1Petera 2:12 - Baiboly Protestanta Malagasy 2011

¹² Aoka ho tsara ny fitondrantenanareo eo amin’ny Jentilisa, mba ho eo amin’izay anendrikendrehany anareo indrindra ho mpanao ratsy no hahitany ny asa tsara ataonareo ka hankalazany an’Andriamanitra amin’ny andron’ny famangiany.

DIEM PROTESTANTA

¹² Manàna fitondrantena tsara eo anivon’ny mpanompo sampy; fa na dia endrikendrehiny ho mpanao ratsy aza ianareo, dia ho hitany tokoa ny asa tsara ataonareo, ka hanomezany voninahitra an’Andriamanitra amin’ny andro hiavian’i Kristy.

Dikateny Iombonana Eto Madagasikara

¹² Manàna fitondrantena tsara eo anivon’ny mpanompo sampy; fa na dia endrikendrehiny ho mpanao ratsy aza ianareo, dia ho hitany tokoa ny asa tsara ataonareo, ka hanomezany voninahitra an’Andriamanitra amin’ny andro hiavian’i Kristy.

Baiboly Katolika

¹² Manaova fitondran-tena tsara eo afovoan’ny Jentily, mba hankalazany an’Andriamanitra amin’ny andron’ny famangiana, rehefa hitany ny asa soa ataonareo, na dia amin’ny zavatra anaovany anareo ho mpanao ratsy aza.

Baiboly Protestanta Malagasy

¹² ary aoka ho tsara ny fitondrantenanareo eo amin’ny jentilisa, mba hankalazany an’Andriamanitra amin’ny andro famangiana noho ny ahitany ny asa tsara ataonareo, dia izay anendrikendrehany anareo ho mpanao ratsy.

Malagasy Bible

¹² ary aoka ho tsara ny fitondran-tenanareo eo amin'ny jentilisa, mba hankalazany an'Andriamanitra amin'ny andro famangiana noho ny ahitany ny asa tsara ataonareo, dia izay anendrikendrehany anareo ho mpanao ratsy.

La Bible en Malgache

¹² Aoka ho tsara ny fitondrantenanareo eo amin’ny Jentilisa*, mba ho eo amin’izay anendrikendrehany anareo indrindra ho mpanao ratsy no hahitany ny asa tsara ataonareo ka hankalazany an’Andriamanitra amin’ny andron’ny famangiany.

1Petera 2:12 Rohy Ifampitohizana

Salamo 37:14

Nanatsoaka ny sabany ny ratsy fanahy ka nanenjana ny tsipìkany mba hampikarapoka ny ory sy ny mahantra ary hamono ny mahitsy lalana.

Salamo 50:23

Izay manolotra fanati-pisaorana no manome voninahitra Ahy; izay mitandrina ny lalany no hanehoako ny famonjen’Andriamanitra.

Isaia 10:3

Inona no hataonareo amin’ny andro famaliana, rehefa ho tonga avy any lavitra ny fandringanana? Ho any amin’iza no handosiranareo hamonjy anareo? Ary aiza no hametrahanareo ny voninahitrareo?

Daniela 6:4

Izany Daniela izany dia nihoatra noho ny komandy lehibe sy ny solo-mpanjaka namany, satria nanana fanahy hafakely izy; ary nikasa hanandratra azy ho lehiben’ny fanjakana manontolo ny mpanjaka.

Matio 10:25

Fa ampy amin’ny mpianatra raha tonga tahaka ny mpampianatra azy izy, ary ny mpanompo raha tonga tahaka ny tompony. Raha ny tompon-trano no nolazainy hoe Belzeboba, tsy mainka va ny ankohonany?

Matio 5:11

Sambatra ianareo, raha haratsin’ny olona sy enjehiny ary asiany izay teny ratsy rehetra hitenenany lainga anareo noho ny Amiko.

Matio 5:16

Aoka hazava eo imason’ny olona toy izany koa ny fahazavanareo mba hahitany ny asa tsara ataonareo ka hankalazany ny Rainareo izay any an-danitra.

