Salamo 78:38 - Baiboly Katolika

³⁸ Mamindra fo anefa Izy; mamela ny fahotana ary tsy mandringana; nanindry ny hatezerany matetika, ary tsy nanarana ny fahavinirany rehetra.

Baiboly Protestanta Malagasy 2011

³⁸ Nefa Andriamanitra dia be famindrampo ka mamela heloka fa tsy mandringana; eny, nahatsindry fo tokoa Izy ka tsy nofohaziny avokoa ny fahavinirany.

DIEM PROTESTANTA

³⁸ Be indrafo anefa Andriamanitra ka namela ny hadisoany ary tsy nandringana azy; nahatsindry hatezerana Izy ary nampitony fahavinirana.

Dikateny Iombonana Eto Madagasikara

³⁸ Be indrafo anefa Andriamanitra ka namela ny hadisoany ary tsy nandringana azy; nahatsindry hatezerana Izy ary nampitony fahavinirana.

Baiboly Protestanta Malagasy

³⁸ Nefa Andriamanitra kosa be famindrampo, Dia mamela heloka ka tsy mandringana; Eny, nahatsindry fo tokoa Izy, Ka tsy nofohaziny avokoa ny fahavinirany.

Malagasy Bible

³⁸ Nefa Andriamanitra kosa be famindram-po, dia mamela heloka ka tsy mandringana; eny nahatsindry fo tokoa Izy, ka tsy nofohaziny avokoa ny fahavinirany,

La Bible en Malgache

³⁸ Nefa Andriamanitra dia be famindrampo ka mamela heloka fa tsy mandringana; eny, nahatsindry fo tokoa Izy ka tsy nofohaziny avokoa ny fahavinirany.

Salamo 78:38 Rohy Ifampitohizana

2Samoela 24:16

Mbola naninjitra ny tanany tamin’i Jerosalema ihany ilay Anjely, handringana azy. Fa nanenenan’i Iaveh ny amin’izany loza izany, ka hoy Izy tamin’ilay Anjely namono ny vahoaka: «Aoka izay, fa avonkony amin’izao ny tananao.» Teo akaikin’ny famoloan’i Areonà, Jeboseanina, no nitoeran’ilay Anjelin’i Iaveh tamin’izay.

2Mpanjaka 13:23

Namindra fo tamin’izy ireo anefa i Iaveh ka niantra azy; nitodika azy Izy noho ny fanekeny tamin’i Abrahama sy i Isaaka ary i Jakôba; tsy te-handringana azy ireo Izy, na hanesotra azy tsy ho eo anatrehany mandrak’ankehitriny.

2Mpanjaka 21:20

Nanao izay ratsy eo imason’i Iaveh izy, tahaka ny nataon’i Manase rainy,

Salamo 99:8

Ry Iaveh Andriamanitray ô, nekenao ny fangatahany; Andriamanitra be indrafo ho azy ireo Ianao, ary namaly azy tamin’ny hadisoany.

Isaia 48:9

Noho ny Anarako, dia manindry ny hatezerako Aho, ary noho ny voninahitro, dia mandefitra aminao Aho, mba tsy hamongorana anao.

Ezekiela 20:17

Nefa niantra tsy te-handringana azy ny masoko, ka dia tsy nolevoniko tany an’efitra izy ireo.

Hosea 11:9

Tsy hanarana ny firehetan’ny hatezerako Aho, tsy horavako fanindroany i Efraima. Fa Andriamanitra Aho, fa tsy olombelona; eo afovoanao ilay Masina, ka tsy ho tonga Aho mitondra ny fisafoahako.

Amosa 7:3

Ary nanenina amin’izay i Iaveh. «Tsy hisy izany» hoy i Iaveh.

Amosa 7:6

Nanenina i Iaveh. «Tsy hisy izany koa,» hoy ny Tompo Iaveh.