2Petera 3:10 - Baiboly Protestanta Malagasy 2011

¹⁰ Fa ho avy tahaka ny mpangalatra ny andron’ny Tompo, ary amin’izany ny lanitra dia ho lasa amin’ny firimorimoana mafy, ary ho levon’ny afo ny tenan’ny zavatra rehetra ka ho may avokoa ny tany sy ny asa izay eo aminy.

DIEM PROTESTANTA

¹⁰ Ho avy tahaka ny mpangalatra ny andron’ny Tompo; ary amin’izany dia hirimorimo mafy ka hanjavona ny habakabaka sady ho levon’ny hafanana ireo karazan-javatra ao aminy, ary hodorana avokoa ny tany sy izay taozavatra ao aminy.

Dikateny Iombonana Eto Madagasikara

¹⁰ Ho avy tahaka ny mpangalatra ny andron’ny Tompo; ary amin’izany dia hirimorimo mafy ka hanjavona ny habakabaka sady ho levon’ny hafanana ireo karazan-javatra ao aminy, ary hodorana avokoa ny tany sy izay taozavatra ao aminy.

Baiboly Katolika

¹⁰ Ho avy toy ny mpangalatra ny Andron’ny Tompo, ary amin’izany andro izany, ny lanitra hirimorimo mankarenina, ny tenan-javatra rehetra ho levon’ny afo, ny tany mbamin’ny asa rehetra eo aminy hodorana.

Baiboly Protestanta Malagasy

¹⁰ Fa ho avy tahaka ny mpangalatra ny andron’ny Tompo, ary amin’izany ny lanitra dia ho lasa amin’ny firimorimoana mafy, ary ho levon’ny afo ny tenan’ny zavatra rehetra, ka hodorana avokoa ny tany sy ny asa izay eo aminy.

Malagasy Bible

¹⁰ Fa ho avy tahaka ny mpangalatra ny andron'ny Tompo, ary amin'izany ny lanitra dia ho lasa amin'ny firimorimoana mafy, ary ho levon'ny afo ny tenan'ny zavatra rehetra, ka hodorana avokoa ny tany sy ny asa izay eo aminy.

La Bible en Malgache

¹⁰ Fa ho avy tahaka ny mpangalatra ny andron’ny Tompo, ary amin’izany ny lanitra dia ho lasa amin’ny firimorimoana mafy, ary ho levon’ny afo ny tenan’ny zavatra rehetra ka ho may avokoa ny tany sy ny asa izay eo aminy.

2Petera 3:10 Rohy Ifampitohizana

Salamo 102:26

Ireo dia ho levona fa Ianao no maharitra; ho rovitra toy ny fitafiana izy rehetra; toy ny lamba no hanovanao azy ka hosoloana izy.

Salamo 46:6

Mitabataba ny firenen-tsamihafa, mikorontana ny fanjakana maro; mamoaka ny feony Izy ka niempo ny tany.

Salamo 97:5

Ny tendrombohitra dia miempo tahaka ny savoka eo anatrehan’NY TOMPO, dia eo anatrehan’ny Tompon’ny tany rehetra.

Isaia 2:12

Satria misy Andron’Andriamanitra, Tompon’izao rehetra izao, hitsarana izay mpiavonavona sy mpirehareha rehetra mbamin’izay misandratra rehetra ka hanetrena ireny,

Isaia 24:19

Mivava ny tany, mitresaka ny tany, mihovotrovotra aoka izany ny tany,

Isaia 34:4

Ho levona ny tafiky ny lanitra rehetra ary hahorona tahaka ny fangorona taratasy ny lanitra; ny tafiny rehetra dia halazo tahaka ny falazon’ny ravina mihintsana avy amin’ny voaloboka, ary tahaka ny ravina malazo, mihintsana avy amin’ny aviavy.

Isaia 51:6

Andrandrao ho amin’ny lanitra ny masonareo ary jereo ny tany ambany. Fa ho levona tahaka ny setroka ny lanitra ary ho tahaka ny lamba mangarahara ny tany; ho faty tahaka ny fahafatesan’ny moka ny mponina ao, fa ny famonjeko kosa dia haharitra mandrakizay ary ny fahamarinako dia tsy mba ho rava.

Joela 1:15

Indrisy ny andro! Fa efa antomotra ny Andron’NY TOMPO ka tahaka ny fandringanana avy amin’ny Tsitoha no fiaviny.

Joela 2:1

Tsofy ao Ziona ny anjomara! Miantsoa mafy ao amin’ny tendrombohitro masina! Aoka hangovitra ny mponina rehetra amin’ny tany! Fa avy ny Andron’NY TOMPO, eny, efa antomotra izany,

Amosa 9:13

Indro, avy ny andro, hoy NY TOMPO, izay hahatraran’ny mpiasa tany ny mpijinja ary ny mpanosihosy voaloboka dia hahatratra ny mpamafy; ny tendrombohitra dia hamoaka ranom-boaloboka ary ny havoana rehetra hiempo.