Matio 9:8

Raiki-tahotra ny vahoaka nony nahita izany ka nankalaza an’Andriamanitra, izay nanome ny olona fahefana toy izany.

Lioka 1:68

Isaorana anie ny Tompo Andriamanitry ny Israely; fa nitsinjo ny olony Izy ka nanao fanavotana ho azy,

Lioka 19:44

ary hamongotra anao sy ny zanakao ao aminao izy ka tsy havelany hisy vato mifanongoa eo aminao, ho valin’ny tsy nahafantaranao ny fotoana namangiana anao.

Lioka 6:22

Sambatra ianareo, raha halan’ny olona ka ariany sy haratsiny, ary laviny toy ny zava-dratsy ny anaranareo, noho ny amin’ny Zanak’Olona.

Jaona 13:31

Nony efa tafavoaka izy dia hoy Jesosy: Ankehitriny dia efa ankalazaina ny Zanak’Olona; ary Andriamanitra no ankalazaina ao Aminy.

Asan’ny Apostoly 15:14

I Simeona dia efa nanambara izay nitsinjovan’Andriamanitra ny Jentilisa hatramin’ny voalohany mba handraisany firenena iray ho an’ny anarany.

Asan’ny Apostoly 24:13

ary tsy hain’ireo olona ireo hamarinina eto anatrehanao izay zavatra iampangany ahy ankehitriny.

Asan’ny Apostoly 25:7

Nony tonga izy dia nitsangana manodidina azy ireo Jiosy izay nidina avy tany Jerosalema ka zavatra maro sady lehibe, izay tsy azony nohamarinina akory, no niampangany azy.

Asan’ny Apostoly 28:22

fa mba tianay ho re avy aminao izay hevitrao satria fantatray fa toherin’ny olona hatraiza hatraiza io antoko io.

Romana 12:17

Aza mamaly ratsy na amin’iza na amin’iza. Miezaha hanao izay mahamendrika eo imason’ny olona rehetra.

Romana 13:13

Aoka isika hitondra tena tsara toy ny amin’ny antoandro; tsy amin’ny filalaovan-dratsy na amin’ny fahamamoana, tsy amin’ny fijangajangana na amin’ny fitondrantena tsy mendrika, tsy amin’ny fifandirana na amin’ny fialonana.

Romana 14:18

Koa izay manompo an’i Kristy amin’izany zavatra izany no sitrak’Andriamanitra sy eken’ny olona fa tsara.

Romana 15:9

mba hankalazan’ny Jentilisa an’Andriamanitra koa noho ny famindrampo, araka ny voasoratra hoe: «Izany no hiderako Anao any amin’ny Jentilisa sy hihirako ny anaranao» (Sal 18.49).

1Korintiana 14:25

koa miseho ny zavatra takona ao am-pony, dia hiankohoka izy ka hivavaka amin’Andriamanitra sady hilaza fa eo aminareo marina tokoa Andriamanitra.

2Korintiana 1:12

Fa izao no ataonay ho rehareha: Ny fieritreretanay no vavolombelona fa tamin’ny fahatsorana sy ny fahadiovam-po avy amin’Andriamanitra, ary tsy tamin’ny fahendrena ara-nofo, fa tamin’ny fahasoavan’Andriamanitra, no nitondranay tena teo amin’izao tontolo izao, indrindra fa teo aminareo.

2Korintiana 13:7

Ary mangataka amin’Andriamanitra izahay mba tsy hanao izay ratsy ianareo, tsy ny hisehoanay ho olona voazaha toetra anefa fa ny mba hanaovanareo izay tsara, na dia ho toy ny olona nolavina aza izahay.

2Korintiana 8:21

koa mikatsaka ny hanao ny tsara izahay, tsy eo imason’ny Tompo ihany fa eny imason’ny olona koa.

Efesiana 2:3

Teo amin’ireo no nitondrantsika rehetra tena koa fahiny tamin’ny filan’ny nofontsika ka nanaovantsika ny danin’ny nofo sy ny saina; ary araka ny toetsika dia voatendry ho amin’ny fahatezerana toy ny hafa koa isika.

