Zefania 2:2 - Baiboly Katolika

² alohan’ny hiterahan’ny biby sy hihelenan’ny andro toy ny mololo; alohan’ny hiharan’ny firehitry ny fahatezeran’i Iaveh aminareo, alohan’ny hidonan’ny andron’ny fahaviniran’i Iaveh aminareo.

Baiboly Protestanta Malagasy 2011

² dieny tsy mbola mihatra ny didy, fa mihelina toy ny akofa ny andro, dieny tsy mbola tonga aminareo ny hamafin’ny hatezeran’NY TOMPO; eny, dieny tsy mbola tonga aminareo ny andro firehetan’ny fahatezeran’NY TOMPO!

DIEM PROTESTANTA

² dieny ianareo tsy mbola tonga toy ny akofa izay miely indray andro monja, dieny tsy mbola mahazo anareo ny afom-pahatezeran’ny TOMPO, ary dieny tsy mbola tonga aminareo ny andro hirehetan’izany.

Dikateny Iombonana Eto Madagasikara

² dieny ianareo tsy mbola tonga toy ny akofa izay miely indray andro monja, dieny tsy mbola mahazo anareo ny afom-pahatezeran’ny TOMPO, ary dieny tsy mbola tonga aminareo ny andro hirehetan’izany.

Baiboly Protestanta Malagasy

² Dieny tsy mbola mihatra ny didy (Mihelina toy ny akofa ny andro!), Dieny tsy mbola tonga aminareo ny fahatezerana mafin’i Jehovah, Eny, dieny tsy mbola tonga aminareo ny andro firehetan’ny fahatezeran’i Jehovah.

Malagasy Bible

² Dieny tsy mbola mihatra ny didy (Mihelina toy ny akofa ny andro!), Dieny tsy mbola tonga aminareo ny fahatezerana mafin'i Jehovah, Eny, dieny tsy mbola tonga aminareo ny andro firehetan'ny fahatezeran'i Jehovah.

La Bible en Malgache

² dieny tsy mbola mihatra ny didy, fa mihelina toy ny akofa ny andro, dieny tsy mbola tonga aminareo ny hamafin’ny hatezeran’NY TOMPO; eny, dieny tsy mbola tonga aminareo ny andro firehetan’ny fahatezeran’NY TOMPO!

Zefania 2:2 Rohy Ifampitohizana

Joba 21:18

Moa toa mololo indaosin’ny rivotra no ahitana azy, sy toy ny akofa paohin’ny tadio?

Salamo 1:4

Tsy mba toy izany ny tsy mpivavaka: toy ny akofa faohin’ny rivotra izy,

Salamo 2:12

Orohy ny Zanaka fandrao tezitra izy; ka ho very any amin’ny lalanareo ianareo; fa vetivety dia hirehitra ny hatezerany. Sambatra izay rehetra matoky Azy.

Salamo 50:22

Koa mitandrema àry, ianareo manadino an’Andriamanitra, fandrao ataoko potika, ka tsy hisy hamonjy.

Isaia 17:13

Mirohondrohona hoatra ny rano mahery izy. Mirohondrohona ny firenena toy ny firohondrohon’ny ranobe. Kanjo rahonany ireny, dia mandositra lavitra, dia tafaely toy ny mololo tsofin’ny rivotra eny an-kavoana, toy ny vovoka mitambolimbolina eo anoloan’ny tafio-drivotra.

Jeremia 23:20

Tsy hihemotra ny hatezeran’i Iaveh raha tsy efa vitany sy tanterany ny hevitry ny fony. Ho fantatrareo mazava izany, amin’ny andro farany.

Jeremia 4:4

Miforà ho an’i Iaveh ianareo, ary ny fonareo no forao, ry olona ao Jodà, sy ry mponina ao Jerosalema, fandrao hipoaka hoatra ny afo ny fahatezerako, ka handoro, ary tsy hisy olona hamono azy, noho ny haratsian’ny ataonareo.

Fitomaniana 4:11

Nanampatra hatramin’ny fara fahatezerany i Iaveh, nandefa ny fahatezerany mirehitra; dia nandrehitra afo tao Siôna izy, ka levon’izany ny fanorenany.

Ezekiela 12:25

Fa Izaho Iaveh, hiteny, ary ny teny holazaiko, ho tanteraka; tsy hanaovana ampitso lava. Eny, amin’izao andronareo izao, ry taranaka miodina, no hilazako ny teny, sy hanatanterahako azy. - Teny marin’ny Tompo Iaveh. -

Hosea 13:3

Noho izany izy ireo dia ho tahaka ny rahona maraina, ho toy ny ando amin’ny maraina malaky levona, ho tahaka ny akofa paohin’ny rivotra avy eo am-pamoloana, ary ho tahaka ny setroka mivoaka avy eo am-baravarankely.

Nahoma 1:6

Iza no mahatoetra eo anoloan’ny fahavinirany? Zovy no mahatanty ny firehitry ny fahatezerany? Mitatra toy ny afo ny fahatezerany, ary mitresaka eo anoloany ny vatolampy.

Zefania 1:18

Tsy hisy hahavonjy azy na ny volafotsiny na ny volamenany, amin’ny andron’ny fisafoahan’i Iaveh; holevonin’ny fahasaro-piarony avokoa ny tany; fa hataony rava tsy misy miangana, ataony fongotra tampoka, ny mponina rehetra amin’ny tany.

Zefania 3:8

Koa andrasonareo Aho, - teny marin’i Iaveh, - amin’ny andro hitsanganako haka babo! Satria izao no didiko, dia ny hanangonako ny firenena, hamoriako ny fanjakana, hanidinako ny fahatezerako amin’izy ireo, dia ny firehetan’ny fahatezerako rehetra. Fa ny afon’ny fahasaro-piaroko no handevona ny tany rehetra.

Matio 24:35

Ny tany aman-danitra ho levona, fa ny teniko tsy mba ho levona.