Eksodosy 34:10 - Baiboly Protestanta Malagasy 2011

¹⁰ Ary hoy NY TOMPO: Indro ny tenako no manao fanekena ka eo anatrehan’ny olonao rehetra no hanaovako zava-mahagaga izay tsy mbola nisy natao tany amin’ny tany manontolo sy tany amin’ny Jentilisa rehetra; ary ny olona rehetra izay itoeranao dia hahita ny asan’NY TOMPO, fa mahatahotra izay zavatra hataoko miaraka aminao.

DIEM PROTESTANTA

¹⁰ Ary hoy ny TOMPO hoe: –Hanao fanekempihavanana aminareo Aho. Eo anatrehan’ny vahoakanao manontolo no hanaovako zava-mahagaga tsy mbola nisy toa azy teto ambonin’ny tany manontolo sy tamin’ny firenena rehetra; ho hitan’ireo Israelita rehetra manodidina anao fa tena mampitolagaga ny asa hotanterahiko amin’ny alalanao.

Dikateny Iombonana Eto Madagasikara

¹⁰ Ary hoy ny TOMPO hoe: –Hanao fanekempihavanana aminareo Aho. Eo anatrehan’ny vahoakanao manontolo no hanaovako zava-mahagaga tsy mbola nisy toa azy teto ambonin’ny tany manontolo sy tamin’ny firenena rehetra; ho hitan’ireo Israelita rehetra manodidina anao fa tena mampitolagaga ny asa hotanterahiko amin’ny alalanao.

Baiboly Katolika

¹⁰ Dia hoy i Iaveh: «Indro manao fanekem-pihavanana Aho: Hanao zava-mahagaga eo anatrehan’ny vahoakanao rehetra Aho; ka tsy mbola nisy nanaovana toy izany, na tany aiza na tany aiza, na firenena aiza na firenena aiza; ka ny vahoakanao manodidina anao hahita ny asan’i Iaveh; fa mahatsiravina tokoa ny zavatra hataoko miaraka aminao.»

Baiboly Protestanta Malagasy

¹⁰ Ary hoy Izy: Indro, manao fanekena Aho, ka eo anatrehan’ny olonao rehetra no hanaovako zava-mahagaga, izay tsy mbola nisy natao tany amin’ny tany rehetra sy tany amin’ny firenena rehetra; ary ny olona rehetra izay itoeranao dia hahita ny asan’i Jehovah, fa mahatahotra izay zavatra efa hataoko amin’ny fombako anao.

Malagasy Bible

¹⁰ Ary hoy Izy: Indro, manao fanekena Aho, ka eo anatrehan'ny olonao rehetra no hanaovako zava-mahagaga, izay tsy mbola nisy natao tany amin'ny tany rehetra sy tany amin'ny firenena rehetra; ary ny olona rehetra izay itoeranao dia hahita ny asan'i Jehovah, fa mahatahotra izay zavatra efa hataoko amin'ny fiombako anao.

La Bible en Malgache

¹⁰ Ary hoy NY TOMPO: Indro ny tenako no manao fanekena ka eo anatrehan’ny olonao rehetra no hanaovako zava-mahagaga izay tsy mbola nisy natao tany amin’ny tany manontolo sy tany amin’ny Jentilisa* rehetra; ary ny olona rehetra izay itoeranao dia hahita ny asan’NY TOMPO, fa mahatahotra izay zavatra hataoko miaraka aminao.

Eksodosy 34:10 Rohy Ifampitohizana

2Samoela 7:23

Ary aiza moa no misy firenena etỳ an-tany tahaka ny Israely olonao, izay nalehan’Andriamanitra mba havotana ho olony sy hanaovany anarana ho Azy, ary hanaovany zavatra lehibe ho azy sy zava-mahatahotra ho an’ny taninao teo anatrehan’ny olonao, izay navotanao ho Anao avy tamin’ny firenen’i Ejipta sy ny andriamaniny?

Salamo 106:22

dia fahagagana tany amin’ny tanin’i Hama sy zava-mahatahotra teo amin’ny Ranomasina Mena.

Salamo 136:4

Izy irery no manao fahagagana lehibe, fa mandrakizay ny famindrampony!

