Salamo 4:4 - Baiboly Katolika

⁴ Fantatro fa efa nofantenan’i Iaveh ho azy ny olon-tia vavaka iray; ka mihaino i Iaveh raha miantso Azy aho

Baiboly Protestanta Malagasy 2011

⁴ Tezera fa aza manota; mieritrereta eo am-pandriananareo ka aoka hangina. Fiatoana

DIEM PROTESTANTA

⁴ Fantaro kosa fa igagana ny fitiavan’ny TOMPO ahy; henoiny aho rehefa miantso vonjy aminy.

Dikateny Iombonana Eto Madagasikara

⁴ Fantaro kosa fa igagana ny fitiavan’ny TOMPO ahy; henoiny aho rehefa miantso vonjy aminy.

Baiboly Protestanta Malagasy

⁴ Tezera, fa aza manota; Mieritrereta eo am-pandrianareo, ka mangìna. [Sela.]

Malagasy Bible

⁴ Tezera, fa aza manota; mieritrereta eo am-pandrianareo, ka mangina.

La Bible en Malgache

⁴ Tezera fa aza manota; mieritrereta eo am-pandriananareo ka aoka hangina. Fiatoana

Salamo 4:4 Rohy Ifampitohizana

Joba 28:28

Izay Izy vao nilaza tamin’ny olombelona nanao hoe: ‹Ny fahatahorana ny Tompo, dia izay no fahendrena, ny mandositra ny ratsy, dia izay no fahalalana› ».

Salamo 119:161

Enjehi-mpanjaka tsy ahoan-tsy ahoana aho; ny teninao no hany atahoran’ny foko.

Salamo 17:6

Miantso Anao aho, fa mamaly ahy Ianao, ry Andriamanitra; atongilano amiko ny sofinao, ka henoy ny fangatahako.

Salamo 2:11

Manompoa an’i Iaveh amim-pahatahorana, mientan-kafaliana amim-pangovitana.

Salamo 3:2

Ry Iaveh ô, akory izato hamaroan’ny fahavaloko! Endrey ity habetsahan’ireo mitsangan-kamely ahy!

Salamo 3:4

Kanefa, ry Iaveh, Ianao no ampingako; Ianao no voninahitro sy manandratra ny lohako.

Salamo 33:8

Aoka hatahotra an’i Iaveh ny tany rehetra! Aoka hangovitra eo anatrehany ny mponina rehetra amin’izao tontolo izao.

Salamo 46:10

Ny ady natsahany hatramin’ny faran’ny tany; ny tsipìka notapahiny; ny lefona nofolahiny; ny kalesy fiadiana nodorany tamin’ny afo.

Salamo 63:6

Toy ny voky tsoka sy ny matavy no ahavokisan’ny fanahiko, ka midera Anao ny vavako, amin’ny molotro falifaly.

Salamo 77:6

ka eritreretiko izany andro taloha, mbamin’ny taona fahizany.

Ohabolana 16:17

Ny manalavitra ny ratsy no lalam-ben’ny marina; ny mitandrina ny alehany no miaro ny ainy.

Ohabolana 16:6

Ny hatsaram-po amam-pahamarinana no anonerana ny heloka; ary ny fahatahorana an’i Iaveh no analavirana ny ratsy.

Ohabolana 3:7

Aza manao anao ho hendry eo imasonao, fa matahora an’i Iaveh ary mialà amin’ny ratsy.

Jeremia 5:22

Tsy hatahotra Ahy va ianareo, - teny marin’i Iaveh; tsy hangovitra eo anatrehako va ianareo? Izaho no nanao ny fasika ho fefin’ny ranomasina, dia fefy mandrakizay tsy hihoarany! Mitopatopa ny onjany, fa tsy afaka izy; mirohondròhona izy, fa tsy afa-mihoatra azy.

Habakoka 2:20

I Iaveh kosa, ao amin’ny Tempoliny masina; aoka hangìna eo anatrehany ianao, ry tany rehetra.

2Korintiana 13:5

Diniho ny tenanareo na mitoetra amin’ny finoana ianareo, na tsia; tsapao ny tenanareo. Moa tsy fantatrareo va, fa ao amin’ny tenanareo i Jesoa Kristy, afa-tsy raha olona tsy voazaha toetra ianareo?

Efesiana 4:26

Tezera, fa aza manota, ary aoka tsy ho tratry ny masoandro milentika ny fahatezeranareo.