Zakaria 8:12 - Baiboly Katolika

¹² - Fa ny voa afafy hirobona, ny voaloboka, hamoa ny voany; ny tany, hahavokatra ny vokany; ny lanitra, handatsaka ny andony; ary izay sisa amin’ity firenena ity no hataoko tompon’izany zavatra rehetra izany.

Baiboly Protestanta Malagasy 2011

¹² Fa hamafy amin’ny fiadanana ny olona: Ny voaloboka dia hamoa, ny tany dia hahavokatra, ny lanitra dia hampilatsaka ny andony ary ny sisa amin’ity firenena ity no hampandovaiko izany rehetra izany.

DIEM PROTESTANTA

¹² fa hamafy fiadanana etỳ amin’ny tany Aho ka hamoa be ny voaloboka ary hahavokatra ny saha; ny lanitra hampilatsaka ny orana sahaza, ary dia homeko ireo soa rehetra ireo izay sisa velona amin’ny vahoakako.

Dikateny Iombonana Eto Madagasikara

¹² fa hamafy fiadanana etỳ amin’ny tany Aho ka hamoa be ny voaloboka ary hahavokatra ny saha; ny lanitra hampilatsaka ny orana sahaza, ary dia homeko ireo soa rehetra ireo izay sisa velona amin’ny vahoakako.

Baiboly Protestanta Malagasy

¹² Fa hisy vokatry ny fiadanana, ny voaloboka hamoa, ary ny tany hahavokatra, ary ny lanitra hampilatsaka ny andony, ary ny sisa amin’ity firenena ity no hampandovaiko izany rehetra izany.

Malagasy Bible

¹² Fa hisy vokatry ny fiadanana, ny voaloboka hamoa, ary ny tany hahavokatra, ary ny lanitra hampilatsaka ny andony, ary ny sisa amin'ity firenena ity no hampandovaiko izany rehetra izany.

La Bible en Malgache

¹² Fa hamafy amin’ny fiadanana ny olona: Ny voaloboka dia hamoa, ny tany dia hahavokatra, ny lanitra dia hampilatsaka ny andony ary ny sisa amin’ity firenena ity no hampandovaiko izany rehetra izany.

Zakaria 8:12 Rohy Ifampitohizana

Genesisy 26:12

Ary i Isaaka namafy tamin’izany ka nahavokatra avo zato heny izy tamin’io taona io.

Genesisy 27:28

Andriamanitra anie hanome anao amin’ny andon’ny lanitra sy amin’ny menaky ny tany; mbamin’ny vary aman-divay ankabetsahana!

1Mpanjaka 17:1

Ary i Elia, Tesbita, isan’ny mponina tao Galaada, nilaza tamin’i Akaba hoe: «Velona i Iaveh, Andriamanitr’i Israely, izay itsanganako eo anatrehany! Tsy hisy ando na ranonorana amin’ireto taona ireto raha tsy teniko ihany.»

Salamo 72:3

Aoka hahavokatra fiadanana ho an’ny vahoaka ny tendrombohitra, torak’izany ny havoana, amin’ny fahamarinana.

Salamo 85:12

Hitsimoka amin’ny tany, ny fahamarinana, ary hitsinjo ny rariny any ambonin’ny lanitra.

Ohabolana 19:12

Tahaka ny fieron’ny liona ny hatezeran’ny mpanjaka; ary tahaka ny ando amin’ny ahitra ny fanambinany.

Isaia 30:23

Ny Tompo handefa ny ranonorany amin’ny voa nafafinao amin’ny tany, ary ny tany hahavokatra mofo, tsara tokoa sady betsaka, amin’izany andro izany ny biby fiompinareo hihinana eny amin’ny tany fiandrasana malalaka:

Isaia 61:7

Ho solon’ny henatrareo taloha, dia anjara roa no horaisinareo, ary ho solon’ny fahafaham-baraka, dia hifaly amin’ny anjarany avy izy ireo, ka dia hahazo anjara roa eo amin’ny taniny izy ireo, dia hisy fifaliana mandrakizay ho azy.

Jeremia 31:12

Ho avy izy, omban-kobim-pifaliana ho eo amin’ny havoan’i Siôna. Hitanjozotra ho eo amin’ny zava-tsoan’i Iaveh izy ireo, ho amin’ny vary, ny divay vaovao, ny diloilo, ho amin’ny ondry aman’omby; ho toy ny saha vonton-drano ny fanahiny, ka hitsahatra tsy halazo intsony.

