Tononkiran’i Solomona 5:1 - Baiboly Katolika

¹ Efa tafiditra ny tanimboliko aho, ry anabaviko voafofo, efa nioty ny mirako aman-java-manitra aho; efa nihinana ny toho-tantely aman-tanteliko aho...! efa nisotro ny divay aman-drononoko aho...! Mihinàna, ry sakaiza, misotroa, mimamoa, ianareo olon-tiako!

Baiboly Protestanta Malagasy 2011

¹ Efa tonga eto an-tsahako aho, ry havako ampakariko; mioty ny miorako mbamin’ny balisama aho; efa homana ny toho-tanteliko mbamin’ny tanteliko aho, ary efa misotro ny divaiko mbamin’ny rononoko. Mihinàna ianareo, ry sakaizako, misotroa, eny, mivokisa divay, ry malala.

DIEM PROTESTANTA

¹ Tonga eto an-jaridainako aho, ry havako fofombadiko, ka mioty ny miorako mbamin’ny zava-manitro, sy mihinan-tantely avy amin’ny tohotra, ary misotro ny divaiko sy ny rononoko. «Mihinàna ianareo, ry sakaiza, ka misotroa; ary aoka ianareo ho sondriam-pitia.»

Dikateny Iombonana Eto Madagasikara

¹ Tonga eto an-jaridainako aho, ry havako fofombadiko, ka mioty ny miorako mbamin’ny zava-manitro, sy mihinan-tantely avy amin’ny tohotra, ary misotro ny divaiko sy ny rononoko. «Mihinàna ianareo, ry sakaiza, ka misotroa; ary aoka ianareo ho sondriam-pitia.»

Baiboly Protestanta Malagasy

¹ Efa tonga eto an-tsahako aho, ry havako ampakariko; Mioty ny miorako mbamin’ny zava-manitro aho; Efa homana ny toho-tanteliko mbamin’ny tanteliko aho, Ary efa misotro ny divaiko mbamin’ny rononoko; Homàna hianareo, ry sakaizako, Misotroa, eny, mivokisa divay, ry malala.

Malagasy Bible

¹ Efa tonga eto an-tsahako aho, ry havako ampakariko; Mioty ny miorako mbamin'ny zava-manitro aho; Efa homana ny toho-tanteliko mbamin'ny tanteliko aho, ary efa misotro ny divaiko mbamin'ny rononoko; Homàna ianareo, ry sakaizako, misotroa, eny, mivokisa divay, ry malala.

La Bible en Malgache

¹ Efa tonga eto an-tsahako aho, ry havako ampakariko; mioty ny miorako mbamin’ny balisama aho; efa homana ny toho-tanteliko mbamin’ny tanteliko aho, ary efa misotro ny divaiko mbamin’ny rononoko. Mihinàna ianareo, ry sakaizako, misotroa, eny, mivokisa divay, ry malala.

Tononkiran’i Solomona 5:1 Rohy Ifampitohizana

Genesisy 37:25

Ary dia nipetraka nihinana izy ireo. Nony natopiny ny masony, dia hitany fa indreny nisy Ismaelita niray dia avy any Galaada; ary ny entana nentin’ny ramevany dia astragala, ditin-kazo manitra, mbamin’ny ladanôma, ndeha havariny any Ejipta.

Salamo 147:11

fa ny fankasitrahan’i Iaveh dia ireo matahotra Azy, ireo manantena ny hatsaram-pony.

Salamo 16:3

Ny olo-masina izay ety amin’ny tany, ireo malaza, dia tiako amin’ny foko rehetra».

Ohabolana 24:13

Anaka, mihinàna tantely fa tsara izany, ho mamy eo am-bavanao ny takela-tantely.

Ohabolana 9:5

«Avia, hano ny mofoko, ary sotroy ny divay nampifangaroiko.

Mpitoriteny 2:5

nanamboatra zaridaina aman-tsaha nambolena hazo mamoa, dia namboly hazo fihinam-boa isan-karazany teo,

Tononkiran’i Solomona 1:13

Ho ahy ny malalako, dia mira eran-kitapo kely, izay miondana eo an-tratrako.

Tononkiran’i Solomona 4:16

Mifohaza, ry rivotra avy any avaratra, avia ry rivotra avy any atsimo! Mitsofa eo an-tanimboliko, hitetevan’ny hazo mahavokatra dity manitra. Aoka hiditra ao an-tanimboliny ny malalako, ka hihinana amin’ireo voankazony tsara tarehy!

Tononkiran’i Solomona 4:8

Avia, hiaraka amiko, avy any Libàna, ry fofom-badiko, avia hiaraka amiko, avy any Libàna! Topazo maso avy eny an-tampon’i Amàna, avy eny an-tampon’i Sanira sy i Hermôna, avy any amin’ny lavaky ny liona, sy ny tendrombohitry ny leoparda.

