9:10

Ary Izaho kosa dia tsy hiantra ny masoko sady tsy hamindra fo Aho fa hatsingeriko ho eo an-dohany ny lalany.

Ezekiela 9:8

Ary raha mbola namely izy, ary izaho ihany no sisa teo, dia niankohoka aho ka nitaraina hoe: Indrisy! Ry TOMPO Andriamanitra ô! Haringanao va ny sisa rehetra amin’ny Israely amin’izao ampidinanao ny fahatezeranao amin’i Jerosalema izao?

Daniela 9:11

Eny, nandika ny lalànanao ny Israely rehetra ka niala fa tsy nihaino ny feonao, koa dia naidina taminay ny ozona lazain’ny fianianana izay voasoratra ao amin’ny lalànan’i Mosesy, mpanompon’Andriamanitra, satria efa nanota taminy izahay.

Daniela 9:27

Hanao fanekena mafy orina amin’ny maro mandritra ny herinandro izy ary hampitsahatra ny fanatitra alatsa-dra sy ny fanatitra hafa mandritra ny antsasaky ny herinandro; eo ambonin’ny elatry ny fahavetavetana no hiavian’ny mpandrava, mandra-pahatanteraka ny fandravana voatendry, izay hamely ny mpandrava ihany.

Hosea 12:3

Manana ady amin’i Joda koa NY TOMPO ary tsy maintsy mamaly an’i Jakoba araka ny lalany ka hatsingeriny aminy ny nataony.

Hosea 5:10

Ny mpanapaka an’i Joda dia efa tonga toy izay mamindra ny fetran’ny faritany, koa ireo no hampidinako ny fahatezerako toy ny riaka.

Nahoma 1:6

Iza no mahajoro eo anoloan’ny fahavinirany? Ary iza no mahatanty ny firehitry ny fahatezerany? Aidina toy ny afo ny fahatezerany ary mirodana eo anoloany ny vatolampy.

Apokalipsy 14:10

dia izy koa no hisotro ny divain’ny fahatezeran’Andriamanitra, izay naidina tao anatin’ny kapoaky ny fahatezerany, tsy mitampoka, miharoharo zavatra, sady hampijaliana amin’ny afo sy solifara eo anatrehan’ny anjely masina sy eo anatrehan’ny Zanak’ondry izy!