1Petera 4:16 - Baiboly Protestanta Malagasy 2011

¹⁶ Fa raha misy mijaly satria Kristiana dia aoka tsy ho menatra izy; fa aoka hankalaza an’Andriamanitra amin’izany anarana izany izy.

DIEM PROTESTANTA

¹⁶ fa raha amin’ny maha kristianina azy no ijaliany, dia aoka izy tsy ho menatra fa hanome voninahitra an’Andriamanitra noho izany anarana entiny izany.

Dikateny Iombonana Eto Madagasikara

¹⁶ fa raha amin’ny maha kristianina azy no ijaliany, dia aoka izy tsy ho menatra fa hanome voninahitra an’Andriamanitra noho izany anarana entiny izany.

Baiboly Katolika

¹⁶ fa raha noho izy kristianina kosa no ijaliany, dia aoka tsy ho menatra amin’izany izy, fa vao mainka hanome voninahitra an’Andriamanitra aza, noho izany anarana izany.

Baiboly Protestanta Malagasy

¹⁶ Fa raha misy mijaly satria Kristiana, dia aoka tsy ho menatra izy; fa aoka hankalaza an’Andriamanitra amin’izany anarana izany izy.

Malagasy Bible

¹⁶ Fa raha misy mijaly satria Kristiana, dia aoka tsy ho menatra izy; fa aoka hankalaza an'Andriamanitra amin'izany anarana izany izy.

La Bible en Malgache

¹⁶ Fa raha misy mijaly satria Kristiana dia aoka tsy ho menatra izy; fa aoka hankalaza an’Andriamanitra amin’izany anarana izany izy.

1Petera 4:16 Rohy Ifampitohizana

Isaia 24:15

Mankalaza NY TOMPO any amin’ny fiposahan’ny mazava izy, dia ny anaran’NY TOMPO, Andriamanitry ny Israely, any amin’ny nosy any an-dranomasina!

Isaia 50:7

Nefa NY TOMPO Andriamanitra no namonjy Ahy ka tsy resin-kenatra Aho; efa nohamafisiko ho tahaka ny vatoafo ny tavako ka fantatro fa tsy hitsanga-menatra Aho.

Isaia 54:4

Aza matahotra fa tsy hitsanga-menatra ianao; ary aza mangaihay fa tsy havela ho afa-baraka ianao; fa ho hadinonao ny henatry ny fahatanoranao ary tsy ho tsaroanao intsony ny tondro-masonao fony mpitondratena.

Asan’ny Apostoly 11:26

Rehefa nahita azy izy dia nitondra azy hankany Antiokia. Ary niara-niasa tao amin’ny fiangonana nandritra ny herintaona ngarangidina izy roa lahy ka nampianatra olona maro; ary tany Antiokia no voalohany niantsoana ny anaran’ny mpianatra hoe Kristiana.

Asan’ny Apostoly 26:28

Fa hoy i Agripa tamin’i Paoly: Hay! Heverinao fa mora toy izany ny hampanekenao ahy ho kristiana!

Asan’ny Apostoly 28:22

fa mba tianay ho re avy aminao izay hevitrao satria fantatray fa toherin’ny olona hatraiza hatraiza io antoko io.

Asan’ny Apostoly 5:41

Dia niala tamim-pifaliana teo anatrehan’ny Sinedriona ny Apostoly, satria natao ho mendrika hitondra fahafaham-baraka ho voninahitr’izany anarana izany.

Filipiana 1:20

Fatratra tokoa ny faniriako sy ny fanantenako fa tsy hitsanga-menatra aho, na amin’ny inona na amin’ny inona, fa tahaka ny isanandro; eny, ankehitriny koa dia amin’ny fahasahiana rehetra no hankalazana an’i Kristy ao amin’ny tenako, na amin’ny fiainana, na amin’ny fahafatesana.

Filipiana 1:29

Fa efa nomena fahasoavana ianareo noho ny amin’i Kristy, tsy ny hino Azy ihany fa ny hiharam-pahoriana koa noho ny Aminy.

2Timoty 1:12

Ary noho izany koa no iaretako izao zavatra izao, koa tsy menatra aho satria fantatro Izy izay inoako, ary matoky aho fa Izy dia mahatahiry ilay zavatra natolony ahy mandra-piavin’izay andro izay.

Jakoba 2:7

Tsy izy ireny koa va no miteny ratsy ny anarana tsara izay niantsoana anareo?

1Petera 2:12

Aoka ho tsara ny fitondrantenanareo eo amin’ny Jentilisa, mba ho eo amin’izay anendrikendrehany anareo indrindra ho mpanao ratsy no hahitany ny asa tsara ataonareo ka hankalazany an’Andriamanitra amin’ny andron’ny famangiany.

1Petera 4:11

Raha misy olona miteny dia aoka izy hiteny toy ny milaza tenin’Andriamanitra; raha misy olona manompo dia aoka izy hanao izany araka ny hery izay omen’Andriamanitra azy mba hankalazana an’Andriamanitra amin’ny zavatra rehetra amin’ny alalan’i Jesosy Kristy; fa Azy ny voninahitra sy ny fanjakana mandrakizay mandrakizay. Amena.

1Petera 4:14

Sambatra ianareo raha haratsina noho ny anaran’i Kristy, fa ny Fanahin’ny voninahitra, dia ny Fanahin’Andriamanitra no mipetraka aminareo!

1Petera 4:19

Koa izay mitondra fahoriana araka ny sitrapon’Andriamanitra dia aoka ny fanaovan-tsoa no hanolorany ny tenany ho an’Ilay mahatoky, dia ny Mpanao azy.