Efesiana 4:22

mba hialanareo ny toetra maha olona taloha anareo araka ny fitondrantenanareo fahiny izay mihasimba araka ny filan’ny fitaka;

Filipiana 1:27

Izao ihany no teniko: Aoka ny fitondrantenanareo ho mendrika ny Filazantsaran’i Kristy ka na ho tonga hahita anareo aho na tsy ho tonga dia handre ny momba anareo, fa maharitra amin’ny fanahy iray ianareo ka miray fo hiara-miezaka hampandroso ny finoana ny Filazantsara,

Filipiana 4:8

Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona maha te ho tia, na inona na inona tsara laza, raha misy hatsaram-panahy ary raha misy dera, dia hevero izany.

1Tesaloniana 4:12

mba handehananareo amin’izay fitondrantena mahamendrika amin’ny eo ivelany ka tsy hiankina na amin’iza na amin’iza ianareo.

1Timoty 2:2

ho an’ny mpanjaka mbamin’izay rehetra manana fahefana, mba hiainantsika am-piadanana sy mandry fehizay amin’ny fahatahorana an’Andriamanitra sy ny fahamaotinana rehetra.

1Timoty 4:12

Aoka tsy hisy olona hanao tsinontsinona anao noho ny hatanoranao; fa aoka ho tonga fianarana ho an’ny mino ianao amin’ny fiteny, amin’ny fitondrantena, amin’ny fitiavana, amin’ny finoana, amin’ny fahadiovana.

1Timoty 5:10

Tsy maintsy tsara laza amin’ny asa tsara izy: Raha namelon-jaza, raha nampiantrano vahiny, raha nanasa ny tongotry ny olona masina, raha namonjy ny azom-pahoriana, raha nazoto nanatanteraka ny asa tsara rehetra.

Hebreo 13:18

Mivavaha ho anay; satria matoky izahay fa manana fieritreretana tsara ka te hitondra tena tsara amin’ny zavatra rehetra.

Hebreo 13:5

Aoka tsy ho amin’ny fitiavam-bola ny toe-tsainareo, fa mianìna amin’izay anananareo; fa hoy Izy: «Izaho tsy handao anao mihitsy na hahafoy anao akory» (Jos 1.5).

Jakoba 3:13

Iza eo aminareo no hendry sy manam-pahalalana? Aoka hasehony amin’ny fitondrantena tsara ny asany, amin’ny fahalemem-panahy sy fahendrena.

1Petera 2:15

Fa toy izany no sitrapon’Andriamanitra ka hampanginanareo amin’ny fanaovan-tsoa ny tsy fahalalan’ny olona adala;

1Petera 3:16

nefa amin’ny fahalemem-panahy sy ny fanajana; koa manàna fieritreretana tsara. Amin’izany dia ho menatra izay manaratsy ny fitondrantenanareo tsara ao amin’i Kristy ka manendrikendrika anareo.

1Petera 4:11

Raha misy olona miteny dia aoka izy hiteny toy ny milaza tenin’Andriamanitra; raha misy olona manompo dia aoka izy hanao izany araka ny hery izay omen’Andriamanitra azy mba hankalazana an’Andriamanitra amin’ny zavatra rehetra amin’ny alalan’i Jesosy Kristy; fa Azy ny voninahitra sy ny fanjakana mandrakizay mandrakizay. Amena.

2Petera 3:11

Koa raha ho levona toy izany izao zavatra rehetra izao dia tokony hanao ahoana moa ny fitondrantena masina sy ny toe-panahinareo araka an’Andriamanitra

Rota 3:14

Dia nandry teo an-tongony mandra-paharain’ny andro i Rota, ary nifoha raha mbola maizimaizina, ilay mbola tsy ifankahalalana iny. Fa hoy Ralehilahy: Aza avela ho fantatr’olona fa tatỳ am-pamoloana Ravehivavy!