Daniela 9:5 - Baiboly Protestanta Malagasy 2011

⁵ Efa nanota izahay sady nanao izay meloka sy izay ratsy ary nikomy. Eny, efa niala tamin’ny didinao sy ny fitsipikao izahay,

DIEM PROTESTANTA

⁵ Nanota izahay ka diso, nanao ratsy sy nikomy ary niala tamin’ny didy sy ny fitsipikao;

Dikateny Iombonana Eto Madagasikara

⁵ Nanota izahay ka diso, nanao ratsy sy nikomy ary niala tamin’ny didy sy ny fitsipikao;

Baiboly Protestanta Malagasy

⁵ efa nanota izahay sady nanao meloka ary nanao ratsy sy niodina, eny, efa niala tamin’ny didinao sy ny fitsipikao izahay,

Malagasy Bible

⁵ efa nanota izahay sady nanao meloka ary nanao ratsy sy niodina, eny, efa niala tamin'ny didinao sy ny fitsipikao izahay,

La Bible en Malgache

⁵ Efa nanota izahay sady nanao izay meloka sy izay ratsy ary nikomy. Eny, efa niala tamin’ny didinao sy ny fitsipikao izahay,

Daniela 9:5 Rohy Ifampitohizana

2Mpanjaka 18:12

satria tsy nihaino ny feon’NY TOMPO Andriamaniny izy fa nivadika ny fanekeny, dia izay rehetra nandidian’i Mosesy, mpanompon’NY TOMPO; eny, tsy nihaino na nankatò izany izy.

2Mpanjaka 21:15

satria efa nanao izay ratsy teo imasoko ka nahatezitra Ahy hatramin’ny andro nivoahan’ny razany avy tany Ejipta ka mandraka androany.

Ezra 9:6

ka niteny hoe: Andriamanitro ô, menatra sy mangaihay aho raha miandrandra aminao, ry Andriamanitro ô; fa efa nihamaro mihoatra ny lohanay ny helokay ary ny fahotanay dia lehibe manakatra ny lanitra;

Salamo 106:6

Efa nanota izahay mbamin’ny razanay, efa nanao izay meloka sy ratsy izahay.

Salamo 119:102

Tsy mba miala amin’ny fitsipikao aho fa Ianao no mampianatra ahy.

Salamo 119:176

Efa nania aho; tadiavo toy ny fitady ondry very ny mpanomponao, fa tsy mba hadinoiko ny didinao.

Salamo 18:21

fa nitandrina ny lalan’NY TOMPO aho ary tsy mba nanao ratsy hanalavirana an’Andriamanitro.

Isaia 53:6

Isika rehetra dia samy efa nania tahaka ny ondry, samy efa nivily ho amin’ny lalantsika avy isika rehetra; ary nataon’NY TOMPO nihatra Taminy avokoa ny helotsika rehetra.

Isaia 59:13

Fikomiana sy fandavana NY TOMPO, fialana amin’ny fanarahana an’Andriamanitray, teny mampahory sy fikomiana, famoronana sy famoahana teny lainga avy ao am-po.

Isaia 64:4

Mitsena izay mifaly hanao ny marina Ianao dia izay mahatsiaro Anao amin’ny lalanao; Indro, tezitra Ianao, ary hita fa meloka izahay; fa tamin’ireo lalana fahiny no namonjena anay.

Jeremia 14:20

TOMPO ô, tsaroanay ny faharatsianay sy ny heloky ny razanay fa efa nanota Taminao izahay.

Jeremia 14:7

TOMPO ô, na dia miampanga anay aza ny helokay dia miasà ihany Ianao noho ny anaranao; fa be ny fikomianay; taminao no nanotanay.

Jeremia 3:25

Aoka handry ao amin’ny henatray izahay, ary aoka hanarona anay ny fahafaham-boninahitray, satria tamin’NY TOMPO Andriamanitray no efa nanotanay, dia izahay sy ny razanay, hatramin’ny fahazazanay ka mandraka androany, sady tsy nihaino ny feon’NY TOMPO Andriamanitray izahay.

Jeremia 30:14

Ireo tia anao dia efa nanadino anao avokoa, tsy mba notadiaviny ianao; fa famelin’ny fahavalo no namelezako anao, dia ny famaizana tsy mitsitsy, noho ny habetsahan’ny helokao sy ny hamaroan’ny fahotanao.

Jeremia 44:3

noho ny ratsy nataony nampahatezitra Azy tamin’ny nandehanany nandoro ditin-kazo manitra sy nanompo andriamanitra hafa izay tsy fantany, na izy, na ianareo, na ny razanareo.

Fitomaniana 1:18

Marina NY TOMPO, fa izaho kosa dia nandà ny teniny; ry firenena rehetra, mihainoa re! Mba jereo ny fahoriako; ny virijiniko sy ny zatovoko dia lasan-ko babo.

Fitomaniana 1:20

Jereo, TOMPO ô, fa azom-pahoriana aho, mandevilevy ny ato anatiko; miontana ato anatiko ny foko satria naditra loatra aho; eny ivelany dia ny sabatra no mandripaka ny zanako, ary ao an-trano dia toa misy fahafatesana.

Fitomaniana 3:42

Izahay dia efa nanota sy naditra, ary Ianao tsy namela heloka!

Ezekiela 5:6

Nanao ditra tsy nanaraka ny fitsipiko sy ny didiko izy, fa nanao izay ratsy mihoatra noho ny Jentilisa sy ny tany manodidina azy; eny, nandà ny fitsipiko sy ny didiko izy ka tsy nandeha araka izany.

Ezekiela 6:9

Ary izay afa-nandositra aminareo dia hahatsiaro Ahy any amin’ny Jentilisa izay hitondrana azy ho babo, rehefa voatorotoroko ny fony mijangajanga izay niala tamiko, sy ny masony izay mijangajanga manaraka ny sampiny. Haharikoriko azy ny tenany noho ny ratsy nataony, dia ny fahavetavetany rehetra.

Daniela 9:11

Eny, nandika ny lalànanao ny Israely rehetra ka niala fa tsy nihaino ny feonao, koa dia naidina taminay ny ozona lazain’ny fianianana izay voasoratra ao amin’ny lalànan’i Mosesy, mpanompon’Andriamanitra, satria efa nanota taminy izahay.

Daniela 9:15

Koa ankehitriny, Tompo Andriamanitray ô, izay nitondra ny olonao nivoaka avy tany amin’ny tany Ejipta tamin’ny tanana mahery ka nanao anarana ho Anao tahaka ny amin’izao anio izao, efa nanota izahay, efa nanao izay ratsy izahay.

Daniela 9:9

An’ny Tompo Andriamanitray kosa ny famindrampo sy ny famelan-keloka satria efa nikomy taminy izahay

Hosea 1:2

Ny fiandohan’ny tenin’NY TOMPO tamin’ny alalan’i Hosea: Hoy NY TOMPO tamin’i Hosea: Andeha ianao manambady vehivavy janga, zanaky ny fijangajangana, fa fatra-mpijangajanga miala amin’NY TOMPO ny tany.

Malakia 3:7

Hatramin’ny andron’ny razanareo dia efa niala tamin’ny didiko ianareo ka tsy nitandrina azy. Miverena Amiko dia mba hiverina aminareo kosa Aho, hoy Andriamanitra, Tompon’izao rehetra izao. Nefa hoy ianareo: Ahoana ary no ho fiverenanay?

Hebreo 3:12

Tandremo, ry rahalahy, fandrao hisy aminareo hanana fo ratsy tsy mino ka hiala amin’Andriamanitra velona.