Ezekiela 34:28

Ny firenena tsy hamabo azy intsony; ny bibin’ny tany tsy hihinana azy intsony ary handry feizay, tsy hisy hanaitaitra azy izy.

Ezekiela 36:12

Hitondra olona ho eo aminareo Aho dia i Israely vahoakako, ka izy hanana anao; ho lovany ianao, ary tsy hahalany fara azy intsony.

Ezekiela 36:30

Hampitomboiko ny voankazo, mbamin’ny vokatry ny saha, mba tsy hitondranareo intsony latsa ama-mosary eo amin’ny firenena.

Ezekiela 36:9

Indro Aho ho avy eo aminareo, sy hitodika ny tavako ho aminareo, ka dia hasaina sy hofafazana ianareo.

Hosea 13:3

Noho izany izy ireo dia ho tahaka ny rahona maraina, ho toy ny ando amin’ny maraina malaky levona, ho tahaka ny akofa paohin’ny rivotra avy eo am-pamoloana, ary ho tahaka ny setroka mivoaka avy eo am-baravarankely.

Hosea 14:5

Hositraniko ny fiodinany; ho tiako amin’ny foko tokoa izy, fa efa niala taminy ny fahatezerako.

Joela 2:19

Dia namaly i Iaveh ka nanao tamin’ny vahoakany hoe: «Indro ianareo efa nandefasako vary, sy divay vaovao aman-diloilo, dia ho vokin’izany ianareo; ary tsy hataoko fandatsa any amin’ny firenena intsony ianareo.

Joela 2:22

Aza matahotra, ry biby any an-tsaha, fa ny kijana any an’efitra efa nihamaitso indray, ny hazo, efa namoa; ny aviavy amam-boaloboka nanolotra ny vokany sarobidy

Levitikosy 26:3

«Raha manaraka ny lalàko sy mitandrina ny didiko ianareo, ka mankatò izany,

Zefania 3:13

Ny sisa amin’i Israely dia tsy hanao ny tsy marina, na hilaza lainga, ary tsy hahitana eo am-bavany intsony izay lela mandainga. Fa hihinana sy handry feizay izy ireo, ary tsy hisy olona hanaitaitra azy.

Hagay 1:10

Noho izany ny lanitra tsy nandefa ny ando ho anareo, ary ny tany mandà tsy hanome ny vokany.

Hagay 2:18

Koa diniho hatramin’izao anio izao no mankany, ny hatramin’ny andro faha-24n’ny volana fahasivy, ka hatramin’ny andro nanorenana ny Tempolin’i Iaveh, diniho!

Hagay 2:19

Mbola nisy voa famafy va tao an-tsompitra? Na ny voaloboka aza, na ny aviavy, na ny ampongabendanitra, na ny ôliva, tsy misy nahavokatra kely akory; fa hatramin’izao andro izao kosa, dia hotahìko ianareo.

Zakaria 8:6

Izao no lazain’i Iavehn’ny tafika: «Amin’izany andro izany, na hiseho ho zava-mahagaga aza izany eo imason’izay sisa amin’ity firenena ity, moa ho zava-mahagaga eo imasoko koa va izany.» - teny marin’i Iavehn’ny tafika? -

Malakia 3:11

Noho ny aminareo, dia horoahiko ny biby madinika mpandany; ka tsy hanimba ny vokatry ny taninareo intsony, ary tsy hisy tsy hahavanom-boa ny voaloboka any an-tsahanareo, hoy i Iaveh’ny tafika.

Matio 6:33

Koa katsaho àry aloha ny fanjakan’Andriamanitra sy ny fahamarinany, dia homena izany rehetra izany ianareo ho fanampiny.

1Korintiana 3:21

Koa aza misy manao olona ho reharehany,

Deoteronomia 32:2

Aoka hirotsaka toa ranonorana ny fampianarako; ary hilatsaka tahaka ny ando ny teniko, dia tahaka ny tandrifin-drahona amin’ny zava-maitso, toy ny rano mitete amin’ny ahi-maitso.

Deoteronomia 33:13

Ny amin’i Josefa dia hoy izy: «Tahin’i Iaveh ny taniny; azy ny ando fanomezan-tsoan’ny lanitra ny rano amin’ny hantsana lehibe monina ao ambany;

Deoteronomia 33:28

Mandry feizay i Israely; miboiboika miavaka ny loharanon’i Jakôba, ao amin’ny tany be vary aman-divay, ary ny lanitra ao aminy mampitsororoka ny ranonando.

Jakoba 3:18

Ary izay mampihavana dia mamafy ny vokatry ny fahamarinana amin’ny fihavanana.