2Tesaloniana 3:3 - Baiboly Protestanta Malagasy 2011

³ Fa mahatoky ny Tompo izay hampahery sy hiaro anareo tsy ho azon’ilay ratsy.

DIEM PROTESTANTA

³ Fa mitana ny toky nomeny ny Tompo, ka hampahery anareo sady hiaro anareo tsy ho azon’ilay Ratsy.

Dikateny Iombonana Eto Madagasikara

³ Fa mitana ny toky nomeny ny Tompo, ka hampahery anareo sady hiaro anareo tsy ho azon’ilay Ratsy.

Baiboly Katolika

³ Dia Andriamanitra izay tsy mivadika kosa, no hankahery anareo sy hiaro anareo amin’ny ratsy.

Baiboly Protestanta Malagasy

³ Fa mahatoky ny Tompo, Izay hampahery sy hiaro anareo tsy ho azon’ny ratsy.

Malagasy Bible

³ Fa mahatoky ny Tompo, Izay hampahery sy hiaro anareo tsy ho azon'ny ratsy.

La Bible en Malgache

³ Fa mahatoky ny Tompo izay hampahery sy hiaro anareo tsy ho azon’ilay ratsy.

2Tesaloniana 3:3 Rohy Ifampitohizana

Genesisy 48:16

ary ilay Anjely izay Mpamonjy ahy tamin’ny loza rehetra, Izy anie hitahy ireto zaza ireto! Aoka ny anarako sy ny anaran’i Abrahama sy Isaka raiko no hanononana azy; ary hitombo ho maro dia maro eo amin’ny tany anie izy ireo!

1Tantara 4:10

Ary niantso an’Andriamanitry ny Israely i Jabeza ka hoy izy: Enga anie ka hotahinao tokoa aho ka hohalalahinao ny faritaniko, ary ho amiko ny tananao ka harovanao amin’ny ratsy aho, mba tsy hampahory ahy izany. Dia nomen’Andriamanitra azy izay nangatahiny.

Salamo 121:7

Hiaro anao amin’ny ratsy rehetra NY TOMPO; eny, hiaro ny fanahinao Izy.

Salamo 19:13

Arovy ny mpanomponao tsy ho azon’ny mpiavonavona; aoka tsy hanapaka ahy ireny! Dia ho marina aho ka tsy hanan-tsiny ny amin’izay fahadisoana lehibe.

Matio 5:37

Fa aoka ny teninareo ho Eny, rehefa eny; Tsia, rehefa tsia; fa izay mihoatra noho izany dia avy amin’ilay ratsy.

Matio 6:13

Ary aza mitondra anay ho amin’ny fakam-panahy fa manafaha anay amin’ny ratsy.

Lioka 11:4

Ary mamelà ny helokay; fa izahay koa dia mamela izay rehetra meloka aminay. Ary aza mitondra anay ho amin’ny fakam-panahy.

Jaona 17:15

Izaho tsy mangataka Aminao mba hampiala azy amin’izao tontolo izao fa ny mba hiaro azy amin’ilay ratsy.

1Korintiana 1:9

Mahatoky Andriamanitra izay nahatonga anareo ho voaantso, hanananareo firaisana amin’ny Zanany, dia Jesosy Kristy Tompontsika.

1Korintiana 10:13

Tsy misy fakam-panahy nahazo anareo afa-tsy izay zakan’ny olombelona; nefa mahatoky Andriamanitra ka tsy hamela anareo halaim-panahy mihoatra noho izay zakanareo; fa momba ny fakam-panahy dia hasiany lalana koa hahafahanareo mahazaka izany.

1Tesaloniana 5:24

Mahatoky izay miantso anareo sady Izy ihany no hanatanteraka izany.

2Tesaloniana 2:17

Izy anie no hampionona ny fonareo sy hampahery anareo amin’ny asa sy ny teny tsara rehetra.

2Timoty 4:18

Ny Tompo hanafaka ahy amin’ny asa ratsy rehetra ka hamonjy ahy ho any amin’ny fanjakany any an-danitra. Ho Azy anie ny voninahitra mandrakizay mandrakizay! Amena!

1Petera 5:10

Ary Andriamanitry ny fahasoavana rehetra, izay niantso anareo ho any amin’ny voninahiny mandrakizay ao amin’i Kristy, rehefa niaritra fahoriana vetivety ianareo, Izy no hahatanteraka sy hampiorina ary hampitoetra anareo.

2Petera 2:9

raha izany rehetra izany dia hain’ny Tompo ny hamonjeny ny tsara fanahy amin’ny fizahan-toetra sy ny hitahirizany ny olona tsy marina amin’ny fijaliana ho amin’ny andro fitsarana,

Joda 1:24

Ary ho an’Izay mahay miaro anareo mba tsy ho tafintohina, ary mahay mampijoro anareo, tsy misy tsiny, eo anoloan’ny voninahiny amin’ny firavoravoana,