Salamo 145:6

Ny herin’ny asanao mahatahotra no hotenenin’ny olona ary ny fahalehibiazanao no hotantaraiko.

Salamo 147:20

Tsy nanao toy izany tamin’izay firenena hafa Izy ary ny fitsipiny dia tsy mba fantatr’ireny. Haleloia.

Salamo 65:5

Zava-mahatahotra no ataonao amin’ny fahamarinana ho valin’ny vavakay, ry Andriamanitry ny famonjena anay ô, ry tokin’ny faran’ny tany rehetra sy ny ranomasina eny lavitra eny!

Salamo 66:3

Lazao amin’Andriamanitra hoe: Endre, mahatahotra ny asanao! Ny fahalehibiazan’ny herinao no ikoizan’ny fahavalonao Anao.

Salamo 66:5

Avia ka jereo ny asan’Andriamanitra! Mahatahotra ny zavatra ataony amin’ny zanak’olombelona.

Salamo 68:35

Mahatahotra Ianao, Andriamanitra ô, ao amin’ny fitoeranao masina; Andriamanitry ny Israely no manome hery sy tanjaka ho an’ny firenena. Isaorana anie Andriamanitra.

Salamo 72:18

Isaorana anie NY TOMPO Andriamanitra, Andriamanitry ny Israely; Izy irery ihany no manao fahagagana!

Salamo 76:12

Manapitra ny fofonain’ny mpitondra Izy, ary Izy no tahotry ny mpanjakan’ny tany.

Salamo 77:14

Ianao no Andriamanitra izay manao fahagagana; nampahafantatra ny herinao teny amin’ny firenena Ianao.

Salamo 78:12

Teo anatrehan’ny razany no nanaovany fahagagana tany amin’ny tany Ejipta, dia tany amin’ny tany lemak’i Zoana.

Eksodosy 34:27

Farany, hoy NY TOMPO tamin’i Mosesy: Soraty ireo teny ireo, fa araka ireo teny ireo no nanaovako fanekena aminao sy amin’ny Israely.

Eksodosy 34:28

Dia teo amin’NY TOMPO efapolo andro sy efapolo alina izy sady tsy nihinan-kanina na nisotro rano. Ary nosoratan’NY TOMPO tamin’ny vato fisaka ny tenin’ny fanekena, dia ny Teny Folo.

Isaia 64:3

Fa hatrizay hatrizay dia tsy mbola nisy nandre, na naheno, na nahita maso, izay Andriamanitra miasa ho an’ny miandry Azy, afa-tsy Ianao.

Jeremia 32:21

Nitondra ny Israely olonao nivoaka avy tany amin’ny tany Ejipta Ianao tamin’ny famantarana sy ny fahagagana ary ny tanana mahery sy ny sandry nitsotra ary ny fampahatahorana lehibe,

Mika 7:15

Toy ny tamin’ny andro nivoahanao avy tany amin’ny tany Ejipta no hanehoako zava-mahagaga aminy.

Deoteronomia 10:21

Izy no fideranao ary Izy no Andriamanitrao izay efa nanatanteraka ireo zavatra lehibe sy mahatahotra ireo taminao, dia ireo izay efa hitan’ny masonao.

Deoteronomia 32:30

Hataon’ny olona irery ahoana no fanenjika ny arivo, ary hataon’ny roa lahy ahoana no fampandositra ny iray alina, raha tsy ny Vatolampiny no efa nivarotra azy, ary NY TOMPO no efa nanolotra azy?

Deoteronomia 4:13

Nambarany taminareo ny fanekeny, izay nataony didy mba harahinareo, dia ny Teny Folo na ny Didy Folo izany; ary nosoratany teo amin’ny vato fisaka roa ireo.

Deoteronomia 9:19

Fa natahotra ny fahavinirana sy ny fahatezerana aho, dia ny fahatezeran’NY TOMPO taminareo saika handringanany anareo. Dia nihaino ahy indray NY TOMPO tamin’izay andro izay.

Josoa 6:20

Dia nanakora ny olona ary notsofina ny anjomara; nony ren’ny vahoaka ny feon’ny anjomara dia nanakora mafy izy ka nirodana tamin’izay ny manda, ary niakatra tao an-tanàna ny olona sady samy nizotra tamin’izay hitsiny avy ka azo ny tanàna.