Eksodosy 19:10 - Baiboly Protestanta Malagasy 2011

¹⁰ Ary hoy NY TOMPO tamin’i Mosesy: Mandehana ho eny amin’ny olona ka manamasìna azy anio sy ampitso, ary ampanasao ny fitafiany izy ireo.

DIEM PROTESTANTA

¹⁰ Hoy indray ny TOMPO tamin’i Mosesy: –Miverena any amin’ny vahoaka, ka ilazao izy mba hanoman-tena anio sy rahampitso; ary ampanasao azy koa ny fitafiany.

Dikateny Iombonana Eto Madagasikara

¹⁰ Hoy indray ny TOMPO tamin’i Mosesy: –Miverena any amin’ny vahoaka, ka ilazao izy mba hanoman-tena anio sy rahampitso; ary ampanasao azy koa ny fitafiany.

Baiboly Katolika

¹⁰ Ary hoy i Iaveh tamin’i Môizy: «Mandehana mankany amin’ny vahoaka, ka hamasino izy anio sy ampitso, ary asaovy sasàny ny fitafiany.

Baiboly Protestanta Malagasy

¹⁰ Ary hoy Jehovah tamin’i Mosesy: Mandehana ho eny amin’ny olona, ka manamasìna azy anio sy ampitso, ary ampanasao ny fitafiany izy:

Malagasy Bible

¹⁰ Ary hoy Jehovah tamin'i Mosesy: Ma­ndehana ho eny amin'ny olona, ka manamasina azy anio sy ampitso, ary ampanasao ny fitafiany izy:

La Bible en Malgache

¹⁰ Ary hoy NY TOMPO tamin’i Mosesy: Mandehana ho eny amin’ny olona ka manamasìna azy anio sy ampitso, ary ampanasao ny fitafiany izy ireo.

Eksodosy 19:10 Rohy Ifampitohizana

Genesisy 35:2

Dia hoy i Jakoba tamin’izay tao an-tranony mbamin’ireo rehetra niaraka taminy: Ario ireo andriamanitra izay ao aminareo dia midiova ary soloy ny fitafianareo.

2Samoela 19:24

Dia hoy ny mpanjaka tamin’i Simey: Tsy ho faty ianao. Ary nianiana taminy ny mpanjaka.

2Tantara 29:34

Fa vitsy loatra ny mpisorona ka tsy nahendaka ny fanatitra dorana manontolo rehetra, dia nanampy azy ny levita rahalahiny mandra-pahavitan’ny raharaha sy ny nanamasinan’ny mpisorona sasany ny tenany koa; fa ny levita dia nazoto kokoa tamin’ny fanamasinana ny tenany noho ny mpisorona.

2Tantara 29:5

Ary hoy izy taminy: Mihainoa ahy, ianareo levita, koa hamasino ny tenanareo izao, hamasino koa ny tranon’NY TOMPO, Andriamanitry ny razanareo, ary esory amin’ny fitoerana masina ny zava-maloto rehetra.

Joba 1:5

Ary isaky ny tapitra nitsingerina ireo andro fanasana ireo dia nandefa iraka haka azy i Joba ka nanamasina ireny. Nifoha vao maraina izy ka nanolotra fanatitra dorana manontolo araka ny isan’izy rehetra; fa hoy i Joba: Fandrao nanota ny zanako ka nandà an’Andriamanitra tao am-pony. Izany no nataon’i Joba mandrakariva.

Levitikosy 11:25

Hanasa ny fitafiany izay rehetra mitondra ny fatiny ka haloto mandra-paharivan’ny andro.

Levitikosy 15:5

Izay rehetra mikasika ny fandrianany dia hanasa ny fitafiany sy handro amin’ny rano ary haloto mandra-paharivan’ny andro.

Nomery 11:18

Ary lazao amin’ny olona hoe: Hamasino ny tenanareo ho amin’ny ampitso dia hihinan-kena ianareo; fa nitomany teo an-tsofin’NY TOMPO ianareo hoe: Iza no hanome anay hena hohaninay? Nefa soa no hitanay tany Ejipta! Dia homen’NY TOMPO hena ianareo ka hihinana.

Nomery 19:19

Ary ilay madio dia hamafy rano an’ilay voaloto amin’ny andro fahatelo sy ny fahafito; dia hanadio ny tenany izy amin’ny andro fahafito ka hanasa ny fitafiany sy handro amin’ny rano, ary hadio rehefa hariva.

Nomery 31:23

dia ny zavatra rehetra izay mahatanty afo, dia ataovy ao amin’ny afo mba hadio. Kanefa hodiovina amin’ny rano fanadiovana koa izy; ary izay rehetra tsy maharitra afo kosa dia ataovy ao amin’ny rano ihany.

Nomery 31:24

Sasao koa ny fitafianareo amin’ny andro fahafito dia hadio ianareo, koa rehefa afaka izany vao mahazo miditra ao amin’ny toby ianareo.

Nomery 8:21

Dia nanadio ny tenany ny levita sady nosasany ny fitafiany; ary i Arona dia nanao azy ireo ho fanatitra asandratra eo anatrehan’NY TOMPO sady nanao fanavotana hanadiovana azy.

Nomery 8:7

Izao no hataonao aminy hanadiovana azy: Fafazo rano fanadiovana amin’ny ota izy, asaivo haratany avokoa ny tenany manontolo, ary aoka hosasany ny fitafiany ka hadio izy.

1Korintiana 6:11

Ary efa mba toy izany ihany ny sasany aminareo, saingy efa voasasa ianareo, efa nohamasinina ianareo, efa nohamarinina ianareo, tamin’ny anaran’i Jesosy Kristy Tompo sy tamin’ny Fanahin’Andriamanitsika.

Hebreo 10:22

Aoka isika hanatona amin’ny fo marina sy amin’ny fahatokiana be avy amin’ny finoana, manana fo voadio ho afaka amin’ny fieritreretana ratsy sy fo tena voasasa tamin’ny rano madio;

Josoa 3:5

Ary hoy i Josoa tamin’ny olona: Manamasìna ny tenanareo fa rahampitso dia hanao fahagagana eo aminareo NY TOMPO.

Josoa 7:13

Mitsangàna, manamasìna ny vahoaka, ka lazao hoe: Manamasìna ny tenanareo mandra-pahamaraina; fa izao no lazain’NY TOMPO, Andriamanitry ny Israely: Misy zavatra voaozona eo aminao, ry Israely ô; koa tsy mahajanona eo anoloan’ny fahavalonao ianao mandra-panaisotrareo ny zavatra voaozona tsy ho eo aminareo intsony.

Apokalipsy 22:14

Sambatra izay manasa ny akanjony mba hananany fahefana amin’ny hazon’aina sy hidirany amin’ny vavahady ho ao an-tanàna.

Apokalipsy 7:14

Fa hoy aho taminy: Tompoko, ianao no mahalala! Dia hoy izy tamiko: Ireo no avy tamin’ny fahoriana lehibe, ary ny akanjony dia nosasany sy nofotsiany tamin’ny ran’ny Zanak’ondry.

1Samoela 16:5

Dia hoy izy: Fihavanana; avy hamono zavatra hatao fanatitra ho an’NY TOMPO aho; hamasino ny tenanareo, ary andeha hiaraka amiko ho any amin’ny fanatitra. Dia nohamasininy i Jese sy ny zanany ka nasainy ho any amin’ny fanatitra.