Amosa 9:5

Ary NY TOMPO, Andriamanitra Tompon’izao rehetra izao, no mikasika ny tany dia miempo izy; misaona ny mponina rehetra ao aminy; misondrotra tahaka an’i Neily avokoa ireny rehetra ireny ary mihena toy ny Neilin’i Ejipta indray izy;

Mika 1:4

Miempo ao ambaniny ny tendrombohitra, ary mivava ny lohasaha, tahaka ny savoka taninin’ny afo sy tahaka ny rano mivarina any amin’ny hantsana.

Nahoma 1:5

Mihovotrovotra eo anatrehany ny tendrombohitra sady mihotsaka ny havoana; mihorohoro eo anatrehany koa ny tany, dia ny tany onenana sy ny mponina rehetra ao aminy.

Matio 24:35

Ny lanitra sy ny tany dia ho levona, fa ny teniko dia tsy mba ho levona.

Marka 13:31

Ny lanitra sy ny tany dia ho levona fa ny teniko dia tsy mba ho levona.

Lioka 12:39

Fantaro izao, fa raha fantatry ny tompon-trano izay ora hiavian’ny mpangalatra dia ho niambina izy ka tsy namela ny tranony hovakina.

Romana 8:20

Fa izao zavatra ary rehetra izao dia nampanekena ho zava-poana, nefa tsy noho ny sitrapony fa noho Izay nampanaiky azy, amin’ny fanantenana.

1Korintiana 1:8

izay hampiorina anareo koa hatramin’ny farany ka tsy hanan-tsiny ianareo amin’ny andron’i Jesosy Kristy Tompontsika.

1Korintiana 5:5

dia aoka hatolotra ho an’i Satana izany olona izany hanimbana ny nofony mba hahavoavonjy ny fanahiny amin’ny andron’i Jesosy Tompo.

2Korintiana 1:14

araka ny efa fantapantatrareo ihany fa reharehanareo izahay, dia tahaka anareo kosa izay reharehanay amin’ny andron’i Jesosy Tompontsika.

1Tesaloniana 5:2

satria mahalala marimarina ianareo fa ho avy toy ny mpangalatra amin’ny alina ny andron’ny Tompo.

1Tesaloniana 5:4

Fa ianareo, ry rahalahy, dia tsy ao amin’ny maizina ka hahatratra anareo toy ny mpangalatra izany andro izany.

2Petera 3:11

Koa raha ho levona toy izany izao zavatra rehetra izao dia tokony hanao ahoana moa ny fitondrantena masina sy ny toe-panahinareo araka an’Andriamanitra

2Petera 3:12

ka manantena sady manafaingana ny fiavian’ny Andron’Andriamanitra izay handevona ny lanitra amin’ny afo ary handoro sy hampiempo ny tenan’ny zavatra rehetra!

2Petera 3:7

fa izao lanitra sy tany ankehitriny izao dia voatahirin’izany teny izany ho amin’ny afo amin’ny andro fitsarana sy fandringanana ny ratsy fanahy.

Joda 1:6

Ary ny anjely izay tsy nitana ny anjara fanapahany fa nandao ny fonenany dia nohazoniny amin’ny fatorana mandrakizay ao amin’ny maizina ho amin’ny andro fitsarana lehibe.

Apokalipsy 16:15

Indro, avy toy ny mpangalatra Aho. Sambatra izay miambina ka miaro ny fitafiany, fandrao mandeha mitanjaka izy ka ho hita ny fahamenarany!

Apokalipsy 20:11

Ary hitako fa indro, nisy sezafiandrianana fotsy lehibe sy Ilay mipetraka eo amboniny. Ny tany sy ny lanitra dia nandositra Azy ka tsy nisy toerana ho azy intsony.

Apokalipsy 21:1

Ary nahita lanitra vaovao sy tany vaovao aho; fa efa lasa ny lanitra voalohany sy ny tany voalohany, ary ny ranomasina dia tsy nisy intsony.

Apokalipsy 3:3

Dia tsarovy ny amin’ny nandraisanao sy ny nandrenesanao, ary tano mafy ka mibebaha. Fa raha tsy miambina ianao dia ho avy toy ny mpangalatra Aho ka tsy ho fantatrao izay ora hiaviako aminao.

Apokalipsy 6:14

Dia nisinda tahaka ny boky nahorona ny lanitra, ary ny tendrombohitra sy ny nosy rehetra dia nafindra niala tamin’ny toerany.