Biblia Todo Logo
Baiboly an-tserasera
- dokam-barotra -




Salamo 39:12 - Baiboly Katolika

12 Raha faizinao ny olona, ka manasazy azy amin’ny fahadisoany Ianao, dia mandrava izay maminy indrindra, toy ny kalalao Ianao. Eny, tso-drivotra foana ny olombelona. - Selà

Jereo ny toko dika mitovy

Baiboly Protestanta Malagasy 2011

12 Henoy ny vavaka ataoko, TOMPO ô! Atongilano amin’ny fitarainako ny sofinao ary aza mangina amin’ny ranomasoko! Fa vahiny Aminao aho sady mpivahiny tahaka ny razako rehetra.

Jereo ny toko dika mitovy

DIEM PROTESTANTA

12 Raha manitsy ny olona Ianao ka manafay azy noho ny helony, dia manimba izay maminy indrindra toy ny zavatra lanin’ny kalalao. Eny tokoa fa ny olona rehetra dia toa tsio-drivotra mandalo. Fiatoana

Jereo ny toko dika mitovy

Dikateny Iombonana Eto Madagasikara

12 Raha manitsy ny olona Ianao ka manafay azy noho ny helony, dia manimba izay maminy indrindra toy ny zavatra lanin’ny kalalao. Eny tokoa fa ny olona rehetra dia toa tsio-drivotra mandalo. Fiatoana

Jereo ny toko dika mitovy

Baiboly Protestanta Malagasy

12 Mandrenesa ny fivavako, Jehovah ô; Ary mihainoa ny fitarainako; Aza mangina amin’ny ranomasoko; Fa vahiny aminao aho Sy mpivahiny tahaka ny razako rehetra.

Jereo ny toko dika mitovy

Malagasy Bible

12 Mandrenesa ny fivavako Jehovah ô,ary mihainoa ny fitarainako; aza mangina amin'ny ranomasoko fa vahiny aminao aho sy mpivahiny tahaka ny razako rehetra.

Jereo ny toko dika mitovy

La Bible en Malgache

12 Henoy ny vavaka ataoko, TOMPO ô! Atongilano amin’ny fitarainako ny sofinao ary aza mangina amin’ny ranomasoko! Fa vahiny Aminao aho sady mpivahiny tahaka ny razako rehetra.

Jereo ny toko dika mitovy




Salamo 39:12
19 Rohy Ifampitohizana  

Naharitra ela no nitoerany tany amin’ny Filistinina.


Ka hoy i Jakôba tamin’i Faraôna: «Telopolo amby zato taona no andron’ny fivahiniako. Sady fohy no ratsy ny andro niainako, fa tsy nahatratra ny andro niainan’ny razako tamin’ny fivahiniany.»


Angamba hijery ny fahoriako i Iaveh ka soa no hataon’i Iaveh amiko ho valin’izao ozona androany izao.»


«Miverena ianao, ka lazao amin’i Ezekiasa mpanapaka ny vahoakako hoe: Izao no lazain’i Iaveh Andriamanitr’i Davida rainao: Reko ny vavakao, ary hitako ny ranomasonao, ka indro sitraniko ianao; ao anatin’ny hateloana dia hiakatra ao an-tranon’i Iaveh ianao,


Ka izahay dia vahiny sy voanjo ihany eo anatrehanao, tahaka ny razanay rehetra; ary ny andronay eto an-tany dia tahaka ny aloka ihany, ka tsy misy azo antenaina.


no dia feranao koa izay hodiaviko? Ny nofoko anefa ity efa mihalevona hoatra ny hazo vovohina, sy tahaka ny fitafiana hanin’ny kalalao.»


Ireo sakaizako mihomehy ahy; fa amin’Andriamanitra kosa no itomanian’ny masoko.


Vavaky ny ory, mivesa-pahoriana, sy mandoatra ny fitarainany eo anatrehan’i Iaveh.


Efa nihodidina tamiko ny fatoran’ny fahafatesana, efa nahazo ahy ny tebitebin’ny Seoly; efa nianjady tamiko ny fanahiana amam-pahoriana,


Vahiny aho eto an-tany: aza afenina ahy ny didinao.


Ny lalànao no fihirako, eo amin’ny fitoerana fivahiniako.


He izany heloka mitambesatra aminy, ka aiza no hahafahany indray? Aringano amin’ny fahatezeranao ireo vahoaka ireo, ry Andriamanitra.


Azon’ny hatezeranao, dia foana avokoa ny andronay rehetra, hitanay mihelina toy ny feo malemy, ny taonanay.


Tsy azo amidy varo-maty ny tany, fa Ahy ny tany; ary ianareo hipetraka atỳ amiko toy ny vahiny sy olona mpiavy fotsiny.


Koa noho izahay manana mandrakariva izany toky izany, sady mahalala fa lavitra ny Tompo izahay raha mbola mitoetra amin’ny vatana


Ireo rehetra ireo dia maty tamin’ny finoana, nefa tsy mbola nahazo ny nampanantenaina, fa nahatazana azy lavitra fotsiny, dia niarahaba azy tamin-karavoana sy fiekena hoe: vahiny sy mpivahiny izy no etỳ an-tany.


Tamin’ny andron’ny nofony, nony nanolotra fivavahana sy fifonana nombam-pitarainana mafy sy ranomaso be tamin’Ilay nahavonjy Azy tamin’ny fahafatesana Izy sady nohenoiny noho ny fahatahorany an’Andriamanitra,


Ary raha Ilay tsy mizaha tavan’olona, fa mitsara ny olona rehetra araka ny asany avy, no antsoina hoe Ray, dia aoka hitondra tena amim-pahatahorana ianareo, mandritra ny andron’ny fivahiniana etỳ,


Ry malala, mamporisika anareo hifady ny fanirian’ny nofo izay manohitra ny fanahy aho, noho ny maha-vahiny sy mpivahiny anareo.


Araho izahay:

dokam-barotra


dokam-barotra