Zefania 1:12 - Baiboly Katolika

¹² Izao no hatao amin’izany andro izany: Hokarohiko amin’ny fanala i Jerosalema, ka hofaizako ny olona mandry mifetaka amin’ny faikany, izay manao anakampo hoe: Tsy manisy soa, tsy manisy ratsy i Iaveh!

Baiboly Protestanta Malagasy 2011

¹² Amin’izany andro izany dia hotsiloviko amin’ny jiro i Jerosalema, koa hovaliako ny olona izay efa lefy toy ny divay misy faikany, dia izay miteny anakampo hoe: Sady tsy hanao soa NY TOMPO no tsy hanao ratsy.

DIEM PROTESTANTA

¹² Amin’izay fotoana izay dia handray fanala Aho ary hosavaiko ny tanànan’i Jerosalema; ka hofaiziko ny olona izay mandry fahalemana toy ny faikan-divay efa mifetaka, dia izay manao anakampo hoe: «Sady tsy hanao soa ny TOMPO no tsy hanao ratsy!»

Dikateny Iombonana Eto Madagasikara

¹² Amin’izay fotoana izay dia handray fanala Aho ary hosavaiko ny tanànan’i Jerosalema; ka hofaiziko ny olona izay mandry fahalemana toy ny faikan-divay efa mifetaka, dia izay manao anakampo hoe: «Sady tsy hanao soa ny TOMPO no tsy hanao ratsy!»

Baiboly Protestanta Malagasy

¹² Ary amin’izany andro izany dia hotsiloviko amin’ny jiro Jerosalema, Ka hovaliako ny olona izay efa lefy ao amin’ny faikany, Dia izay manao anakampo hoe: Sady tsy hanao soa Jehovah no tsy hanao ratsy.

Malagasy Bible

¹² Ary amin'izany andro izany dia hotsiloviko amin'ny jiro Jerosalema, Ka hovaliako ny olona izay efa lefy ao amin'ny faikany, Dia izay manao anakampo hoe: Sady tsy hanao soa Jehovah no tsy hanao ratsy.

La Bible en Malgache

¹² Amin’izany andro izany dia hotsiloviko amin’ny jiro i Jerosalema, koa hovaliako ny olona izay efa lefy toy ny divay misy faikany, dia izay miteny anakampo hoe: Sady tsy hanao soa NY TOMPO no tsy hanao ratsy.

Zefania 1:12 Rohy Ifampitohizana

Joba 21:15

Zinona moa ny Tsitoha, no hotompoinay? Inona no ho azonay amin’izay fivavahana aminy?›

Salamo 10:4

Hoy ny ratsy fanahy, amin’ny fianjonanjonany: Tsy mamay izy! Tsy misy Andriamanitra. Izany no totalin-keviny.

Salamo 14:1

Ny adala manao anakam-po hoe: «Tsy misy Andriamanitra!» Efa simba izy ireo; asa mahamenatra no ataony; Tsy misy manao ny tsara na dia iray aza.

Salamo 94:7

ka manao hoe: «Tsy mijery akory i Iaveh, tsy asian’ny Andriamanitr’i Jakôba raharaha akory izany!»

Isaia 5:19

izay manao hoe: «Aoka ho dodona izy, aoka hohafainganiny ny asany, hahitantsika azy! Aoka hihakely sy ho tanteraka ny didin’Ilay Masin’i Israely, ka hahafantarantsika!»

Jeremia 10:5

Sahala amin’ny andry voavaofy tamin’ny milina fandrafetana ireny andriamanitra ireny ka entin’olona, fa tsy afa-mandeha. Aza matahotra an’ireny, fa tsy mahay manisy ratsy izy; ary indrindra koa tsy mahay manisy soa.»

Jeremia 48:11

Hatry ny fony mbola zaza i Moaba dia nandry feizay, niotrika teo amin’ny faikany, tsy nafindrafindra vilany, tsy lasana ho any amin’ny fahababoana, ka dia naharitra ny tsirony, ary tsy niova ny fofony.

Ezekiela 8:12

Dia hoy Izy tamiko: «Hitanao va, ry zanak’olona, ity ataon’ny loholon’ny taranak’i Israely ao amin’ny maizina, samy anatin’ny efitranony feno sary avy? Fa hoy izy ireo: Tsy mahita antsika i Iaveh; efa nandao ny tany i Iaveh.»

Ezekiela 9:4

ka hoy i Iaveh taminy hoe: «Mandehana mamaky ny tanàna, mamaky an’i Jerosalema, ka asio marika Tao ny handrin’ny olona misento sy mitaraina, noho ny fahavetavetana rehetra atao ao.»

Ezekiela 9:9

Ary hoy Izy tamiko: «Lehibe dia lehibe indrindra ny heloky ny taranak’i Israely sy i Jodà. Feno ran’olona ny tany, feno tsy fahamarinana ny tanàna, fa hoy izy ireo: Afoin’i Iaveh ny tany; tsy mahita na inona na inona i Iaveh.

Amosa 6:1

Mila loza ireo mandry feizay ao Siôna, sy mitoetra matoky ao an-tendrombohitr’i Samaria; dia ireo malaza indrindra amin’ilay firenena, lohan’ny firenena, ireo izay hatonin’ny taranak’i Israely!

Obadia 1:6

Endrey izany fisava an’i Esao! Endrey izany fikaroka ny rakiny miafina!

Malakia 2:17

Efa nanasatra an’i Iaveh ianareo, tamin’ny teninareo. Ary hoy ianareo: Tamin’ny inona, no nanasaranay Azy? - Tamin’ny fanaovanareo hoe: Na zovy na zovy manao ratsy, dia tsara eo imason’i Iaveh, ary ireo olona ireo no ankasitrahiny! Na tamin’ny hoe: Aiza ny Andriamanitry ny fahamarinana?

2Petera 3:4

ka hilaza hoe: «Aiza ity fampanantenany hoe ho avy? Fa hatrizay nahafatesan’ny razana izay, tsy misy miova ny zavatra rehetra, fa toy ny hatramin’ny nahariana izao tontolo izao ihany.»

Apokalipsy 2:23

Hasiako amin’ny fahafatesana ny zanany, dia ho fantatry ny Eglizy rehetra fa Izaho no mandinika ny voa sy ny fo, ary homeko araka ny asanareo avy ianareo rehetra.