1Jaona 5:16 - Baiboly Protestanta Malagasy 2011

¹⁶ Raha misy mahita ny rahalahiny manao ota tsy mitondra ho amin’ny fahafatesana dia aoka hifona ho azy izy, ary Andriamanitra no hanome azy fiainana; ho an’izay nanao ota tsy ho amin’ny fahafatesana izany. Misy ota ho amin’ny fahafatesana. Tsy mba lazaiko fa tokony hangataka ny amin’izany izy.

DIEM PROTESTANTA

¹⁶ Raha misy mahita ny namana iray finoana manao ota tsy mahafaty, dia aoka izy hivavaka ho azy ary Andriamanitra no hanome azy fiainana: izay ny amin’ireo manao ota tsy mahafaty. Fa misy ota mahafaty, ka tsy mba ny amin’izany no ilazako hoe tokony hivavaka izy.

Dikateny Iombonana Eto Madagasikara

¹⁶ Raha misy mahita ny namana iray finoana manao ota tsy mahafaty, dia aoka izy hivavaka ho azy ary Andriamanitra no hanome azy fiainana: izay ny amin’ireo manao ota tsy mahafaty. Fa misy ota mahafaty, ka tsy mba ny amin’izany no ilazako hoe tokony hivavaka izy.

Baiboly Katolika

¹⁶ Raha misy mahita ny namany manao fahotana tsy ho amin’ny fahafatesana, aoka hivavaka ho azy izy, ary Andriamanitra no hanome azy ny fiainana, dia an’izay manota tsy ho amin’ny fahafatesana. Misy fahotana ho amin’ny fahafatesana; tsy mba ny amin’izany no ilazako hoe tokony hivavaka.

Baiboly Protestanta Malagasy

¹⁶ Raha misy mahita ny rahalahiny manao ota tsy mahafaty, dia aoka hifona ho azy izy, ary Andriamanitra no hanome azy fiainana ho an’izay manao ota tsy mahafaty. Misy ota mahafaty; tsy mba lazaiko fa tokony hangataka ny amin’izany izy.

Malagasy Bible

¹⁶ Raha misy mahita ny rahalahiny manao ota tsy mahafaty, dia aoka hifona ho azy izy, ary Andriamanitra no hanome azy fiainana ho an'izay manao ota tsy mahafaty. Misy ota mahafaty; tsy mba lazaiko fa tokony hangataka ny amin'izany izy.

La Bible en Malgache

¹⁶ Raha misy mahita ny rahalahiny manao ota tsy mitondra ho amin’ny fahafatesana dia aoka hifona ho azy izy, ary Andriamanitra no hanome azy fiainana; ho an’izay nanao ota tsy ho amin’ny fahafatesana izany. Misy ota ho amin’ny fahafatesana. Tsy mba lazaiko fa tokony hangataka ny amin’izany izy.

1Jaona 5:16 Rohy Ifampitohizana

Genesisy 20:17

Ary nifona tamin’Andriamanitra i Abrahama; ary Andriamanitra nahasitrana an’i Abimeleka sy ny vadiny mbamin’ireo mpanompovaviny, dia niteraka izy ireo.

Genesisy 20:7

Koa ankehitriny, avereno ny vadin-dRalehilahy, fa mpaminany izy ka hifona ho anao, dia ho velona ianao. Fa raha tsy averinao izy, aoka ho fantatrao fa ho faty tokoa ianao, dia ianao mbamin’izay rehetra mety ho anao.

Salamo 106:23

Ary nilaza handringana azy Izy raha tsy i Mosesy voafidiny no nandroso hijoro tamin’ny banga teo anatrehany, hampiala ny fahatezerany mba tsy handringanany azy.

Eksodosy 34:9

ary niteny hoe: Tompo ô, raha mba mahita fitia eo imasonao aho dia aoka Ianao, Tompo ô, handeha eo afovoanay ka hamela ny helokay sy ny fahotanay ary handray anay ho lovanao, na firenena mafy hatoka aza ity.

Jeremia 11:14

Koa aza mivavaka ho an’ity firenena ity ianao, ary aza manandratra fitarainana na fifonana ho azy; fa amin’ny andro izay hitarainany Amiko noho ny fahoriany dia tsy hihaino azy Aho.

Jeremia 14:11

Dia hoy NY TOMPO tamiko: Aza mivavaka ho an’ity firenena ity hahasoa azy.

Jeremia 7:16

Koa aza mivavaka ho an’ity firenena ity ianao, ary aza manandratra fitarainana sy fivavahana ho azy na mifona Amiko, fa tsy hihaino anao Aho.

Ezekiela 22:30

Nitady olona teo aminy Aho hanao manda sy hijanona eo amin’ny banga eo anatrehako hifona ho an’ny tany mba tsy handravako azy, kanjo tsy nahita.

Nomery 12:13

Dia nitaraina tamin’NY TOMPO i Mosesy hoe: Andriamanitra ô, mifona aminao aho mba sitrano re izy!

Nomery 15:30

Fa ny olona izay manota amin’ny fanahy iniana kosa, na tompon-tany na mpifindra monina, dia manamavo NY TOMPO izy ka hofongorana tsy ho amin’ny fireneny.

Lioka 12:10

Fa na zovy na zovy no hiteny hanohitra ny Zanak’Olona dia hahazo famelan-keloka; fa izay miteny ratsy ny Fanahy Masina dia tsy mba hahazo famelan-keloka.

Jaona 17:9

Mangataka ho azy Aho; tsy mangataka ho an’izao tontolo izao Aho, fa ho an’izay nomenao Ahy satria Anao izy.

2Timoty 4:14

I Aleksandra, mpanefy varahina, dia nanisy ratsy ahy be loatra. Ny Tompo hamaly azy araka ny asany.

1Jaona 5:17

Ota avokoa ny tsy fahamarinana rehetra; ary misy ota tsy ho amin’ny fahafatesana.

1Samoela 12:19

Dia hoy ny vahoaka rehetra tamin’i Samoela: Mifonà amin’NY TOMPO Andriamanitrao ho an’ny mpanomponao mba tsy ho faty izahay! Fa efa nanao izao ratsy izao izahay ho fanampin’ny fahotanay rehetra, noho ny nangatahanay mpanjaka.

1Samoela 2:25

Raha misy olona manota amin’olona dia Andriamanitra no hitsara azy; fa raha misy kosa manota amin’NY TOMPO, iza no hifona ho azy? Nefa tsy nihaino ny tenin’ny rainy izy ireo satria efa sitraky NY TOMPO ny hahafaty azy ireo.