1Petera 3:11 - Baiboly Protestanta Malagasy 2011

¹¹ Ary aoka izy hiala amin’ny ratsy ka hanao soa; aoka izy hitady fihavanana sy hikatsaka azy.

DIEM PROTESTANTA

¹¹ aoka izy hiala amin’ny ratsy ka hanao soa, aoka hitady fihavanana tsy an-kiato;

Dikateny Iombonana Eto Madagasikara

¹¹ aoka izy hiala amin’ny ratsy ka hanao soa, aoka hitady fihavanana tsy an-kiato;

Baiboly Katolika

¹¹ aoka hiala amin’ny ratsy izy ka hanao soa, ary hitady fihavanana sy hanaraka azy.

Baiboly Protestanta Malagasy

¹¹ Ary aoka izy hiala amin’ny ratsy ka hanao soa; Aoka izy hitady fihavanana sy hanaraka azy.

Malagasy Bible

¹¹ Ary aoka izy hiala amin'ny ratsy ka hanao soa; Aoka izy hitady fihavanana sy hanaraka azy.

La Bible en Malgache

¹¹ Ary aoka izy hiala amin’ny ratsy ka hanao soa; aoka izy hitady fihavanana sy hikatsaka azy.

1Petera 3:11 Rohy Ifampitohizana

Joba 1:1

Nisy lehilahy iray tany amin’ny tany Oza, Joba no anarany. Marina sy mahitsy izany lehilahy izany sady natahotra an’Andriamanitra ka nifady ny ratsy.

Joba 2:3

Dia hoy NY TOMPO tamin’i Satana: Efa nandinika an’i Joba mpanompoko va ianao? Fa tsy misy tahaka azy eny ambonin’ny tany, fa olona marina sy mahitsy izy sady matahotra an’Andriamanitra ka mifady ny ratsy. Ary mbola mitana mafy ny fahamarinany ihany izy na dia nanesika Ahy hamongotra azy tsy amin’antony aza ianao.

Joba 28:28

Dia hoy Izy tamin’ny olombelona: Indro, ny fahatahorana ny Tompo no fahendrena ary ny fialana amin’ny ratsy no fahalalana.

Salamo 125:4

TOMPO ô, manaova soa amin’ny tsara sy ny mahitsy fo.

Salamo 34:14

Halaviro ny ratsy ka manaova soa; mitadiava fihavanana ka araho izany.

Salamo 37:27

Halaviro ny ratsy ka manaova soa, dia honina mandrakizay ianao.

Ohabolana 16:17

Ny manalavitra ny ratsy no lalamben’ny marina ary izay mitandrina ny alehany no miaro ny ainy.

Ohabolana 16:6

Ny famindrampo sy ny fahamarinana no avotra amin’ny heloka, ary ny fahatahorana NY TOMPO no analavirana ny ratsy.

Ohabolana 3:7

Aza mihevi-tena ho hendry; matahora NY TOMPO ka mifadia ny ratsy

Matio 5:45

mba ho tonga zanaky ny Rainareo izay any an-danitra ianareo; fa Izy mampiposaka ny masoandrony amin’ny ratsy fanahy sy ny tsara fanahy ary mampilatsaka ny ranonorana amin’ny marina sy ny tsy marina.

Matio 5:9

Sambatra ny mpampihavana, fa izy no hatao hoe zanak’Andriamanitra.

Matio 6:13

Ary aza mitondra anay ho amin’ny fakam-panahy fa manafaha anay amin’ny ratsy.

Marka 14:7

Fa ny mahantra dia eto aminareo mandrakariva, ary na oviana na oviana no tianareo hanaovana soa aminy dia mahazo manao izany ianareo; fa Izaho kosa dia tsy mba ho eto aminareo mandrakariva.

Lioka 1:79

mba hanazava izay mipetraka ao amin’ny maizina sy ao amin’ny aloky ny fahafatesana sady hanitsy ny diantsika ho amin’ny lalam-piadanana.

Lioka 6:35

Koa tiava ny fahavalonareo ary manaova soa, dia mampisambora ka aza manantena valiny, dia ho lehibe ny valim-pitianareo ary ho zanaky ny Avo Indrindra ianareo; fa Izy mora fanahy amin’izay tsy misaotra sy ny ratsy fanahy.

Lioka 6:9

Ary hoy Jesosy tamin’ireo: Manontany anareo Aho: Moa ny manao soa va no mety hatao amin’ny Sabata sa ny manao ratsy? Ny mamonjy aina va sa ny mamono?

Jaona 17:15

Izaho tsy mangataka Aminao mba hampiala azy amin’izao tontolo izao fa ny mba hiaro azy amin’ilay ratsy.

Romana 12:18

Raha azo atao ka miankina aminareo dia ataovy izay hihavananareo amin’ny olona rehetra.

Romana 14:17

Fa tsy amin’ny fihinanana sy ny fisotroana ny fanjakan’Andriamanitra, fa fahamarinana sy fiadanana ary fifaliana ao amin’ny Fanahy Masina.

Romana 14:19

Koa aoka isika hitady ny momba ny fiadanana sy ny momba ny fifampandrosoana.

Romana 5:1

Koa satria efa nohamarinina tamin’ny finoana isika dia manana fihavanana amin’Andriamanitra amin’ny alalan’i Jesosy Kristy Tompontsika.

Romana 7:19

Tsy ny tsara izay sitrako no tanterahiko fa ny ratsy izay tsy sitrako no ataoko.

Romana 7:21

Koa hitako izao lalàna izao: Raha ta hanao ny marina aho dia ato amiko ihany ny ratsy.

Romana 8:6

Ny fihevitry ny nofo dia fahafatesana, fa fiainana sy fiadanana kosa no fihevitry ny Fanahy,

Galatiana 5:22

Ny vokatry ny Fanahy kosa dia fitiavana, fifaliana, fiadanana, fahari-po, fahamoram-panahy, fanaovan-tsoa, finoana,

Galatiana 6:10

Koa araka ny ananantsika fotoana, aoka isika hanao soa amin’ny olona rehetra, indrindra fa amin’ny mpianakavin’ny finoana.

Kolosiana 3:15

Ary aoka hanapaka ao am-ponareo ny fiadanan’i Kristy, fa ho amin’izany no niantsoana anareo ho tena iray; ary aoka ho feno fisaorana ianareo.

1Timoty 6:18

Aoka hanao soa izy ireo mba hanankarena amin’ny asa tsara, ary hazoto manome sy miantra,

Hebreo 12:14

Miezaha mitady fihavanana amin’ny olona rehetra ary koa fahamasinana; fa izay tsy manam-pahamasinana dia tsy hahita ny Tompo.

Hebreo 13:16

Fa aza manadino hanao soa sy hiantra fa fanatitra toy izany no sitrak’Andriamanitra.

Jakoba 4:17

Koa izay mahalala hanao soa nefa tsy manao soa dia heloka ho azy izany.

1Petera 3:12

Fa ny mason’ny Tompo dia mitsinjo ny marina ary ny sofiny dia mihaino ny fitarainany; fa ny tavan’ny Tompo dia tezitra amin’ny mpanao ratsy» (Sal 34.12-16).

3Jaona 1:11

Ry malala, aza ny ratsy no alain-tahaka fa ny tsara. Izay manao ny tsara no avy amin’Andriamanitra; fa izay manao ny ratsy tsy mba nahita an’Andriamanitra.

Mpitsara 11:14

Dia nandefa iraka ho any amin’ny mpanjakan’ny Amonita indray i Jefta