Tononkiran’i Solomona 6:11

Nidina tany an-tsahan’ny noaie aho hizaha ny ahitra eny an-dohasaha, hizaha raha mitsimoka ny voaloboka, raha mamòny ny ampongabendanitra.

Tononkiran’i Solomona 6:2

Lasa nidina any an-tanimboliny ny malalako, dia any an-kisahasahan-kazo mitete dity manitra, hiandry ondry any an-tanimboliny, sy hioty lisy any.

Tononkiran’i Solomona 8:1

Endrey naninona re no tsy anadahiko ianao, nitsentsitra ny nonon’ineny? fa raha tojo anao eny ivelany eny aho, dia hanoroka anao, nefa tsy hahazo fanesoana amin’izany.

Tononkiran’i Solomona 8:13

Eh, ianao izay mitoetra eny amin’ny zaridaina, manongilana sofina hihaino ny feonao ny namana, mba ampandreneso izany aho!

Isaia 23:18

Ary hatokana ho an’i Iaveh ny tombom-barony sy ny tanginy, fa tsy hangonina hiavosa na hotahirizina; satria ny azony dia ho an’ireo monina eo anatrehan’i Iaveh, hohaniny sy hivokisany ary hihaingoany fatratra.

Isaia 5:1

Andeha hihira ho an’ny malalako aho, ilay hiran’ny malalako, ny amin’ny tanimboalobony. Ny malalako dia nanan-tanimboaloboka, teo amin’ny tanety mahavokatra.

Isaia 51:3

Satria efa nampionona an’i Siôna i Iaveh, ka nampiononiny ny rava rehetra teo; novany ho tahaka an’i Edena ny efitra teo; ary ho zaridainan’i Iaveh ny tany foana tao. Fifaliana amam-piravoravoana no ho hita ao, mbamin’ny hira fisaorana amam-peo mozika.

Isaia 53:11

Noho ny fijalian’ny fanahiny, dia hahita Izy, ka ho afa-po. Ilay marina, mpanompoko, noho ny fijaliany, hanamarina olona betsaka, ary ny Tenany hivesatra ny helok’ireo.

Isaia 58:11

ary i Iaveh hitari-dalana anao mandrakizay; sy hamoky ny fanahinao eny amin’ny tany karankaina; ary hanome hery ny taolanao. Ho tahaka ny zaridaina tsara tondraka ianao, sy ho tahaka ny loharano velona, tsy manam-paharitana.

Isaia 61:11

«Fa toy ny ampanirian’ny tany ny tsimoka eo aminy, toy ny ampitsimohan’ny zaridaina ny voa nafafy eo aminy no ampanirian’i Iaveh Tompo ny fahamarinana, sy ny fiderana eo anatrehan’ny firenena rehetra.»

Isaia 65:13

Koa izao no lazain’i Iaveh Tompo: Ny mpanompoko hihinana, fa ianareo ho noana; ny mpanompoko hisotro, fa ianareo hangetaheta. Ny mpanompoko hiravoravo, fa ianareo hangaihay;

Isaia 66:14

Hahita izany ianareo, ka ho faly ny fonareo, ary hahazo aina indray hoatra ny ahi-maitso ny taolanareo. Hataon’ny tanan’i Iaveh izay hahalalan’ny mpanompony azy, sy hahalalan’ny fahavalony kosa ny fahatezerany.

Matio 25:40

Dia hamaly ny Mpanjaka ka hanao aminy hoe: Lazaiko marina aminareo fa isaky ny nanao izany tamin’ny anankiray amin’ireto havako kely indrindra ireto ianareo, dia nanao izany tamiko.

Lioka 12:4

Ka izao no lazaiko aminareo sakaizako: Aza matahotra izay mahafaty ny nofo, nefa raha efa izany tsy afa-manoatra intsony;

Jaona 3:29

Izay manana ny ampakarina no mpampakatra; fa ny sakaizan’ny mpampakatra izay mitsangana eo sy mihaino azy, dia faly tokoa mandre ny feon’ny mpampakatra; ary izany hafaliana izany no tanteraka amiko,

Asan’ny Apostoly 11:29

Ary nanapa-kevitra ny mpianatra fa hampitondra fiantrana araka ny ananany, hamonjy ireo havana iray finoana nonina tany Jodea,

Efesiana 5:18

Aza mimamo divay, satria loharanom-pahalotoana izany; fa mifenoa Fanahy Masina ianareo.

Apokalipsy 22:17

Ary hoy ny Fanahy sy ny Ampakarina: Avia! Aoka izay nandre koa hanao hoe: Avia. Ary aoka ho avy izay mangetaheta, mbamin’izay maniry izany, ka hisotro maimaim-poana amin’ny ranon’aina!

Mpitsara 14:11

Fa nahita azy ny olona dia nanasa olona telopolo lahy ho namany hiara-mitoetra aminy.

Mpitsara 14:20

Ary ny vadiny lasan’ny anankiray amin’ireo namany izay nofidiny ho sakaizany.