Salamo 81:3 - Baiboly Katolika

³ Miventesa hira arahim-peon’ny ampogatapaka, sy harpa mireondreona mbamin’ny valiha.

Baiboly Protestanta Malagasy 2011

³ Tsofy ny anjomara amin’ny voaloham-bolana, amin’ny fenovolana, dia amin’ny andro firavoravoantsika.

DIEM PROTESTANTA

³ Ingao ny hira, velezo ny amponga, tendreo ny lokanga tsara feo mbamin’ny valiha.

Dikateny Iombonana Eto Madagasikara

³ Ingao ny hira, velezo ny amponga, tendreo ny lokanga tsara feo mbamin’ny valiha.

Baiboly Protestanta Malagasy

³ Tsofy ny anjomara amin’ny volana; Eny, amin’ny feno-volana, dia amin’ny andro firavoravoantsika.

Malagasy Bible

³ Tsofy ny anjomara amin'ny volana; eny, amin'ny feno-volana, dia amin'ny andro firavoravoantsika.

La Bible en Malgache

³ Tsofy ny anjomara amin’ny voaloham-bolana, amin’ny fenovolana, dia amin’ny andro firavoravoantsika.

Salamo 81:3 Rohy Ifampitohizana

2Mpanjaka 4:23

Fa hoy ny lahy: «Nahoana no hankanesanao any anio? Tsy tsinam-bolana izao, tsy andro sabata akory?» Dia hoy ny navalin-dravehivavy: «Aza manana ahiahy.»

1Tantara 15:16

Nasain’i Davida notendren’ny lehiben’ny Levita ny rahalahiny mpihira miaraka amin’ny zava-maneno, dia ny valiha, ny harpa, ny kipantsona, hampaneno azy amin’ny feo mikarantsana sy maneho hafaliana.

1Tantara 15:19

I Hemàna sy i Asafa ary i Etàna mpihira, dia nitondra kipantsona varahina, hampanenoina.

1Tantara 15:24

I Sebeniasa, i Jôsafata, i Natanaely, i Amasa, i Zakaria, i Banaiasa, ary i Eleazara mpisorona, no nitsoka anjomara teo alohan’ny Fiaran’Andriamanitra, i Obededôma sy i Jehiasa no mpiandry varavarana teo akaikin’ny Fiara.

1Tantara 16:42

Niaraka tamin’ireo, dia niaraka tamin’i Hemàna sy i Iditona, dia nisy anjomara aman-kipantsona ho an’ireo tsy maintsy mampaneno azy, mbamin’ny zava-maneno hampiarahina amin’ny hiran’Andriamanitra. Ny zanak’i Iditona niadidy ny varavarana.

1Tantara 16:6

i Banaisa sy i Jaziela mpisorona nitsoka anjomara lalandava, teo anoloan’ny fiaran’ny faneken’Andriamanitra.

1Tantara 25:1

Natokan’i Davida sy ireo komandin’ny tafika, hanaovana ny fanompoana, ny sasany amin’ny taranak’i Asafa sy i Hemàna ary i Iditona izay naminany tamin’ny harpa aman-dokanga ary kipantsona. Izao no isan’ireo izay manana anjara raharaha amin’ny fanompoana.

2Tantara 13:12

Indro fa miaraka aminay, mitarika anay, Andriamanitra sy ny mpisorony, mbamin’ny trômpetra avo feo izay hotsofina hamelezana anareo. Koa aza miady amin’i Iaveh Andriamanitry ny razanareo, ry zanak’i Israely, fa tsy hahomby anie ianareo!»

2Tantara 13:14

Niherika i Jodà ka indro fa nisy mpamely teo anoloany sy teo ivohony. Nitaraina tamin’i Iaveh izy, ary nitsoka trômpetra ny mpisorona.

2Tantara 2:4

Ny trano hataoko dia tsy maintsy ho lehibe, satria lehibe noho ny andriamanitra rehetra ny Andriamanitray.

2Tantara 5:12

ny Levita mpihira rehetra, i Asafa, i Hemàna, i Iditona, mbamin’ny zanany aman-drahalahiny, samy nitafy rongony madinika, dia nitsangana teo atsinanan’ny ôtely, nitondra kipantsona sy valiha ary harpa, ary teo anilany ny mpisorona 120, samy nitsoka trômpetra;

2Tantara 8:13

Ka izay voadidin’ny lalàn’i Môizy dia nateriny isan’andro sy isan-tsabata; ary amin’ny voalohan’ny volana, sy amin’ny fety intelo isan-taona: dia ny fetin’ny azima, ny fetin’ny herinandro, ary ny fetin’ny tabernakla.

Salamo 149:3

Aoka izy ireo hidera ny Anarany amin’ny dihiny; aoka hihira Azy amin’ny ampongatapaka sy ny harpa!

Salamo 33:2

Miderà an’i Iaveh amin’ny harpa, mihirà ho azy amin’ny valiha tory folo.

Salamo 98:6

Manaova hobin-kafaliana eo anatrehan’i Iaveh Mpanjaka, amin’ny trômpetra amam-peon’anjomara.

Fitomaniana 2:6

Nidirany an-kery ny fefiny, toy ny tanimboly; noravany ny fitoerany masina. Nataon’i Iaveh nitsahatra tao Siôna ny fety aman-tsabatra; tamin’ny firehetan’ny hatezerany dia nariany amim-panesoana ny mpanjaka ama-mpisorona.

Nomery 15:3

ka hanatitra sorona atao amin’ny afo ho an’i Iaveh, na sorona dorana, na sorona fanalam-boady, na fanatitra an-tsitrapo, na amin’ny fetinareo, mba hisy hanitra mahafinaritra ho an’i Iaveh avy amin’ny omby na ondrinareo;

Nomery 28:11

«Amin’ny voaloham-bolanareo, ny haterinareo ho sorona dorana ho an’i Iaveh dia vantotr’ombalahy roa, ondralahy iray, zanak’ondry fito, efa iray taona, tsy misy kilema;

Deoteronomia 16:15

Hafitoana no hankalazanao ny fety, ho fanomezam-boninahitra an’i Iaveh Andriamanitrao any amin’ny fitoerana izay hofidin’i Iaveh, fa hambinin’i Iaveh Andriamanitrao ianao, amin’ny vokatra rehetra, sy amin’ny asan-tananao rehetra, ka dia hifaly eram-po tokoa ianao.

Kolosiana 2:16

Koa aoka ianareo tsy hotsarain’olona ny amin’ny fihinana amam-pisotro, na ny amin’ny andro fety aman-tsinam-bolana, na ny amin’ny andro sabata,