2Petera 2:4 - Baiboly Protestanta Malagasy 2011

⁴ Fa raha tsy navelan’Andriamanitra ny anjely izay nanota fa noroahiny ho any amin’ny helo ka nafatony tamin’ny gadra tao amin’ny maizina mba hotahirizina ho amin’ny fitsarana,

DIEM PROTESTANTA

⁴ Ireo anjely, fony nanota, dia tsy namindran’Andriamanitra fo, fa noroahiny ho any amin’ny toeran’ny maty ka natolony ho ao an-davaka maizina mangitsokitsoka izay itanana azy ho amin’ny fitsarana.

Dikateny Iombonana Eto Madagasikara

⁴ Ireo anjely, fony nanota, dia tsy namindran’Andriamanitra fo, fa noroahiny ho any amin’ny toeran’ny maty ka natolony ho ao an-davaka maizina mangitsokitsoka izay itanana azy ho amin’ny fitsarana.

Baiboly Katolika

⁴ Fa matoa tsy namindra fo tamin’ny Anjely nanota Andriamanitra, fa namarina sy nanjera azy any an-davaka maizina izay itanany azy ho amin’ny fitsarana;

Baiboly Protestanta Malagasy

⁴ Fa raha tsy navelan’Andriamanitra ny anjely fony nanota, fa noroahiny ho any amin’ny helo ka natolony ho ao an-davaka maizina mba hotehirizina ho amin’ny fitsarana,–

Malagasy Bible

⁴ Fa raha tsy navelan'Andriamanitra ny anjely fony nanota, fa noroahiny ho any amin'ny helo ka natolony ho ao an-davaka maizina mba hotehirizina ho amin'ny fitsarana,

La Bible en Malgache

⁴ Fa raha tsy navelan’Andriamanitra ny anjely izay nanota fa noroahiny ho any amin’ny helo ka nafatony tamin’ny gadra tao amin’ny maizina mba hotahirizina ho amin’ny fitsarana,

2Petera 2:4 Rohy Ifampitohizana

Joba 21:30

Amin’ny andro hahitan-doza dia voaaro ihany ny ratsy fanahy ary amin’ny andron’ny fahatezerana dia mahita fialofana izy.

Joba 4:18

Indro, na ireo mpanompony aza dia tsy itokiany; eny, ireo irany aza dia ahitany fahadisoana,

Salamo 78:50

Nanamboatra lalana ho an’ny fahatezerany Izy ary tsy niaro ny ain’ireo tamin’ny fahafatesana, fa nanolotra azy ho lanin’ny areti-mandringana.

Isaia 14:12

Endre! Nilatsaka avy tany an-danitra ianao, ry kintana fitarikandro, zanaky ny maraina! Voakapa hianjera amin’ny tany ianao, ry ilay mpampanaiky firenena!

Ezekiela 5:11

Eny, raha velona koa Aho, hoy NY TOMPO Andriamanitra, noho ny nandotoanao ny fitoerako masina tamin’ny zavatra maharikorikonao rehetra sy tamin’ny fahavetavetanao rehetra, Izaho kosa dia hanary ka tsy hiantra anao ny masoko; eny, tsy hamindra fo Aho.

Ezekiela 7:4

Tsy hiantra anao ny masoko sady tsy hamindra fo Aho; fa hatambesatro aminao ny lalanao ary ny fahavetavetanao dia ho eo aminao. Dia ho fantatrareo fa Izaho no TOMPO.

Ezekiela 7:9

Tsy hiantra anao ny masoko sady tsy hamindra fo Aho; hatambesatro aminao ny lalanao, ary ny fahavetavetanao dia ho eo aminao dia ho fantatrareo fa Izaho TOMPO no mamely.

Matio 25:41

Hilaza indray amin’izay eo amin’ny ankaviany kosa Izy hoe: Mialà amiko, ianareo izay voaozona ho any amin’ny afo maharitra mandrakizay izay voavoatra ho an’ny devoly sy ny anjeliny;

Matio 8:29

Indro, niantsoantso izy ireo hoe: Moa mifaninona akory izahay sy Ianao, ry Zanak’Andriamanitra ô? Tonga etỳ va Ianao hampijaly anay alohan’ny fotoana?

Marka 5:7

sady niantso tamin’ny feo mahery hoe: Moa mifaninona akory izaho sy Ianao, ry Jesosy, Zanak’Andriamanitra Avo Indrindra ô? Mangataka Aminao amin’ny anaran’Andriamanitra aho, aza mampijaly ahy!

Lioka 10:18

Fa hoy Jesosy taminy: Izaho nahita an’i Satana nilatsaka avy tany an-danitra tahaka ny varatra.

Lioka 8:31

Dia nifona Taminy ireo mba tsy handidiany azy hankany amin’ny lavaka tsy hita noanoa.

Jaona 8:44

Ianareo avy tamin’ny devoly rainareo, koa izay sitraky ny rainareo no tianareo hatao. Izy dia mpamono olona hatramin’ny taloha, ary tsy nitoetra tamin’ny marina satria tsy misy marina aminy. Raha mandainga izy dia ny azy no lazainy satria mpandainga izy sady rain’ny lainga.

Romana 11:21

Fa raha ny tena sampany aza tsy navelan’Andriamanitra dia tsy havelany koa ianao.

Romana 8:32

Izy izay tsy niaro ny Zanany lahy fa nanolotra Azy hamonjy antsika rehetra, tsy homeny antsika miaraka Aminy maimaimpoana koa va ny zavatra rehetra?

Deoteronomia 29:20

Dia hosarahin’NY TOMPO amin’ny firenen’Israely rehetra izy mba ho amin’ny loza, araka ny fanozonana rehetra amin’ny fanekena izay voasoratra amin’ity bokin’ny lalàna ity.

2Petera 2:11

Fa ny anjely aza, izay mihoatra amin’ny tanjaka sy ny hery, dia tsy mitondra fiampangana hitenenan-dratsy azy ireny eo anatrehan’ny Tompo!

2Petera 2:5

ary raha tsy namela ny tontolo taloha Izy fa namonjy an’i Noa, mpitory ny fahamarinana, mbamin’izy fito mianaka, fony tonga tamin’ny tontolon’ny ratsy fanahy ny safodrano,

2Petera 2:9

raha izany rehetra izany dia hain’ny Tompo ny hamonjeny ny tsara fanahy amin’ny fizahan-toetra sy ny hitahirizany ny olona tsy marina amin’ny fijaliana ho amin’ny andro fitsarana,

1Jaona 3:8

Izay manota dia avy amin’ny devoly satria ny devoly dia manota hatramin’ny voalohany. Izao no nisehoan’ny Zanak’Andriamanitra, dia ny handrava ny asan’ny devoly.

Joda 1:13

onjan-dranomasina mitopatopa mamorivory ny asa mahamenatra ataony, kintana mifindrafindra ka voatahiry ho azy mandrakizay ny haizina mikitroka!

Joda 1:6

Ary ny anjely izay tsy nitana ny anjara fanapahany fa nandao ny fonenany dia nohazoniny amin’ny fatorana mandrakizay ao amin’ny maizina ho amin’ny andro fitsarana lehibe.

Apokalipsy 20:10

Ary ny devoly izay namitaka azy dia natsipy tany amin’ny farihy afo sy solifara izay misy ilay bibidia sy ilay mpaminany sandoka koa, ary hampijaliana andro aman’alina mandrakizay mandrakizay ireo.